¹ Lase livi la Simakadze lifika kimi, litsi, ² ''Nyalo wena, ndvodzana yemuntfu, utowehlulela yini? Utolehlulela yini lelidolobha lengati? Lente lati onkhe emacala akhe. ³ Kumele utsi, 'Inkhosi Simakadze isho naku: Leli lidolobha lelicitsa ingati emkhatsini walo kute kufike sikhatsi salo; lidolobha lelenta tithico kutingcolisa. ⁴ Ugucuke wadliwa licala ngalengati loyicitsile, futsi ubese uyangcola ngaletithico lewutentile. Uwacedzile emalanga akho, nasekugcineni kweminyaka yakho sekufikile. Ngako ke ngitawukwenta tive tingavumelani nawe futsi ube yiinhlekisa kuwo onkhe emave. ⁵ Labo labasedvute nalabo labakhashane kuwe batokuphukuta - wena live lelingcolile - nekwatiwa yonkhe indzawo njengalabagcwele kusangana. ⁶ Buka! Lababusi baka Israel, ngamunye ngemandla akhe, bete kuwe kutewucitsa ingati. ⁷ Abakahloniphi bobabe nabomake babo emkhatsini wakho, futsi bente kucindzetela kubekuhamba emkhatsini wakho. Baphetse kabi letintsandzane nebafelokati emkhatsini wakho. ⁸ Awukatinaki tintfo tami letingcwele futsi ungcolise neli Sabatha lami. ⁹ Emadvodza ladukisako efikile emkhatsini wakho kute atewucitsa ingati, futsi badla etintsabeni. Benta bubi emkhatsini wakho. ¹⁰ Emkhatsini wakho emadvodza embula bungcunu baboyise babo. Emkhatsini wakho bahlukubete bafati labangcolile ngesikhatsi basesikhatsini. ¹¹ Emadvodza lenta lokwenyanyekako nebafati babomakhelwane babo, nemadvodza lenta bomakoti babo bangcole ngalokulihlazo; emadvodza lahlukubeta bodzadze bawo - emadvodzakati abobabe bawo - konkhe loku kwentiwa emkhatsini wakho. ¹² Lamadvodza lawa atsatsa imidizo emkhatsini wakho kute atewucitsa ingati futsi utsetse intalo watfola inzuzo lenyenti, futsi ulimete bomakhelwane bakho ngekubacindzetela, futsi ungikhohliwe - loku ngulokushiwo yi Nkhosi Simakadze. ¹³ Buka! Ngesandla sami ngishaye lokutfolwe ngekungetsembeki lokwentiwe nguwe, nekucitfwa kwengati lokwentiwa emkhatsini wakho. ¹⁴ Inhlitiyo yakho itokuma yini, tandla takho titawucina yini ngemalanga uma mine matfupha ngikwenta lokutsite? Mine, Simakadze, ngimemetela naku, futsi ngitawukwenta. ¹⁵ Ngako ngitakuhlakatela emkhatsini wetive futsi ngikusakate kuwo onkhe emave. Ngalena ndlela lena, ngitawususa kungcola kwenu kuwe. ¹⁶ Ngako utawuba ngulo ngcolile emehlweni etive. Utobese uyati kutsi ngingu Simakadze.'' ¹⁷ Lephindza lefika kimi livi la Simakadze, litsi, ¹⁸ ''Ndvodzana yemuntfu, indlu yaka Israel igucuke yaba ngulokuhlutiwe kimi. Bonkhe bangemasalela elutfusi nesikotela, nensimbi nemtfofu emkhatsini wakho. Batawufana nalokuhlutiwe kweli siliva emlilweni wakho lomkhulu. ¹⁹ Ngako ke Inkhosi Simakadze isho naku, ''Ngoba nonkhe nigucuke naba njenga lokuhlutiwe, ngako ke, buka! Sengitonihlanganisa emkhatsini we Jerusalem. ²⁰ Njengemadvodza acokelela lisiliva, litfusi, insimbi, imfumfu nemtfofu ukufake emlilweni lomkhulu kukuncibilikisa, futsi bafutse nemoya kulomlilo kute utewuncibilikisa, ngako ngitokuhlanganisa ngentfukutselo yami nelulaka lwami, futsi ngitokufaka khona ngikuncibilikise. ²¹ Ngitokuhlanganisa futsi ngitofutsela kuwe umlilo wentfukutselo yami, futsi utawuncibilika emkhatsini wawo. ²² Njenge lisiliva lincibilikiswa emlilweni lomkhulu, utawuncibilikiswa kuwo, futsi utokwati kutsi mine, Simakadze, sengitfululele intfukutselo yami etikwakho!'' ²³ Livi la Simakadze lefika kimi, litsi, ²⁴ ''Ndvodzana yemuntfu, tsani kuye, 'Ulive lelingakahlanjululwa. Kute imvula ngelilanga lentfukutselo! ²⁵ Kunelicebo lelibi lweba phrofethi bakhe emkhatsini wakhe, kuhle kwelibhubesi lihlephula silwane lelisibambile. Abhubhisa imphilo futsi atsatse umnotfo longumcebo; benta bafelokati labanyenti emkhatsini wakhe! ²⁶ Baphristi bakhe benta ludlame emtsetfweni wami, futsi bahlambalata tintfo tami letingcwele. Abakhoni kwehlukanisa emkhatsini wetintfo letingcwele netintfo letihlambalatako, futsi abafundzisi ngemehluko emkhatsini walokungcolile nalokuhlobile. Bafihla emehlo abo kuma Sabbatha ami kute ngitohlanjalatwa emkhatsini wabo. ²⁷ Emazinyane akhe ekhatsi kuye afanana netimphisi tidzabula tehlukanisa tilwane letitibambile. Bacitsa ingati futsi babhubhise imphilo, kwenta inzuzo ngekungetsembeki. ²⁸ Baphrofethi bakhe ampende etikwato ngaloku mhlophe sampende; babona imibono lengemanga futsi bacombelela emanga kubo. Batsi, ''Inkhosi Simakadze isho loku'' uma Simakadze angakakhulumi. ²⁹ Bantfu bakule live bacindzetele ngekwesabiswa kanye nekutsatsa ngenkhani ngekweba, futsi baphatsa kabi labaphuyile nalabadzingile, futsi bacindzetele sihambi ngephandle kwebucotfo bemtsetfo. ³⁰ Ngako ngafuna umuntfu kibo lobekatawakha libondza futsi lobekatawuma phambi kwami esikhaleni salo salelive kute ngingalibhubhisi, kepha kute lengamtfola. ³¹ Ngako ngitawutfululela intfukutselo yami etikwabo. Ngitawubacedza ngemlilo wentfukutselo yami futsi ngibeke indlela yabo etinhloko tabo - lesi simemetelo seNkhosi Simakadze.