¹ EmaFilisti ahlanganisa onkhe emabutfo abo e-Apheki, nema Izrayeli akha inkambu ngasesiyalweni lesiseJezreel. ² Tinkhosana temaFilisti agiyelana lamabutfo kusuka emakhulwini kuya etinkhulungwaneni baphuma bahamba; Davide nebakakhe kwagcina bona kuphuma bagadze Akhishi. ³ Tabese tinkhosana temaFilisti, ''Afunani nankha emaHebheru lana?'' Akhishi watsi kuleletinye tinkhosana temaFilisti atiphendvula, ''NguDavide, sisebenti saSawula, inkhosi yaka-Izrayeli, lebekasolo ahlala nami kulamalanga, nobe ngitsi kuleminyaka lena, futsi kute lokubi ngaye lengikubonile solo efika'' ⁴ Kepha letinkhosana temaFilisti betimtfukutselele Akhishi tatsi, ''Jikisa lendvodza, ayibuyele lendzaweni lowayinika yona. Ngeke ahambe natsi emphini, ngoba usengasijikela kusaliwa. Ngoba kukhona yini lenye indlela yekutsi atfokotise inkhosi yakhe ngaphandle kwekutsi abulale lawetfu emabutfo? ⁵ Akusuye yini loDavide lokwahlatjelwa ngaye kwagidvwa, kutsiwa, 'Sawula ubulele tinkhulungwane takhe, kepha Davide ubulele emashumi etinkhulungwane takhe'?'' ⁶ Wabese Akhishi ubita Davide watsi kuye, ''Kusaphila Simakadze, ube ngulotsembekile, uhamba nami ubuya nami emphini kuhle emehlweni ami; ngoba kute lokubi ngawe lengikubonile solo wefika kimi kute kube kunamuhla. Noko kunjalo, letinkhosana atikutsandzatsandzi kahle wena. ⁷ Ngakoke nyalo jika uhambe kahle, kute unganyanyisi letinkhosana temaFilisti. '' ⁸ Davide wabuta Akhishi watsi, ''Ingabe yini lenengiyentile? Yini loloyibone kimi solo ngefika kute kube kunyalo, leyente kutsi ungasafuni ngihambe nawe siyolwa netitsa takho nkhosiyami?'' ⁹ Akhishi waphendvula Davide watsi kuye, ''Ngiyati awunasiphosiso kimi kufana nengilozi yaNkulunkulu; noko kunjalo, tinkhosana temaFilisti setikhulumile tatsi, ''Akangahambi natsi kuya emphini.' ¹⁰ Ngakoke nyalo shesha uvuke ekuseni naletinye tisebenti taSawula leteta nawe; masinyane ngentsatsa kusa senivukile, nitohamba.'' ¹¹ Ngakoke Davide washesha wavuka, yena nalalamanye emadvodza, kute batohamba ekuseni, babuyele endzaweni yemaFilisti. Kepha emaFilisti anyuka aya eJezreyeli.