¹ Yindlela umuntfu lekumele asibite ngayo, njengetisebenti taChristu nebaphatsi betimfihlakalo taNkhulunkhulu. ² Manje baphatsi kumele bakhandzakale batsembekile. ³ Kodvwa kimi yintfo lencane kutsi ngehlulelwe ngini nome yinkantolo yebantfu. Ngoba angitehluleli nanami. ⁴ Angati lutfo ngelicala lelibekiwe ngami, kepha loko akusho kutsi ngilungile. Yinkhosi lehlulela mine. ⁵ Ngako ke ungamemeteli ngekwehlulelwa ngaphambi kwesikhatsi, ngaphambi kwekube inkhosi ibuye. Utawuletsa ekukhanyeni tintfo letifihlakele tebumnyama phindze avete tinjongo tenhlitiyo. Bese ngamunye utfola indvumiso ku Nkulunkulu. ⁶ Nyalo, bomnaketfu, ngifake lemigomo kimi naku Apollos ngenca yenu, ngekutsi ngakitsi ningafundza bumcoka balenkhulumo,'' Ningahambi nece kuloku lokubhaliwe.'' Loku kwekutsi kube bete ngisho munye wenu ningagungubali ngalomunye umuntfu nidzele lomunye. ⁷ Labo lababona umehluko emkhatsini kwakho nalabanye? Yini lonayo longakayitfoli? Nangabe uyitfolile, udwvaliswa yini nangabe awukayitfoli? ⁸ Senenele! Seninjingile! Senitente emakhosi ngaphandle kwetfu! Imphela, ngiyafisa ngatsi ningemakhosi sibili, sitohlephulelana lobukhosi. ⁹ Nkhulunkhulu ubeke tsine baphostoli kutsi sibe bekugcina sifanane nalabagwetjwe intsambo. Sentiwe saba ngumbukiso kuyo yonkhe indalo, etingilosini, nakubantfu. ¹⁰ Sitilima ngengca yaKhristu, kodvwa nine nihlakaniphile kuKhristu. Tsine sibutsakatsaka ngengca yaKhristu,kepha nine mandla. Nine niyadvunyiswa, kepha tsine siyanyembenywa. ¹¹ Kuze kube ngulelihora lanyalo siyalamba, some, asinatimphahla kahle, sishaywe, sebemihibahiba site emakhaya. ¹² Sisebenta kametima, sisebente ngetandla tetfu. Sitsi setfukwa sibe sibusisa. Sitsi sitingela kuhlushwa, sicinisela. ¹³ Sitsi sinyembenywa, sikhulume kahle. Kuze kube ngunamuhla sentiwa tibi temhlaba, nekungcola kwentintfo tonkhe. ¹⁴ Angibhali loku kuze ngitonidlisa emahloni, koja kutonilungisa njengebantfwana bami lengibatsandzako. ¹⁵ Noma ngabe ningaba nebaluleki labangu 1000 ku-Khristu, nite boyihlo labanyenti. Ngako-ke senginguyihlo wena ku-Khristu Jesu ngeliVangeli. ¹⁶ Ngako-ke ngiyanincenga kutsi nilingise mine ¹⁷ Ngiko ngatfumela Thimothi, umtfwanami lengimtsandzako futsi lotsembeke eNkhosini. Utanikhumbuta ngetindlela tami enkhosini, njengoba ngitifundzisa yonkhe ndzawo nakulolonkhe sontfo. ¹⁸ Nyalo labanye benu sebaluhlata, benta ngatsi bengingeti kuwe. ¹⁹ Kodvwa ngitakuta kini kudze madvutane. Ngako ke ngeke ngati leto tinkhulumo talabo labaluhlata, kodvwa emandla abo ngitawabona. ²⁰ Ngoba umbuso waNkhulunkulu awuyi ngemagama ekutjela, kodvwa uya ngemandla. ²¹ Nifunani? Nifuna ngite kini ngendvuku, nome ngite nelutsandvo nemoya lomuhle?