³ Pepi nakutika vili ya ntane muliyuva, uye amona nawa nawa limoneko lyo muengeli wa Karunga kunakuya kwendi. Mu engeli aghamba kwendi,'' Cornelius!'' ⁴ Cornelius akenge kumu engeli no vakalire utjirwe no kughamba,''Vinke vino, Walikuto?'' Mu engeli aghamba kwendi,'' Ndapero doye no mauswi gho vahepwe akara asi ndyo livuruko vatapire mulikaropo lya Karunga. ⁵ Weno atumu varume kumbongi kurona ya Joppa akayite murume walidina Simon, owo vatwenyanga as Peter. ⁶ Uye kwakara na unya asuntango vipapa walidina Simon, owu wakaliro mundi wendi pepi nalifuta.'' ⁷ Apa mu engeli owo a ghambiro kwendi amusuvire, Cornelius ayitako varuwanivendi vavili vomumundi, ava hangura vakavita mukatji kava ruwanivendi. ⁸ Cornelius avatantere navantje ovyo vyahorokiro no kuva tuma ku Joppa. ⁹ Weno liyuva lyokukwamako pepi na vili ya ntayimwe, vavo muruyendo rwavo no pepi na kutika kumbongi kurona, Peter ayendi ku wiru wandjuwo aka kanderere. ¹⁰ Makura ayuvu ndjara no aholire vyokulya, siruwo oso vavo vantu vakutereka kuna kutereka ndya, uye avamupe limoneko, ¹¹ no kumona wiru lina gharuka no sindini sina kudumbuka, sokufana yira likese lyo linene linnakuurumuko palivu, alighurumuka munkondwa nee. ¹² Mwamo kwakaliremo vikorama marudi nauntje gho mauru mane no vininke vyokukukokava palivu no vidira vyo muwiru. ¹³ Makura liywi alighamba kwendi:'' Sapuka, Peter, dipagha no kulya.'' ¹⁴ Ene ngoli Peter aghamba, '' kapisi mo, Hoompa; kapi nalya rumwe kehevino vyakukara na nyata nevi vyakupira kukena.'' ¹⁵ Ene ngoli liywi alimuuyere nka rouvili:'' Ovyo aruwana Karunga vikene, kapisi uvinyateke.'' ¹⁶ Vina kwahoroka rukanndo rutatu; makura sindiniso ava sivyutako wanguwangu muwiru. ¹⁷ Apa uye Peter ana piyagana kuhamena limoneko olyo amonine asi nke linatamba,didimika, varume ovo atumine Cornelius avayimana kumeho ya mangeneno, kunyima yo vapulire lipulitiro vangene mumundi. ¹⁸ Ava yita no kupura ntjene Simon, owo kavatwenyanga asi peter, mpo atungire. ¹⁹ Siruwoso Peter uye kuna kughayara simpe limoneko linya, mpepo ayimutantere,'' didimika,varume vatatu vana kukupaparo.ndi varume vavili vana kukupaparo. ²⁰ Sapuka no kuyenda navo uurumuke navo. Wasa tamangera kuyenda navo, mbvyevi ame navatumo.'' ²¹ Makura Peter ayendi aurumuke kuvarume no kughamba,'' Ame uno owo unakupapara. Morwa nke unayere?'' ²² Vavo avaghamba si, mpititi walidina Cornelius, muhungami womurume atjiliro Karunga, nokuvighamba nawa musirongo nasintjeya so va juda, ayiva tantere muengeli wokupongoka wa Karuunga anatutumo koye uye munomundjuwo,no kukateyerera mbudi koye.'' ²³ Makura Peter avakuuu vaye va yakare kumwe. liyuva lyakukwamako ngurangura arambuka avayendi kumwe, kumwe nova uni vvatundire ku Joppa asivane. ²⁴ Muliyuva lyokukwamako avaya ku Caesarea.Corneliius avataterere, avavayita pamwe nova likoro lyendi no va holi vendi. ²⁵ Ano Peter uye mukungena ana hupire, makura Cornelius amusimba wire no kuligandera kumpadi dendi vamuyererepeke. ²⁶ Ene ngoli Peter amuvatere ayimane, aghamba,''Yimana! Name nimuntu.'' ²⁷ Siruwo oso Peter uye kuna kughamba naye, ayendi munda nokukawana vantu vovangi vanapongo kumwe. Uye aghamba kwevo,'' ²⁸ Ove naumoye waviyiva asi kapisi vyopaveta yo va Juda murume aya kare ndi ayadingure muka ntunda virongo.Ene ngoli Karunga ana neyeda asi nasa yita kehe uno yo kunyata. ²⁹ Mbyongoli naya nahara kuya tanguna, opo namutuminine. Mbyo nakukupura nke una ntumunine.'' ³⁰ Cornelius aghamba,'' Mayuva mane ghanakapito paruvede ndoru, kwakandilire pa vili ya ntane mundjuwo yande; no kumona,murume anayimana kumeho yande muvyuma vyakuvembera. ³¹ Aghamba, Cornelius, ndapero yoye anayiyuvu Karunga, no uswi ghoye ghovahepwe unavurukita Karunga. ³² Tumako umwe kwa Joppa, Uye kunakara mumundi wawo asuntango sivipapa walidina Simon, kwara lifuta.' ³³ Ndorokuhova nakukutumina. wakara nambili mbyo unaya. Weno ngoli,natuvantjeya mpotulipo mumawoko ghakarunga akuyuve navintje evinamutwenyidira ndi nayintje evi namuntera.'' ³⁴ Makura Peter ayasama kanwa kendi nakughamba, ''Usili, Nahuguvara asi Karunga kapi ahangura. ³⁵ Nampili ngoli, muvirongo navintje keheuno amutjirango nokuruwana uhungami uye vamutambura kwendi. ³⁶ Mwayiva mbudi, oyo atumine kuvantu mu Israel, opo vayitapire mbudi dadiwa kuhamena kumpora kupitira mwa Jesus kristus, ³⁷ uye ndje Karunga wanatuvantje.Naghumoye kuyiva vilika vyahupango livango, omo vana korangidire kupitira mwa Judea, kavava korangedanga mu Galilee,kunyima yokukusa John ayuvita; ³⁸ vilika kuhamena Jesus wa Nazareth, weni omu Karunga amuwavikire uye na Mpepo yo Kupongoka na ngondo. Uye ayendi mukuruwana vyaviwa no kuverura navantje ovo vakaliro no mpepo dona, Karunga naye akalire. ³⁹ Atwe va mbangi kuvininke navintje Jesus aruwanine, muviirongo navintje vya Juda na Jerusalem. avamudipagha nokumumanga kusitondo, ⁴⁰ ene ngoli Karunga amusapwita muliyuva lyautatu nokumurenkita amukenge, ⁴¹ kapisi kuvantu navantje, ngoli kuvambangi ovo vahorowora naliwoko lya Karunga- kupitira mwetu twa lyango no kunwa naye kunyima yokuvumbuka ku ufe. ⁴² Uye arawire asi ayuvite kuvantu no kutapa maumbangi asi uno ndje umwe ahorovora Karunga akare mupanguli wovatungi no va fe. ⁴³ kumbinga yendi vaporofete navantje vatape umbangi,mposi kehe uno apuro mumwendi nga wana ndi nga muuupirapo ndjo kupitira mulidina lyendi.'' ⁴⁴ Peter ndakayendere simpe kughamba vino vininke, Mpepo yo Kupongoka ayiseumukire pa navantje ovo vateyeliro kunkango dendi. ⁴⁵ Vantu ovo vakaliro mu mbunga ya puli- navantje ovo vayiro kumwe na Peter- ava tetuka, mukonda ya uswi wo Mpepo yo Kupongoka oyo ya sewimukiro kuva hungami. ⁴⁶ Mbyevi vavo kwavayuvire kunakughamba muliraka no kusamberera Karunga. Makura Peter alimburura, ⁴⁷ ''kuvura umwe atulikeko mema ghamwe wovo vantu mposi vasava kusa, mbovo vantu vatamburo Mpepo yo Kupongoka kumwe nka natwe?'' ⁴⁸ Uye avarawire vavo asi vava kuse mulidina lya Jesus Muyowoli. Makura ava mupura akare navo mayuva ghamadidi.