¹ Funisisani lutsandvo nikhutsalele tiphiwo tamoya, ikakhulu kutsi niphrofethe. ² Phela lokhuluma ngetilimi akakhulumi kubantfu kodvwa kuNkulunkulu. Phela akukho lamuvako ngoba ukhuluma tintfo letifihlekile kuMoya. ³ Kodvwa loyo lophrofethako ukhuluma kubantfu kute bakheke, kubakhutsata, nekubadvudvuta. ⁴ Lokhuluma ngetilimi utakha yena, Kodvwa lophrofethako wakha libandla. ⁵ Ngiyafisa kutsi nonkhe nikhulume ngetilimi. Kodvwa ngetulu kwaloko, ngifisa kutsi niphrofethe. Lophrofethako mkhulu kunalokhuluma tilimi (ngaphandle nakukhona lotawuhumusha kute libandla lakheke). ⁶ Kodvwa ke, bazalwane, uma ngita kuwe ngikhuluma ngetilimi, ngingakusita njani? angeke, ngaphandle nangikhuluma kuwe ngesembulo, noma lwati, noma kuphrofetha, noma kufundzisa. ⁷ Uma tinsimbi letingaphili tenta imisindvo-njengemintjingo noma lihabhu-atikhiphi imisindvo leyehlukene, sekangati njani lomunye kutsi uyini umsindvo womntjingo noma kudlala kwehabhu? ⁸ Phela nangabe licilongo lishaywa ngendlela lengaketayeleki, lomunye sekangati njani kutsi sikhatsi sekutilungisela imphi? ⁹ Phela kukuwe. Uma uphimisa inkhulumo lengacondzakali, lomunye angakucondza kanjani kutsi utseni? Wena utawukhuluma, kani kute lotakuva. ¹⁰ Tinyenti kakhulu tilimi letikhulunywako kulomhlaba, kute letingasho lutfo. ¹¹ Kodvwa nangabe angati kutsi lolokhulumako utsini, ngitawuba njengewetive kulona lokhulumako, nalolokhulumako utawuba njengewetive kimi. ¹² Phela kukini. Njengoba nikhutsalela kubonakalisa kwaMoya, yetamani kwenta kahle kakhulu kuleto tipho letakha libandla. ¹³ Ngako lokhuluma ngetilimi akathandazele kutsi amane ahumushe. ¹⁴ Phela uma ngithandaza, moya wami uyathandaza, kodvwa ingcondvo yami ayinasitselo kuloko. ¹⁷ Noma wena ubonga kahle kakhulu, kodvwa lolomunye umuntfu akakheki. ¹⁸ Ngibonga Nkulunkulu ngikhuluma ngetilimi kakhulu kunendlula nonkhe. ¹⁹ Kodvwa esontfweni ngingamane ngikhulume emavi lasihlanu ngekucondza kwami kumbe ngingasita labanye, kunemavi latinkhulungwane letilishumi ngetilimi. ²⁰ Bazalwane, ningabi banfwanaekucabangeni kwenu. Lokungenani, kulokubi, nibe tinswane. kodvwa ekucabangeni kwenu banini ngulabakhulile. ²¹ Emtsetfweni kubhaliwe," Ngemadvodza elulimi lolungacondzakali nangetindzebe tebachamuki ngiyawukhuluma kulabantfu. ²² Phela , tilimi tisibonakaliso, hhayi kulabakholwako, kodvwa kulabangakholwa. Kodvwa kuphrofetha kusibonakaliso, hhayi kulabangakholwa, kodvwa kulabakholwako. ²³ uma, ke, libandla lonkhe lihlangana bese bonkhe bakhuluma ngetilimi , bese umhedeni noma longakholwa uyangena, angete asho yini kutsi niyahlanya? ²⁴ Kodvwa kube nonkhe beniphrofetha bese kungena umhedeni noma longakholwa, abetatilahla yena ngako konkhe lalakuvako. Abetakwehlulelwa ngaloko lokushiwoko. ²⁵ Timfihlo tetinhlitiyo takhe titakwembulwa. Umphumela, uyawukuwa phansi ngebuso advumise Simakadze. Uyawukusho nekusho kutsi ngeliciniso Nkulunkulu usemkhatsini wenu.. ²⁶ Kulandzelani ke,bazalwane, uma nihlangana? lomunye abe nelihubo, kufundzisa, sembulo, tilimi, noma kuhumusha. Yentani konkhe kuze kutsi kwakheke libandla. ²⁷ Nakukhona lokhuluma tilimi akube ngubabili lokungenani batsatfu, balindzane, bese lomunye uyakuhumusha loko lokushiwo. ²⁸ Kodvwa nangabe kute lotawuhumusha, ababindze ebandleni. Kube nguloyo atikhulumele yena nakuNkulunkulu. ²⁹ akukhulume babili noma batsatfu baphrofethi, bese kutsi laba balalele ngekukwehlukanisa loko lokushiwoyo. ³⁰ Kodvwa nakukhona lonekukucondza loko kani ukhona lapha enkonzweni, lona lobekakhuluma akabindze. ³¹ Munye wenu angaphrofetha nalomunye ukuze nalomunye atofundza kute bonke bakheke. ³² Ngoba moya webaphrofethi uyabatfobela baphrofethi. ³³ Ngobe Nkulunkulu akasiye wesiphitsiphitsi, kodvwa wekuthula. ³⁴ Lena yindlela yekwenta tintfo kuwo onkhe emabandla ebantfu labangcwele baNkulunkulu. ³⁵ Bafati ababindze emabandleni. Ngobe abakavumeleki kukhuluma. Esikhundleni saloko, abatitfobe, njengoba nemtsetfo usho. ³⁶ Nakukhona labafuna kukufundza, ababute emadvodzeni abo emakhaya. Ngobe kulihlazo kumfati kutsi akhulume ebandleni. Ngabe livi laNkulunkulu lavela kini yini? Ngabe ngini kuphela yini lelafika kubo? ³⁷ Nakukhona loticabanga kutsi ungumphrofethi noma uwemoya, ufanele akuvume kutsi letintfo lenginibhalele tona tingumyalo weNkhosi. ³⁸ Kodvwa nakukhona longakuvumi loku, naye akasuvunywa. ³⁹ Ngako ke, bazalwane, funani ngekulangatelela kuphrofetha, ningakuvimbeli kukhuluma ngetilimi. ⁴⁰ Kodvwa tonkhe tintfo atentiwe ngendlela nangenhleleko.