¹ Kwayire hambara mu Iconium mo Paul na Barnabas avangene kumwe musinagoge yova Juda no kughamba mu rupe ro kumorora sivaro so sinene so vantu navantje sova Juda nova Greek vapuli. ² Ene ngoli va Juda ovo ava udinakaro ava pirura dimuhoko peke no kuvarenka vanyenge vamunyarume navo. ³ Mpo ngoli vavo avakara momo siruwo sosire, kughamba mu kulinenepeka kumwe no nkondo da Hompa, opo uye atapa umbangi kuhamena kumbudi yendi yo ufenkenda. Uye kwaa viruwanine vino kutapa viyivito novitetu mu viruwana mumaghoko gha Paul no Barnabas. ⁴ Ene ngoli vantu vo mumbongi kurona kwa vagaunwine; vamwe kuru ha kumwe novaJuda vamwe kumwe no vapositoli. ⁵ Navantje vovirongo vyapekeno va Juda (kumwe nova kurona vavo) mwasetekire mukuvatekura mumudona vavo nokuva pompageda no mawe, ⁶ ene ngoli opo vakurongire vino, ava tjwayukire mumbongi kurona Lycaonian yo Lystra na Derbe no dimukunda dakundurukido, ⁷ oko vaka twikilire kuhudita mbudi yo yiwa. ⁸ Mu Lystra murume umwe asungire, ahana nkondo nompadi dendi, urema womulira lya vawina, ogho apiro kuyenda. ⁹ Oghu murume ayuvire Poul kuna kughamba .Poul apiruka kukwendi no amono si uye akara nolipuro avhure kuveruka. ¹⁰ Mpo ngoli uye aghamba kwendi no liywi lyo kudameka,''yimana no mpadi doye.'' Makura murume avatuka muwiru nokuyendaura. ¹¹ Opo ya kengire mbunga yoyinene ovyo aruwanine Paul, ava yerura maywi ghavo, mungambitito yo Lycaonia,'' Vikarunga vina kara yira varume no ana hurumukire pwetu.'' ¹² Vavo avakughu Barnabas '' Zeus,'' no Poul ''Hermes,'' mukonda si uye kwakalire mughambi mwene-mwene. ¹³ Varuti va Zeus, ovo vakaro no ntembeli yavo pandje yo mbongi kurona. vayitire hoove no simbamba so dimucuko mangeneno,uye no mbunga kwa holire vatape ndjambo. ¹⁴ Ene ngoli ovo va apostle, Barnabas na Paul, vayuvire kuhamena kovino avataura vyuma vyavo nokurupuka wangu mumbunga, avalilire, ¹⁵ Murume, vinke una kuruwanena vino vininke? natwe tuvantu,vontundiliro yimwe. Atwe kuna kutantera mbudi yoyiwa oyo ove uvhure kutunda kuvininke vyo vidona kuvininke vya Karunga, ogho aruwano liwiru ,no livhu, no lifuta, no kehe vino vyakaro mwavo, ¹⁶ mumwakapita,uye apulitiri dimuhoko nadintje mukuyenda mundjira danaumwavo. ¹⁷ Ene ngoli simpe, uye kapi akusuvire pamwene ahana mbangi, movyo uye aruwanine ahana mbangi, movyo uye aruwanine uwa no kukupa ove mvhura kutundilira muliwiru no vinema vyo linyango, kuhwida mutjima ghoye no ndya no ruhafo.'' ¹⁸ Nampindi nodino nkango, Poul na Barnabas kwakalire no utjirwe mukutura mbunga yoyinene mukukuyambera kukwavo. ¹⁹ Ene ngoli va Juda vamwe vomu Antioch no Iconium avaya nokukanganga mbunga.vavo ava vhumbunga mawe Paul no kuyendaura tunda mukunda yenda mukunda kughayarasi uye ana fu. ²⁰ Simpe vanasisongero ovo va mukundurukido uye, uye ayimana no kungena mumukunda. Liyuva lyo kukwamako, uye ayendi ku Derbe na Barnabas. ²¹ Kunyima yokuhudita mbudi yoruhafo mumukunda nokurenka vanasisongero vovangi, vavo ava vyuka ku Lystra, ku Iconium, noku Antioch. ²² Vavo ava twikili kunkondo peka lipura lyo vanasisongero nakuvakoorangeda vavo vatwikire mulipuliro mukughamba, ''Twa hepa kukangena mu untungi wa Karunga kupitira mumaseteko gho mangi.'' ²³ Opo vavo kwaneyire vakurona mu kehe ngereka, no kukanderera kumwe nolidiliro ,vavo ava mutwara kwahompa, omo vapulire. ²⁴ Makura vavo avayendi kupitira Pisidia no kuyaku Pamphylia. ²⁵ Opo vaghambire nkango mu Perga, vavo avurumuka ku Attalia. ²⁶ Kutunda po vavo kukwata kanita ku Antioch, omo vavo vavhulire kutura ku ufenkenda wa Karunga kuviruwana ovyo vavhulire kumana ko. ²⁷ Opo vayatikire mu Antioch no kuponga ngereka nadintje kumwe , vavo avatanta vininke navintje ovyo Karunga ava ruwanine kumwe navo, no weni uye a gharwilire livero lyo lipuro kuva Gentiles. ²⁸ Vavo ava kara siruwo sosire kumwe novanasisongero.