1 Livi laSimakadze lefika kimi futsi, litsi, 2 ''Usho kutsini, wena losebentisa lesaga mayelana nelive laka Israel bese utsi, 'Bobabe badla emagelebisi lamunyu, bese ematinyo ebantfwana ayaphatima'? 3 Njengobe ngiphila- lena yiNkhosi Simakadze lekhulumako-angeke nisakhona kusebentisa lesaga lesi kaIsrael. 4 Naka! Yonkhe imphilo icondzene nami-imphilo yababe kanye nemphilo yendvodzana, ticondzene nami! Umphefumulo lowonako nguye kanye lotawukufa! 5 Kungatsiwani mayelana nendvodza lelungile phindze lowenta lokucotfo kwemtsetfo 6 nekulunga-nangabe angadleli entsabeni noma aphakamisele emehlo akhe etithicweni tendlu yakaIsrael, phindze akamoni umfati wamakhelwane wakhe, nome alale nemfati losesikhatsini, ungiyo yini indvodza lelungile? 7 Kungatsiwani ngendvodza lengacindzeteli muntfu, futsi ubuyisela emuva kumbolekisi loku lokwakubekwe njenge siciniseko sekubhadalwa kwesikweleti, futsi akakwenti kweba kepha unika kudla kwakhe kulabalambile aphindze agcokise labangcunu ngetimphahla, ungiyo yini indvodza lelungile? 8 Kungatsiwani ngendvodza lengakhokhisi intalo lenyenti ngemali lebolekisa ngayo, futsi akatsatsi inzuzo lenyenti kulakutsengisako? Kutsiwa ngaye wenta bucotfo bemtsetfo futsi asungule kwetsembeka emkhatsini webantfu. 9 Nangabe lowo muntfu ahamba emitsetfweni yami agcine nemitsetfo yami kwenta ngekwetsembeka, kutawubese lesetsembiso salomuntfu lolungile kuba ngunasi: Utawuchubeka aphile! - lesi setsembiso seNkhosi Simakadze. 10 Kodvwa asesitsi unendvodzana leneludlame lecitsa ingati phindze ente nobe yini kuletintfo letibaliwe, 11 (nome ngabe babe wakhe angakenti ngisho nakunye kuletintfo). Udlela etintsaben futsi akamoni nemfati wamakhelwane wakhe, kungatsiwani ngaye? 12 Lendvodza lena icindzetela labaphuyile nalabaswele, futsi utsatsa ngenkhani aphindze ebe, bese akasibuyiseli setsembiso, futsi uphakamisela emehlo akhe etithicweni bese wenta tintfo letenyanyekako, 13 futsi ubolekisa imali ngentalo lenkhulu bese wenta inzuzo lenengi kakhulu kuloku lakutsengisako, kufanele yini loyo muntfu aphile? Nginesiciniseko angeke! Utawuvele afe nengati yakhe itawuba kuye ngobe wente tonkhe letintfo letinyanyisako. 14 Kodvwa buka! Asesitsi kunendvodza letala indvodzana, futsi lendvodzana ibona tonkhe letono uyise letentile, futsi noko atibonile, akatenti letintfo leto. 15 Leyo ndvodzana ayidleli etintsabeni, futsi ayiwaphakamisi emehlo ayo etithicweni tendlu yaka Israel, futsi ayimoni nemfati wamakhelwane wayo, kungatsiwani ngayo? 16 Leya ndvodzana ayicindzeteli muntfu, noma atsatse ngenkhani setsembiso, noma itsatse tintfo letintjontjiwe, kodvwa esikhundleni unika kudla kwakhe kulabalambile bese umbonya labangcunu ngetimphahla. 17 Leya ndvodzana ayicindzeteli muntfu nome itsatse intalo lenkhulu nome yente inzuzo lenkhulu yekubolekisa, kodvwa uphatsa imitsetfo yami bese hamba ngekwemitsetfo yami; leya ndvodzana angeke ifele tono tababe wayo: Ngempela itawuphila! 18 Babe wakhe, kusukela acindzetela labanye ngenkhani phindze webela nemnakabo, futsi wenta lokungasiko kahle emkhatsisini webantfu bakhe - naka, utawukufa esonweni sakhe. 19 Kodvwa utsi, 'kwentiwa yini kutsi lendvodzana ingatetfwali tono tababe wayo?' Ngobe lendvodzana iphatsa sihawu nekulunga bese igcina yonkhe imiyalo yami; uyakwenta. Ngempela itawuphila! 20 Loyo lowonako, nguye kanye lotokufa. Indvodzana angeke iletfwale licala lababe wayo, phindze nababe ngeke aletfwale licala lendvodzana. Lokulunga kwaloyo lotiveta akahle kutawuba etukwakhe, futsi bubi balomubi butawuba etikwakhe. 21 Kodvwa nangabe lomubi aphendvuka kuto tonkhe tono takhe latentile, futsi agcina yonkhe imitsetfo yami futsi enta lokucotfo kwetsetfo nalokulungile, ngempela utawuphila angafi. 22 Kuto tonkhe letono latentile ngeke tikhunjulwe engcondvweni kumelana naye. Utawuphila ngalokulunga lakwentako. 23 Ngiyajabula yini nakufe lomubi - loku kushiwo yiNkhosi Simakadze - kepha hhayi nakafulatsela tindlela takhe khona atophila? 24 Kodvwa nangabe umuntfu lolungile aphendvuka etindleni takhe tekulunga abese sewenta sono bese wenta lokwenyanyisako njenga konkhe lokwenyanyekako lokwentiwa ngumuntfu lomubi, utobese uyaphila? Konkhe lokulungile lakwentile ngeke kukhunjulwe uma angijikela ekwenteni licala. Ngako utakufa etonweni latentile. 25 Kodvwa utsi, 'Indlela yeNkhosi ayisiko kahle!' Lalela, indlu yaka Israel! Ngabe tindlela tami atisiko kahle? Akusito yini tindlela takho letingasiko kahle? 26 Nase indvodzana lelungile iphendvuka ekulungeni, futsi yente sono bese iyafa ngenca yato, ngako ke itawufela esonweni lesentile. 27 Kodvwa nangabe umuntfu lomubi aphendvuka ebubini labentile bese wenta bucotfo bemtsetfo nekulunga, utawubese ugcina imphilo yakhe. 28 Ngoba sewubonile waphendvuka kuwo onkhe emacala lawentile. Ngempela utawuphila, futsi angeke afe. 29 Kodvwa indlu yakaIsrael itsi, 'Indlela yeNkhosi ayisiko kahle!' Kanjani indlela yami ingabi ngulekahle, indlu yakaIsrael? Tindlela takho leti letingasito kahle. 30 Ngako ngitawuhlulela ngamunye umuntfu kini kulandzela tindlela takhe, indlu yakaIsrael! -loku Kushiwo yiNkhosi Simakadze. Phendvuka ufulatsele kuko konkhe lokungemacala khona kutababete lokukugilako kwesono kumelane nawe. 31 Kususe kini konkhe lokulicala lenikwentile; takheleni nine inhlitiyo lensha kanye nemoya lomusha. Ufelani, indlu yakaIsrael? 32 Ngobe ngite injabulo ekufeni kulaba labafako- loku kushiwo yiNkhosi Simakadze- ngako phendvukani niphile!''