¹ Ngisabuka kuleliphahla lebelingetulu kwetinhloko telikherubhi; lokutsite kwavela etukwabo njenge sefaya lebukeka inemfanekiso wesihlalo sebukhosi. ² Wase Simakadze ukhuluma kulendvodza legcoke ingubo yelineni watsi, ''Hamba emkhatsini wemasondvo ngaphansi kwe kherubi, futsi ugcwalise tandla takho totimbili ngemalahle lashisako lasuka emkhatsini kwe kherubhi uyisakate etukwa lelidolobha.'' Yase lendvodza ingena ngekhatsi ngisabukela. ³ Lelikherubhi lema ngasekudla sendlu uma lendvodza ingena ngekhatsi, nelifu lagcwalisa lingekhatsi lelibala. ⁴ Inkhatimulo yaSimakadze yavuka ekherubhi lema etukwasekungeneni kwalendlu. Kwagcwalisa lendlu ngalelifu, nalelibala laligcwele kukhanya kwenkhatimulo yaSimakadze. ⁵ Lomsindvo wetimphiko tekherubhi wevakala kusukela ngaphandle kwelibala, njenge liphimbo laNkulunkulu lomkhulu uma akhuluma. ⁶ Kwefika ngekutsi, uma Nkulunkulu ayala lendvodza leyayigcoke ngengubo yelineni watsi, ''Tsatsa umlilo kusuka emkhatsini wemasondvo ekherubhi,'' lendvodza yahamba ngekhatsi yema eceleni kwelisondvo. ⁷ Likherubhi lelula sandla salo emkhatsini welikherubhi kuya emlilweni lowawusemkhatsini wemakherubhi, wayiphakamisela etulu wayibeka etandleni talologcoke ingubo yelineni. Lendvodza yayitsatsa yabuyela emuva ngaphandle. ⁸ Ngabona kulekherubhi intfo lefana nesandla ngaphansi kwetimphiko tabo. ⁹ Ngako ngabuka, ngase ngiyabona! emasondvo lamane labekaseceleni kwe kherubhi-linye lisondvo eceleni kwelikherubhi-nekubonakala kwemasondvo kwakufana nelitje leligugu. ¹⁰ Kubonakala kwabo kwakufana nekwabobonkhe bobane, njengelisondvo lelihlangana nalelinye lisondvo. ¹¹ Uma bahamba, bahamba nakunoma ngutiphi tindlela letine, ngaphandle kwekujika basahamba; kodvwa noma ngabe yini indlela inhloko leyibukako, bayilandzela emvakwayo ngaphandle kwekujika uma bahamba. ¹² Umtimba wabo wonkhe- kufaka ekhatsi imihlane yabo, tandla tabo, netimphiko tabo-tativalwe ngemehlo, nemehlo avalwe ngemasondvo lamane yonkhe indzawo futsi. ¹³ Ngisalalela, lamasondvo abitwa, ''Agicika.'' ¹⁴ Bebanebuso lobune amunye; lobuso bekucala bekubuso belikherubhi, lobuso besibili bekubuso bendvodza, lobuso besitsatfu belibhubesi, nalobesine buso belikhwezi. ¹⁵ Lase lelikherubhi-leti bekunguletindalo letiphilako lengitibonile ngaku Kheba Khanali-uvukile. ¹⁶ uma lelikherubhi lisuka, lamasondvo abetawuhamba eceleni kwabo, futsi uma ngabe lelikherubhi liphakamise timphiko talo etulu litophakama emhlabeni, lamasondvo akagucukanga. Basolo bahlala eceleni kwabo. ¹⁷ Uma lelikherubhi lima, lamasondvo ema solo, futsi uma avukela etulu, lamasondvo avukela nabo, ngoba moya wendalo lophilako wawusemasondvweni. ¹⁸ Yase inkhatimulo yaSimakadze iphumela ngaphandle etukwasekungeneni kwendlu yema etukwe likherubhi. ¹⁹ Lelikherubhi laphakamisa tiphiko talo lavukela emhlabeni ekubonweni uma baphumela ngaphandle, nalamasondvo enta lokufanako eceleni kwabo. Bamela ekungeneni kwasenyakatfo endlini yaSimakadze nenkhatimulo yaNkulunkulu waka Israyeli yefika etukwabo ibuya etulu. ²⁰ Leti nguletintfo tendalo letiphilako lengitibone ngaphansi kwaNkulunkulu wakaIsrayeli ngase Khebha Khanali, Ngako ngati kutsi bebamakherubhi! ²¹ Bebanebuso lobune netimphiko letinengamunye, nekufananiswa kwetandla temuntfu ngaphansi kwetimphiko abo, ²² nekufananiswa kwebuso babo bebufana nebuso lengibubone embonweni eKheba Khanali, ngamunyengamunye bachubekela embili.