¹ Livi laSimakadze lefika kimi, latsi, ² ''Ndvodzana yemuntfu, uhlala ekhatsi endlini lehlubukile, lapho banemehlo ekubona kodvwa ababoni; futsi lapho banetindlebe tekuva kodvwa abalaleli, ngoba bayindlu lehlubukile. ³ Ngako-ke njengawe, ndvodzana yemuntfu, lungiselela tintfo takho tasekudzingisweni, ucale kuhamba emini emehlweni abo, ngoba ngitawukucosha emehlweni abo kusuka endzaweni yakho kuya kulenye indzawo.Mhlawumbe batowucala kubona, nome bayindlu lehlubukile. ⁵ Utawuveta tintfo takho tekudzingiswa emehlweni bona; umhlaba, emvakwekutsi ngikutjengise liphawu lendlu yaka Israyeli. Phuma entsambama emehlweni abo ngendleleni nobe ngubani ahamba ngayo kuya ekudzingiseni. ⁶ Bhola sikhala ebondzeni emehlweni abo, bese uohuma kuso. ⁴ Emehlweni abo cukula tintfo takho ehlombe lakho, ubese utikhiphela ebumnyameni. Mbonya busa bakho, ngoba kufaneke ungaboni lendzawo, njengoba ngikubeke njengeluphawo lwesecwayiso kulendlu yaka-Israyeli.'' ⁷ Ngako-ke ngikwentile loko, njengoba ngasengitjeliwe. Ngakhipha tintfo tami tasekudzingisweni emini, kwase entsambama ngabhola sikhala kulelibondza ngesandla.Ngatikhipha tintfo tami ebumnyameni, ngaticukula ehlombe emehlweni abo. ⁸ Labese livi laSimakadze lefika kimi ekuseni, litsi, ⁹ ''Ndzodzana yemuntfu, lendlu yaka Israyeli, lendlu lehlubukile, ayikakubuti, 'wentani?' ¹⁰ Shano kibo, ''Inkhosi Simakadze itsi: lesiphrophetho sesento simacondzana nendvodzana yenkhosi eJerusalema, nakuyo yonkhe indlu yaka Israyeli lebeyikhona.' ¹¹ Tsani, ''ngiliphawu lwesecwayiso kuwe.' Njengobe sengentile, kanjalo kutawukwenteka nakubo, batawukuya ekudzingisweni nase kutfunjweni. ¹² Indvodzana yenkhosi lesemkhatsini kwabo iyawucukula tintfo tayo ehlombeni lakhe ebusuku, utawubese uphuma kulolubondza. Batawubhola kulelibondza bakhiphe tintfo tabo. Utawumbonya buso bakhe, kuze angatewubona lelive ngemehlo akhe. ¹³ Ngitawundlala linethi lami etikwakhe bese ubanjwa egibe lwami; ngitawubese ngiyamletsa eBhabhiloni, endzaweni yemaChaldeans, kodvwa angeke akubone loko. Utawufela lapho. ¹⁴ Ngitawuphindze ngibacitse kuto tonkhe tindzawo konkhe emaceleni kwakhe lebebatomsita kanye nelibutfo lakhe lonkhe, ngitawubese ngitfumela inkemba emvakwabo. ¹⁵ Lapho bayawukwati kutsi nginguSimakadze, nangibacitsa emkhatsini wetive ngibasakate kuto tonkhe tindzawo. ¹⁶ Kodvwa ngiyawuphephisa labambalwa kubo enkembeni, endlaleni nasesifeni, kuze batawukhumbula tonkhe tento tami letimbi etindzaweni lengitawubayisa khona, kuze batewukwati kutsi nginguSimakadze.'' ¹⁷ Livi laSimakadze lefika kimi, latsi, ¹⁸ ''Ndvodzana yemuntfu, dlani sinkhwa sakho nekuchachatela, bese unatsa emanti akho ngekutfutfumela nangekungakhululeki. ¹⁹ Bese utsi kulabantfu balelive, ''Inkhosi Simakadze usho loku lokuphatselene netakhamuti taseJerusalema, naleveni laka-Israyeli, ''Bayawukudla sinkhwa sabo baseluvalweni banatse nemanti abo bavevetela, ngoba lelive liyawemukwa kugcwaliseka ngenca yebudlova babo bonkhe labahlala khona. ²⁰ Ngako lamadolobha labekahlala bantfu atawushiya, kanye nalelive liyawuba tindzala; ngako niyawukwati kutsi nginguSimakadze.''' ²¹ Livi lasimakadze laphindza lefika kimi, litsi, ²² ''Ndvodzana yemuntfu, saga sini lesi leninaso laveni lema Israyeli lesitsi, 'Emalanga achutjekisiwe, nayo yonkhe imibono ayiphumeleli?'' ²³ Ngako-ke, khuluma kubo utsi, 'Inkhosi Simakadze isho naku: Ngitawumisa lesaga, nalabantfu lapha ka-Israyeli angeke basasisebentisa.'' Tsani kubo, ''Emalanga asasondzele lapho yonkhe imibono itawugcwaliseka. ²⁴ Ngoba sekuyawubate imibono yemanga noma kuboniswa lokutsandzekako emkhatsini wendlu yaka-Israyeli. ²⁵ Ngoba nginguSimakadze! ngiyakhuluma, ngiphindze ngiphatse emavi lengiwakhulumako. Lenkinga ayisoze yaphutiswa. Ngoba ngiyawukhuluma lelivi emalangeni akho, endlini lehlubukile, ngiyawukufeza konkhe!-loku kushiwo nguSimakadze,'' ²⁶ Phindze livi laSimakadze lefika kimi, latsi, ²⁷ ''Ndvodzana yemuntfu! Buka, indlu yaka-Israyeli itsite, ''Lombono lawubonako wemalanga lamanengi kusukela nyalo, futsi uphrofetha ngetintfo letiyawukwenteka esikhatsi lesitako . ²⁸ ''Ngako-ke khuluma kubo utsi, ''Inkhosi Simakadze isho naku: Emavi ami angeke abambeleleke sikhatsi lesidze, kodvwa lelivi lengilikhulumile litawukwenteka-naku lokushiwo yiNkhosi Simakadze.''