¹ Nangabe munye wenu anekungaboni liso nalomunye, angaba nesibindzi aye enantolo yemalungelo embikwe kwemehluleli longakholwa, kune kutsi bantfu ba Nkulunklu laba ngcwele? ² Anati yini kutsi bantfu ba Nkulunkulu laba ngcwele batawehlulela lomhlaba? Nangabe ke nitawehlulela lelive, anikhoni yini kulungisa tinkinga lelitentfo lemncoka? ³ Anati yini kutsi sitawehlulela tingilosi? Kangakanani, bese, singehlulela tinkinga talemphilo? ⁴ Nakunjalo kufanele nente tehlulelo letiphetselene netintfo ta onkhe emalanga, niwabeke lani emacala lanjena njengalawa embikwalabo labete kukholwa esontfweni? ⁵ Ngisho loku emahlazweni enu. Kute yini emkhatsini wenu lohlakaniphile ngalokwanele kucatulula kucabana emkhatsini weba zalwane? ⁶ Kepha munye umzalwane abopha lomunye umzalwane, bese loku kwenteka embikwemahedeni! ⁷ Kwakhona lokutsi nibophene nalomunye sekuvele kukwehluleka kuwe. Leni ungamane uhluphekele lokukabi? Leni ungativumeli udlelelwe? ⁸ Kepha wena lucobo wenta lokubi futsi uyadlelelana, futsi ukwenta loku kuba zalwane bakho! ⁹ Anati yini kutsi labangcolile ngeke balidle lifa lembuso wa Nkulunkulu? Ningakholwa emanga. Tingwadla, labakhonta tithico, labaphingako, labadvuna labatsengisa umtimba, nalabo labalalana bebulili bunye, ¹⁰ tigebengu, labanemona, tidzakwa, labahlambalatako, netigebengu- namunye kibo lotodla lifa lembuso wa Nkulunkulu. ¹¹ Loku ngulokunye labanye benu bebangiko. Kepha senigeziwe, nihlengiwe, nentiwe nalungelana na Nkulunkulu egameni leNkhosi yetfu Jesu Khristu kanye nangamoya waNkulunkulu wetfu. ¹² Konkhe kungumtsetfo kimi, '' kepha kulusito. ''Konkhe kungumtsetfo kimi,'' kepha ngeke ngiphatfwe nangu kunye kwako. ¹³ ''Kudla kwesusu, futsi nesisu sekudla,'' kepha Nkulunkulu uyawukubhubhisa kokubili. Umtimba awukentelwa bugwadla. Esikhundleni, umtimba we Nkhosi, futsi Inkhosi itawunakekela umtimba. ¹⁴ Nkulunkulu wayivusa Inkhosi futsi natsi utosivusa ngemandla akhe. ¹⁵ Anati yini kutsi imitimba yenu ingemalunga a Khristu? Kufanele ngitsatse emalunga a Khristu bese ngiwahlanganisa netingwadla? Akungenteki! ¹⁶ Anati yini kutsi loyo lohlanganiswe nengwadla uba nyama yinye nayo? Njengoba imibhalo isho, ''Lalabali baba nyama yinye.'' ¹⁷ Kepha loyo lohlanganiswe eNkhosini uba moya munye naye. ¹⁸ Kubalekele bugwadla! Sonkhe sono umuntfu lakasentako singaphandle kwemtimba, kepha logwadlako umuntfu wona umtimba wakhe. ¹⁹ Anati yini kutsi umtimba wenu lithempeli la Moya Longcwele, lohlala kini, lona leninawo ku Nkulunkulu? Anati yini kutsi anisibo benu? ²⁰ Ngoba natsengwa ngemphilo yendvodzana ya Nkulunkulu. Ngako ke dvumisani Nkulunkulu ngemtimba wenu nase moyeni wenu, loku kwa Nkulunkulu.