¹ Laphoke umoya wangiphakamisela etulu waphindze wangiletsa esangweni lelingase nshonalanga nendlu ya Simakadze, libuke emphumalanga, ngisebhekile, emunyango welisango bekune madvodza langemashumi lamabili nakuhlanu. Ngabona Jazaniya indvodzana ya Azzuri kanye na Phelathi indvodzana ya Bhenanayi, baholi bebantfu, emukhatsisini wabo. ² Nkulunkulu watsi kimi, ''Indvodzana yemuntfu, lawa ngemadvodza lahlelako, futsi aphetse kwenta emacebo lamabi ngalelidolobha. ³ Batsi, 'Sikhatsi sekwakha tindlu asikho nyalo; lelidolobha libhodo, beseke tsine siyinyama.' ⁴ Ngakoke profethani ngetintfo letita behlela, kuprofetha, ndvodzana yemuntfu.'' ⁵ Laphoke Umoya wa Simakadze wehlela kimi wabese utsi kimi: Nguloku lokushiwo ngu Simakadze, ''Nguloku lokushoko, yindlu yaka Israyeli; ngoba ngiyati kutsi yini lehamba emucondvweni wakho. ⁶ Wena ulikhulisile linani lebantfu loba bulele kulelidolobha waphindze wagcwalisa letitaladi ngabo. ⁷ Ngakoke, Inkhosi Simakadze isho loku: Labantfu loba bulele, imitimba yabo uyilalise emukhatsisini kwa Jerusalema, bayinyama, beseke lelidolobha libhodo. Kepha utawukgishwa emukhatsisini welidolobha. ⁸ Uyisabile inkemba, kungako ngiletsa lenkemba kuwe-lona ngumubiko weNkhosi Simakadze. ⁹ Ngitaku khipha emukhambatsini welidolobha, bese ngikubeka etandleni tebantfu, ngoba ngitawuletsa kuhlulelwa kuwe. ¹⁰ Utawuwa ngenkemba. Ngitakuhlulela ngekhatsi kwemincele yaka Israyeli kute utokwati kutsi ngingu Simakadze. ¹¹ Lidolobha alinawuba libhodo lakho lekupheka, noma ube yinyama emukhatsisini kwakhe. Ngitakuhlulela ngekhatsi kwemincele yaka Israyeli. ¹² Laphoke utakwati kuysi ngingu Simakadze, lona etindleleni takhe beningahambi kito futsi nemitsetfo yakhe leningaka yilandzeli. Kephake, niphatse imitsetfo yetive leti nitungeletele.'' ¹³ Kwefika ngesikhatsi ngisa profetha, Pelatia indvodzana ya Bhenaniya, yashona. Ngakoke ngawa ngebuso bami ngabese ngiyakhala ngelivi lelisetulu ngabese ngitsi, ''Alasi, Inkhosi Simakadze, itawubhubhisa ngaloku phelele bantfu labasaphila kaIsrayeli?'' ¹⁴ Livi laSimakadze lefika kimi, litsi, ¹⁵ ''Ndvodzana yemuntfu, bomnakenu! Bomnakenu! Emadvodza elusendvo lakini nayo yonkhe indlu yaka Israyeli! Bonkhe ngulabo lekukhulunywa ngabo laba phila eJerusalema, 'Bakhashane na Simakadze! Lendzawo lena yaniketwa tsine njenge muhlaba wetfu.' ^{16 17 18} Ngakoke ubotsi, 'Inkhosi Simakadze isho loku: Naloku ngibasusele khashane kuna leletinye tive, phindze naloku ngibasakate emukhatsini, kepha mine solo ngimile ngimele bona sikhashane kulomhlaba bona sebahambile. Ngakoke ubotsi, 'Inkhosi Simakadze isho loku: Ngitanibutssa ebantfwini, bese nginenta libandla kuletindzawo lena sakatwa naya kito, ngitawubese ngikunika indzawo yaka Israyeli.' Laphoke batawuhamba baye khona befike besuse tonkhe tintfo letinyanyisako kanye nako konkhe lokungasiko kwaNkulunkulu kulena ndzawo. ¹⁹ Ngitawubaniketa inhlitiyo yinye, bese ngifaka umoya lomusha emukhatsisini wabo. Ngitawukhipha inhlitiyo yabo yelitje kulemitimba bese ngibaniketa inhlitiyo yenyama. ²⁰ Kute batawuhamba etinyatselweni tami, balandzele imitsetfo yami bese baya yenta. Laphoke batawuba bantfu bami, bese mine ngiba nguNkulunkulu wabo. ²¹ Kepha labo labahamba ngelutsandvo etintfweni tabo letinyanyisako naloku ngasiko kwaNkulunkulu, Ngitawuletsa kutiphatsa kwaba etinhloko tabo-lona ngumu biko wa Simakadze.'' ²² Emakherubhimi aphakamisa timphiko tawo kanye nalamasondvo bekase celeni kwawo, inkhatimulo yaNkulunkulu waka Israyeli beyingetulu kunabo. ²³ Laphoke inkhatimulo ya Simakadze yenyukela etulu ichamuka emukhatsisini welidolobha wabese uma etukwe ntsaba yase nshonalanga yelidolobha. ²⁴ Laphoke umoya wangiphakamisela etulu wangiletsa e Cheldea, etiboshweni, emubonweni lochamuka kumoya wa Nkulunkulu, kanye nemubono lengawubona unyuka usuka kimi. ²⁵ Laphoke ngamemetela kubo bonkhe labeba boshiwe tonkhe tintfo taSimakadze lebengiti bonile.