1 Weno mungereka ya Antionch, kwakaliremo va porofete ntani navamitili. Vavo va Barnabas, Simeon (owo kavayitanga asi Niger). Luciaus wa Cyrene, Manaen (ntani mukurwendi wamulira lya Herold ntani Tetrarch), na Saul. 2 Vavo pakuyimbira Karunga nakudilira, Mpepo yo Kupongoka ayighamba,'' Singira kuruha rwande Barnabas na Saul, varuwane viruwana ovyo navayitira.'' 3 kunyima ya madiliro, makanderero, mpo vakambikire mawoko ghawo ppa murume, mpo vavatumine. 4 Makura Barnabas na Saul kwateyelire ku Mpepo yo Kupongoka no kuyenda ku Seleucia; kutunda po ava yendere mu sikepa vayende pa sirudi sa Cyprus. 5 Momu vakalire munkuru mbara ya Salamis, ava yuvita nkango da Karunga mu sinagoge yo va Juda. Vavo kwayendire na John Mark akavavatere. 6 Apa vayendire vamwe mughungi wavo pa Sirudi kwa Paphos, ava wana muntu wo kuruwanita urodi, 7 Juda wo uporofete wovipempa, walidina lya Mona Jesus. oghu murodi alihamitilire ku va nguuru , Sergius Paulus, owo akalire asi uye murume wandunge. Murume uno Sergius Poulus Barnabas na Saul, mbyevi si uye kwaholire kuyuva nkango da Karunga. 8 Ene ngoli Elymas ''womafeno'' (ngoli valitoroka lidina lino) kapi vavikwatitireko; asetekire kuvapukita vadira kara nalipura. 9 Ene ngoli Saul, owo vatwenyanga asi Paul, avamuyuda Mpepo yo Kupongoka, amukenge 10 no kughamba, '' Ove mona Sitodi, wayura navintje vyovipempa no kuruwana udona. Ove munankore wa vininke navintje vyaviwa. Kapi ngosayeka kupirura vyakuvyukilira vya Hompa, ndi ngovivura? 11 Kenga ngoli, liwoko lya Karunga penu linakara, ntani ngomukara vitwiki, anwe nka kapi ngomumona liyuva pa siruwo ntjoso Elymas atameke kukenga mundema; mpo atamikire kupapara nokupurayera vantu vamupititire kuliwoko. 12 Kunyiima apa nguuru avikengire evi vinakusoroko, avipulire,mbyevi uye vyamuguumine apa varongire kuhamena Hompa. 13 Makura Poul nava unyendi ava sungire kutundilira ku Paphos no kuya ku Perga mu Pamphylia. Ene ngoli John avasuvire no kuvyuka ku Jerusalem. 14 Poul novaunyendi kwatundire ku Perga no kuya ku Antioch yo Pisidia. Mpo vayendire mu sinagoge muliyuva lyo Mapeu nokusungira. 15 Kunyima yo maresa wo veta nova porofete, mukurona wo sinagoge atumu mbudi, yinakutanto, ''vanamali, ntjene unakara no mbundi yo makorangedo kuvantu ovo vanakaro pano, vighambe.'' 16 Makura Poul asapuka no kuruwanita liwoko lyendi; uye aghamba,'' Varume vomu Israel na nwe mwa fumadeko Karunga, teyererenu. 17 Hompa wo vantu vano va Israel vana horowora setu no kurenkita vantu vayuvike apa aka tungire mu Egypt, no kuva yerura munkwapa avarupwite. 18 Siruwo sokutika kumwaka dimurongo nee avaupire muviswa.''Vakutika kumurongo ne avapakilire mbili. 19 Kunyima yokudjonaura dimuhoko ntambili mulivu lya Canaan, ape kuvantu vetu livu lyavo lyo ku pinga. 20 Navintje vino kwahorokire mu mwaka mafere mane nodimurongo ntano. Kunyima yo navintje vino,Karunga atapa mpanguro dogoro Samuel mu porofete. 21 Makura vantu apura kuhamena Karunga, makura Hompa avapa Saul mona Kish, murume wokurudi rwa Benjamin, akare Karunga mumwaka dimurongo ne. 22 Kunyima Karunga apa amuupiremo mu u Hompa, uye ayerura David akare Hompa wavo. Kwakalire asi vyakuhamena kwa David avighambire, Nawana David mona Jesse akare murume wokumutjima wande, owo avuro kuruwana evi nahoro aruwane.'' 23 Kwamurume uno aghurumwita Karunga ayita liyowoko mu Israel, Jesus, momu avitwenyidilire kuviruwana. 24 Kumeho yo kuya tika Jesus, John ayuvitire likuso lya litezururo kuvantu navantje vomu Israel. 25 Weno John uye kunakumanita viruwana vyendi, aghamba, ' Are mo unakungayara me? kapisi me unya. Ene ngoli teyerera, umwe kunakuya kunyima yande, nkaku doyo napilire kuwapera kumanga me.' 26 Vakurona, novanuke vomulira lya Abraham, ntani navo mukatji ketu vatjiro Karunga, evino vyokukwetu asi mbudi yokuhamena liyowoko vanayitumu. 27 Kombovo vatungiro mu Jerusalem, no va mpititi vavo , kapi vamudimbulire, avatikitamo mukughamba vyo mu porofete owo vavarura kehe Mapeu ko vyo vavatantera. 28 Nampili momu vapilire kukara na konda yo mfa , avapura Pilate amudipaye. 29 Apa vamanine navintje vininke ovyo vatjangire kuhamena kwendi, avamu urumuna kuusitondo noku murangeka muntoko. 30 Ene ngoli Karunga amuvumbura kuufee. 31 Uye vamukengire mumayuuva ghomangi kombovo vayiro kumwe naye vatunde ku Galilee vayende ku Jerusalem. ovo vantu mbongoli vana karo vambangi ku vantu. 32 Makura kunakumutantera mbudi jojiwa oji Karunga atwenyidilire kuvasa vetu 33 uje atikitamo kwetu, vanavavo, muvumbura Jesus. Momu vavitjanga mwa Psalm:' Ove monande wamurume, namuntji nakara Senu.' 34 vikara momu vamu vumbwire ku ufe mposi rutu rwendi rwasa wora , Karunga ana ghamba murupe runo: Ngani mupa mupongoki no usili mukupa matungiko womatwenyedero kwa David.' 35 Vino mbyo ngoli ana kughambera muva Psalm,' kapi ngopulitira mu Pongoki amone anaworo.' 36 Mpo ngoli David akalire no lirwameneno lya Karunga mu muhoko wendi, arara; avamurangeke na vase makura rutu rwendi aru tameke kuwora. 37 Ene ngoli owo avumbura Karunga kuufe kapi awolire. 38 Vikare munaviyiva kwenu, vamunyavande, asi kupitira mo uno murume vaviyuvita koye asi liupiropo lyo ndyo. 39 Mumwendi kehe uno apuro amuyerura kuvininke navintje no vininke vya veta da Moses kapi ngava muyerura. 40 Mpongoli muvangare asi vininke vya vaporofete vaghambanga kapi vya horokanga kwenu. 41 Kenga, kuupako no ku tetuka no kusamberera; mbyo nakuruwanena viruwana mumayuva, siruwana esi ngo mupura, nampili ntjene mpwali owo ngasiyasuro ku kwenu.''' 42 Apa Poul na Barnabas vavyukire, vantu ava valikwambere asi kuvura vaghambe dino nkango muliyuva lyo kukwamako mumapeu. 43 Apa va sinagoge yapwiire sigongi savo, vovangi vaJuda no vanovantu ovova kwamino Poul na Barnabas, owo aghambiro kukwendi no kuvapapilikeda vatwikire mu ufenkenda wa Karunga. 44 Mumapeu wokukwamako, hambara mbongi kurona nayintje kwa pongire vayuve nkango ya Hompa. 45 Va Juda apa vamonine mbunga, avayura mfudu nokughamba vyavidona kuvininke evi aghambire Poul no kumutuka. 46 Ene Poul na Barnabas avaghamba noku tanta,'' vyakalire hepero asi nkango ya Karunga yakona kuyighamba pomuhovo.mukuvimona vaviupeko kukwendi no ku litura naumoye asi kapi unawapere ku liparu lyonaruntje, kenga, ngatuvyuka ku Gentiles. 47 Atwe apangera Hompa , kughamba,' naku tura ve ukare ukenu wova Gantiles, asi uyite liyovoko kuvantu navantje nokuva vatera.'' 49 Apa vaviyuvire va Gentile, mpo vahafire nokusamberera nkango daKarunga. Momo muungi vava towolire mudjuni wovapuli. 48 Nkango da Karunga adilihanene mu udjuni nauntje. 50 Ene ngoli va Juda ava tindi mukadi owo akutuliromo no kupititira murume wo mumbongi kurona. kapivakwatitireko va Poul and Barnabas nokuva upamo musirongo. 51 Ene ngoli Poul na Barnabas avalikukumuna mbudu kumpandi davo naumwavo. mbyo vatundire mo mu mbongi kurona ya Iconium. 52 Novanasisongero avavayuda no ruhafo no Mpepo yo Kupongoka.