¹ Sivile umlayeto kutsi kukhona bugwadla emkhatsini wenu, kuneluhlobo lobugwadla lolungakavumeleki emkhatsini webetive; Indvodza ibanemfati wababe wayo ² .Niluhlata klaba! Akufanele yini kutsi ngabe niyalila?Loyo lowente loku kufanele asuswe emkhatsisini wenu. ³ Noma ngikhona emtimbeni,ngikhona ngamoya.Sengivele ngikwendlulisele kwehlulela kuloyo lokwente loko,njengoba ngangikhona. ⁴ Nanihlangene ngelibito leNkhosi Jesu mine nginani ngamoya, nemandla eNkhosi Jesu akhona, ⁵ yendlulise lendvodza kuSathane kutobhidlitwa inyama,khona lapho umoya wakhe utosindziswa ngelilanga leNkhosi. ⁶ Kutikhukhumeta akusiko kahle. Anati yini kutsi imvubelo lencane ikhukhumalisa sinkhwa sonkhe? ⁷ Tihlambululeni ngekwenu emvubelweni lendzala khona lapho nitoba yinhlama lensha,khona nitoba sinkhwa lesingenambiliso.Ngoba Kristu, liPhasika lemvu,lekunikelwa. ⁸ Ngako ke asigubheni umcimbi,hhayi ngemvubelo lendzala,imvubelo yemikhuba lemibi.Ngaphandle,asigubheni sinkhwa lesingenambiliso ngekutfobeka nangeliciniso. ⁹ Nginibhalele encwadzini kutsi ningatimbandzakanyi nebantfu labagwadlako. ¹⁰ Angisho bantfu labagwadlako balelive,nalabaticabangela bona,tigebengu,laba khonta tithico,njengoba kufuneka usuke kubo utodzinga kuphuma eveni. ¹¹ Kepha nyalo ngiyanibhalela kutsi ningatimbandzakanyi nemuntfu lobitwa ngekutsi ngumnaketfu kodvwa aphila nebugwadla,loyo loticabangela yena, noma lokhonta tithico,kumhlukubeta ngekukhuluma,noma sidzakwa, noma sigebengu.Ningadla kudla nemuntfu lonjalo. ¹² Ngingakwenta kanjani kutsi ngingene kwehlulela labo labangaphandle kwelibandla?Kunaloko, akukafanele nehlulele labo labangekhatsi ebandleni? ¹³ Kepha Nkulunkulu utawehlulela labo laba ngaphandle.''Susa umuntfu lomubi emkhatsini wenu''.