¹ Manje ngiyanikhumbuta, bazalwane, belivangeli ngimemetela kini, nine lenalemukela futsi nimile kulo, ² futsi ngilo lenasindza ngalo, uma nibambelela nicinise kulelivangeli lengalishumayela kini, ngaphandle ukholelwe lite. ³ Njengoba nganetfulela lokwakumcoka ekucaleni lengakwemukela, kutsi Khrestu afele tono tetfu njengekusho kwemibhalo, ⁴ futsi wangcwatjwa, waphindze wavuswa ngelilanga lesitsatfu njengekusho kwemibhalo. ⁵ Khrestu wavela kuKhefasi, kanye nalaba labalishumi nakubili; ⁶ wase uvela kulabangetulu kwemakhulu lasihlanu sikhatsi sinye. Labanyenti babo basaphila, kepha labanye besebalele. ⁷ Wase uyavela kuJakobe, nakubaphostoli bonkhe. ⁸ Ekugcineni kwako konkhe, wavela kimi, shengatsi uvela kumntfwana lotelwe kungakafiki sikhatsi. ⁹ Ngoba ngimi lomncane kulabaphostoli. Angikafaneli kubitwa ngemphostoli ngoba ngihlamuke libandla laNkulunkulu. ¹⁰ Kepha ngenca yemusa waNkulunkulu nginguloku lengingiko, futsi umusa wakhe kimi awuzange ube lite emitsanjeni yami. Kantsi bekungasimi, kepha umusa waNkulunkulu longekhatsi kimi. ¹¹ Ngakoke, noma ngimi noma ngibo, ngako siyashumayela futsi wetsembe. ¹² Nyalo uma Khrestu sekamenyetelwe avuswe ekufeni, kungani labanye benu batsi kute kuvuswa ekufeni? ¹³ Kepha uma kute kuvuswa kwalabafile, ngako naKhrestu bekangeke avuswe; ¹⁴ futsi kube Khrestu akavuswanga, ngako kushumayela kwetfu kulite, futsi nelukholo lwenu kanjalo lilite. ¹⁵ Futsi, sitfolakele sibofakazi bemanga nga Nkulunkulu, ngoba safakaza kutsi Nkulunkulu wavusa Khrestu ekufeni. Kepha akamvusanga, uma impela vele labafile abavuswa. ¹⁶ Ngoba kube labafile abavuswanga, naKhrestu ngabe akavuswanga; ¹⁷ futsi uma Khrestu akavuswanga, lukholo lwenu lilite futsi solo nisetonweni tenu. ¹⁸ Nalabo labafe bakuKhrestu nabo babolile. ¹⁹ Kube kulemphilo lena besingatsembela kuKhrestu, kubantfu bonkhe sibekulilelwa. ²⁰ Kepha nyalo Khrestu, lotitselo tekucala salabo labafa, uvusiwe ekufeni. ²¹ Njengoba kufa kweta ngemuntfu, nekuvuswa kwalabafile kweta ngemuntfu. ²² Njengobe ku Adam bonkhe bayafa, ngako kuKhrestu bonkhe bayokwentiwa baphile. ²³ Kepha ngamunye ngamunye ngendlela yakhe: Khrestu, lotitselo tekucala, futsi labo lababaKhrestu bayowentiwa baphile ngekubuya kwakhe. ²⁴ Ngako kuyawuba siphetfo, mhla abuyisela umbuso kuNkulunkulu Babe, uyawucitsa wonkhe umtsetfo nawo onkhe emagunya nemandla. ²⁵ Ngako kumele abuse adzimate ate abeke titsa takhe ngaphasi kwetinyawo takhe. ²⁶ Sitsa sekugcina lekumele sincotjwe kufa. ²⁷ Njengoba abeke konkhe ngaphasi kwetinyawo takhe. Kepha uma kutsi ''Ubeke konkhe,'' kusobala kutsi loku akubafaki labo lababeka konkhe ukutfobiseni ngaphasi kwabo. ²⁸ Uma tonkhe tintfo setitfotjiselwe ngaphasi kwakhe, kanjalo nendvodzana yakhe itotfotjiswa ngaphasi kwaloyo lobeke konkhe kubonakaliswa ngaphasi kwakhe, kutsi Nkulunkulu angaba ngiko konkhe kukonkhe. ²⁹ Noma ke bayokwentani labo lababhabhatiselwa kufa? Uma labafile bangavuswa nhlobo, babhabhatiselelwani bona? ³⁰ Kungani ke sibe sengotini emahora onkhe? ³¹ Ngifa mihla yonkhe le! Loku kusiciniseko sekutichenya kwami kini, lenginako kuKhrestu Jesu iNkhosi yetfu. ³² Ngizuza ini, embonweni lobuya kumuntfu, nangabe e Efesu ngalwa nalokutsiwa tilwane, nangabe labafile abavuswa? ''Asidleni sinatseni, ngoba kusasa sitawufa.'' ³³ Ningayengeki: ''Bangani lababi bonakalisa similo lesihle.'' ³⁴ Sangulukani! Philani ngekwetsembeka! Ningachubeki nekona. Ngoba labanye benu abamati Nkulunkulu. loku ngikusho khona nitewuba nemahloni. ³⁵ Kepha lomunye utawutsi, ''Labafile bavuswa njani, futsi beta bangumtimba lonjani?'' ³⁶ Silima-ndzini! Lokuhlanyelako wena ngeke kucale kukhula ngaphandle kufe. ³⁷ Futsi lokuhlanyelako angeke kube ngulomtimba, kepha luhlavu loluphatsekako. Kungaba ngukolo nome lokunye nje. ³⁸ Kepha Nkulunkulu utakunika umtimba njengoba akhetsile, futsi eluhlavini ngalinye linemtiba walo. ³⁹ Akusiyo yonkhe inyama lefanako. Esikhundleni, kunenyama yinye yebantfu, nalenye inyama yetilwane, nalenye inyama yetinyoni, nalenye yetinhlanti. ⁴⁰ Kunemitimba futsi yasezulwini nemitimba yasemhlabeni. Kepha inkhatimulo yemtimba wasezulwini luhlobo lunye futsi lenkhatimulo yalomhlaba ingulenye. ⁴¹ Kunenkhatimulo yinye yelilanga, nalenye inkhatimulo yenyanga, nalenye inkhatimulo yetinkhanyeti. Nguleyo nkhanyeti yehluke kuletinye tinkhanyeti ngenkhatimulo. ⁴² Kukanjalo-ke kuvuswa ekufeni. Lokuhlanyelwe kuyabola, futsi lokuvusiwe akuboli. ⁴³ Kuhlanyelwa ngekudzeleleka; kuvuswe enkhatimulweni. ⁴⁴ Kuhlanyelwa emtimbeni lobutsaka; kuvuswe emtimbeni wakamoya. Uma kunemtimba wendalo, kukhona nemtimba wakamoya. ⁴⁵ Ngako futsi kubhaliwe," Indvodza yekucala Adamu waba ngumphefumulo lophilako." Lowekugcina Adamu waba ngumoya lonika kuphila. ⁴⁶ Kepha lowakamoya aketanga kucala kepha ngulowendalo, futsi kwase kuba ngulowakamoya. ⁴⁷ Indvondza yekucala yemhlaba, yakhiwe ngelutfuli.Leyesibili indvodza ibuya ezulwini. ⁴⁸ Njengalena layakhiwe ngelutfuli,kanjalo nalamanye akhiwa ngelutfuli, futsi kanjalo nendvodza yasezulwini, futsi kanjalo nalabavela ezulwini. ⁴⁹ Njengoba sitelwe saba ngumfanekiso walendvodza yelutfuli, sitophindze sibengumfanekiso walendvodza yasezulwini. ⁵⁰ Nyalo naku lengikushoko, bazalwane, lenyama nengati angeke kungene embusweni waNkulunkulu. nalokubolako angeke kungene kulokungaboli. ⁵¹ Buka! Nginitjela liciniso leliyimfihlo: Angeke sife sonkhe, kepha sitawushintjwa sonkhe. ⁵² Sitawushintjwa kwesikhashana, ngekuphatima kweliso, ekukhaleni kwelicilongo lekugcina. Njengoba licilongo litokhala nalabafile batovuswa bangakaboli, nabo batoshintjwa. ⁵³ Ngako lomtimba lobolako kumele umbatsiswe kungaboli, nemtimba lofako kumele umbatsiswe kungafi. ⁵⁴ Kepha uma lomtimba lobolako umbetse lokungaboli, futsi uma lomtimba longafi umbatsiswe kufa, kutawuba nekushiwo kwembalo lotsi," Kufa kumitwe kuncoba." ⁵⁵ " Kufa, kuphi kuncoba kwakho? Kufa, luphi ludvonsi lwakho?" ⁵⁶ Ludvonsi lwekufa sono, nemandla esono ngumtsetfo. ⁵⁷ Kepha tibongo tonkhe kuNkulunkulu, losinika kuncoba ngaye Smakadze Jesu khrestu! ⁵⁸ Ngako-ke, bazalwane bami labatsandzekako, manini nicine futsi ninganyakatiswa. Ngasosonkhe sikhatsi nete umsebenti waNkulunkulu, ngoba niyati kutsi umsebenti wenu kuNkulunkulu awusilo lite.