¹ Macondzana nemnikelo losita labangcwelw, njengoba ngiyala emabandla aseGalathiya, yentani njalo nani. ² Njalo-nje elangeni lekucala evikini, akube ngulowo nalowo alondvolote loko lokumlingene, kuze kutsi iminikelo ingentiwa nasengikhona. ³ Nase ngifikile, labo lesenibakhetsile ngitabatfumela kanye netincwadzi tekubatfula, bamikise letipho tenu telutsandvo eJerusalema. ⁴ nangabe kufanele kutsi nami ngihambe, ngiyawuhamba kanye nabo, batewungipheketela. ⁵ Ngitawufika lapho kini sengendlule eMasedoniya, ngobe ngifuna kwendlla khona kucala. ⁶ Mhlawumbe ngingagzimate ngilale lapho kini kuze kwendlule nabusika, kumbe ningangisita ekuchubekeni kwami, nome kukuphi lapho ngiya khona. ⁷ Angeke nginibone kwamanje ngisetawendlla, ngobe ngifuna kufike ngihlale lapho sikhatsi , iNkhosi nayivuma. ⁸ Kepha ngitawuhlala e-Efesu, kugzimate kufike lilanga lephentekhoste. ⁹ Ngobe litfuba lekusebenta lingivulekele, noko, banyenti labemelene nami. ¹⁰ Nakufika thimothi lapho kini, nibocaphelelisisa kutsi nimemukele, ativele asekhaya, ngobe wenta msebenti munye nani, umsebenti weNkhosi. ¹¹ Ngako-ke kubete lomedzelelako, nimelekelele ngekumphekeletela endleleni lencane naseta kimi, ngobe tsine nebazalwane simbhekile. ¹² Macondzana nemzalwame Apolosi ngamcela kakhulu kutsi ete kimi kanye nebazalwane, kepha bekungasiyo intsandvo yakhe kutsi ete nyalo, noko utawuta angalutfoli litfuba. ¹³ Lindzani nisime ekukholweni, nibe ngemadvodza, nicine. ¹⁴ Konkhe lenikwentako nikwente ngelutsandvo. ¹⁵ Bazalwane, niyati kutsibakaStefanasi baba bekucala kubase-Akhaya kuphendvuka nekutsi batimisele ngekukhonta labangwele. ¹⁶ Ngiyanicela kutsi nibatfole labanjalo nabo bonkhe labasebentisana nabo kutsi bashiphaneke. ¹⁷ Ngiyatfokota ngekufika kwaStefanasi, naFothunatusi, na-Akhayikhusi, ngobe bayanimelela noma ningekho. ¹⁸ Ngobe bawuhlumelele umoya wami newenu; ngako-ke bahlonipheni labanjalo. ¹⁹ Emabandla ase-Asiya ayakhonta kini nonkhe. Bo-Akhwira naPhrisila bakhonta kakhulu kini eNkhosini, kanye nelibandla lelikhontela endlini yabo. ²⁰ Bazalwane nabo nonkhe bayakhontela kini. Bingelelani ngekwangana lokungcwele. ²¹ Nako-ke kukhonta kwami Pawula ngesandla sami. ²² Nangabe ukhona longayitsandzi iNkhosi akabe ngulocalekisiwe Wota Nkhosi! ²³ Umusa weNkhosi awube nani. ²⁴ Lutsandvo lwami alube nani nonkhe kuKhristu Jesu.