¹ Ene ngoli Saul, atwikire kughamba matjilito gho kudipagha vanasisongero va Hompa, ayendi kwa mukurona wavaruti ² no kukapura ntjangwatumwa yo va sinagoge mu Damascus, ntjene ngakawaneko ovo vahameno mundjira yino, vakare asi vakadi ndi varume, uye ngakavayite vanavamanga ku Jerusalem. ³ Uye simpe muruyendo, kwa horokire uye pepi nakutika mu Damascus, aliharuka yira site sina mukundurukido site situnde muwiru; ⁴ uye mpo a ligandiliire palivu no kuyuva liywi lina kutanto kwendi,'' Saul, Saul, nke una kuhepekerame?'' ⁵ Saul alimburura,''Overe, Hompa?'' Hompa aghamba,'' Ame Jesus, owo una kuhepeka ; ⁶ ngoli sapuka,ngena mu mbongi kurona,no kukutantera evi uruwana.'' ⁷ Murume owo akaliro muruyendo na Saul asapuka kwato evi avulire kughamba,mukuyuva liywi, ene ngoli kwatomowo anakumona. ⁸ Saul asapuka atunde palivu, apa apahukire mantjo ghendi, kwato ovyo avulire kumona; avamukwata kuliwoko no kumutwara mu Damascus. ⁹ Mumayuva matatu akalire nokumonasi, ndi ku lya no kunwa. ¹⁰ Kwakalire murongwamu Damascus walidina Ananias. Hompa aghamba kwendi mulimoneko,'' Ananias!'' Uye aghamba ,'' kenga, Ameuno , Hompa.'' ¹¹ Hompa aghamba kwendi, Sapuka , uyende kundjira yavyuko,ghuka pure mumandi wova Judas mukapure mumati atundoku Tarsus wolidina Saul, uye kuna kukanderera. ¹² amono limonekero murume walidina Ananias kunakungena kukambeka liwoko lyendi kwendi, mposi avure kukenga nka.'' ¹³ Ene ngoli Ananias alimburura,'' Hompa, Ame nayuvha kuvantu vyokuhamena murume, omo ahepekire vantu voye vokupongoka mu Jerusalem. ¹⁴ Akara na nkondo dova rutu akwate keheuno ayitango lidina lyoye.'' ¹⁵ Ene ngoli Hompa aghamba kwendi,'' Yenda, mbyevi uye ndje siruwanito sande,asimbe lidina lyande vapangeli vande vokuhova navanukevaku Israel; ¹⁶ Nganimuneyeda merungapi ngavhura kuhepeka mukonda yalidina lyande.'' ¹⁷ Ano Ananias ayendi ,nakukangena mundjuwo. Akambeke liwoko lyendi kwendi, uye aghamba,'' Munya mamati Saul, Hompa Jesus, oghu akumonikilire mundjira opo wayire,anantumu ngowana limono nokuyuda mo Mpepo yo Kupongoka.'' ¹⁸ Mpopo tupu vininke vimwe siviha sawiro kwa Saul's mumantjo, mpo atamikire kukenga; asapuka no kumukusa; ¹⁹ no ku lya akara no nkondo.Uye mpo akalire novanasisonngero mu Damascus mayuva womasesu. ²⁰ Mpopo tupu uye ayuvita Jesus mu sinagoge, aghamba asi uye ndje Mona rume wa Karunga. ²¹ Navantje vaviyuviro ava tetuka no kughamba,''kapisi ndje unya murume adjona wiro Jerusalem owo vakukuwa palidina? Uye kunaya aya twaremumango kuvakurona pristeri.'' ²² Ene ngoli Saul ayakara nonkondo, uye ayita maghayadaro mukatji kova Juudas ovo vakaliro mu Damascus mukuvaneyeda asi Jesus nge Muuyowoli. ²³ Kunyima yamayuva, va Juda avakuyongo mukughara vamudipaye ghuye. ²⁴ Ene ngoli likuyuvo lyavo aliyuvire Saul. Avakengere palivero mwi namatiku mposi vamudipaghe. ²⁵ Ene ngoli vanasisongero vendi avamuupu matiku vamusutite palivu,vamutindike musikumba. ²⁶ Opo ghuye ayire ku Jerusalem,Saul akuhamitire muvanasisongero, mbyevi ngoli navantje vamutjilire uye, vahana kuvipura asi uye naye mukasisongero. ²⁷ Ene ngoli Barnabas amu upu amutware kuva postoli,no kuvvatantera omo Saul akengire Karunga musitaura ntani asi Hompa ana ghamba kwendi, no weni mu Damascus Saul aghambire nomukumo mulidina lya Jesus. ²⁸ Uye kwakalire navo, kuyendaura munda napandje kukundurukida Jerusalem. uye aghamba namukumo mulidina lya Karunga Jesus ²⁹ no kukukananita kumwe rudi rova Juda avakuyongo si vamudipaye ghuye. ³⁰ Ene ngoli va munyarume apa vavikuyongire kwa vino; makura ava muyita ku Caesarea no kuvatuma ku Tarsus. ³¹ Makura, vanangereka navantje vamu Judea, Galilee, no Samaria akalire nambili no avayitulitapo; no kuyenda mu utjirwe wa Hompa no mulipititiro ya Mpepo ya Kupongoka, Ntembeli ayi kuru unene musivaru. ³² weno ayiya ponka simpe vimwe. Peter ayendaura mudimukunda nadintje , aurumuka kwa Karunga vantu wo Kupongoka ovo vatungiro mu doropa ya Lydda. ³³ Makura awana murume walidina Aeneas, ogho akalire mumbete mumwaka ntantatu, uye kwakalire sirema. ³⁴ Peter aghamba kwendi,'' Aeneas, Jesus Muyowoli anakuverura. Rambuka no uyarure mbete,'' nompopo tupu sapuka. ³⁵ Makura keheuno atungiro mu Lydda no Sharon amono murume no kupiruka kwa Hompa. ³⁶ Makura kwakalire murongwa walidina Tabitha (olyo vatoroka '' Dorcas''). Mukadi uno kwayulire viruwana vyo viwa no nkenda unene oyo aruwanine kuva hempwe. ³⁷ kwayire momo mumayuva opo avelire no kufa; opo vamukusire, avamuyarere mu ndjuwo yokuwiru. ³⁸ Kutunda Lydda kwakalire pepi na Joppa, vanasisongero avayuvu Peter naye mpwalipo, avatumu varume vavili kwendi,kunakumu kilisenga ,''Yiya kwetu wahana kuliranga.'' ³⁹ Peter asapuka ayendi navo. Opo akatikire, avamuyita kundjuwo yakuwiru. makura vafitavya avasapuka nokulira, avamuneyeda vikoverero ovyo Dorcas aruwanine vavo kumwe vana kara. ⁴⁰ Peter aghupumo navantje mundjuwo , atongamene,no kukanderera;makura apirura rutu rwendi, aghamba,'' Tabitha, sapuka.'' Makura apahura mantjo ghendi, nokumona Peter asapuka. ⁴¹ Peter amupa liwoko lyendi amuyimaneke; no po ayitire Mupongoki wa Karunga nova fitavya, uye avaneyeda uyumi kwavo. ⁴² Yino mbudi ayiyuvika kuvantu navantje vamu Joppa, no vantu vovangi vapulire kwa Hompa. ⁴³ avihoroka asi Peter akaliremo situnde mumayuva ghomangi mu Joppa nomurume walidina Simon, musunti vipapa.