¹ Ngemnyaka welishumi nesikhombisa wekubusa kwaPekah indvodzana yaRemaliah, Ahaz indvodzana yaJothan inkhosi yakaJuda yacala kubusa. ² Ahaz bekaneminyaka lengemashumi lamabili nakacala kubusa, wabusa iminyaka lelishumi nesitfupha aseJerusalema njengoba kwenta khokho wakhe Davide. ³ Kodvwa, Ahaz wenta njengemakhosi aka-Israyeli. Waze wenta ngisho indvodzana yakhe kutsi yengce ekhatsi emlilweni ngekubona imikhuba yetive Simakadze latisusa embikwema-Israyeli. ⁴ Ahaz wenta imihlatjelo washisa netimphepho kuletindzawo letiphakeme, naseticongweni tetintsaba, kanye nangephasi kwetihlahla letiluhlata. ⁵ Wase Rezin inkhosi yase-Aram naPekah indvodzana yaRemaliah inkhosi yaka-Israyeli bayenyuka bahlasela iJerusalema. Bavimbetela Ahaz ekhatsi kodvwa abakhonanga kumncoba. ⁶ Ngaleso sikhatsi, Rezin inkhosi yase-Aramu yalandza i-Elath ayilandzela i-Aram, wacosha emaJuda e-Elath. Abese ema-Arameans ayeta e-Elath laphp lahlala khona kuze kube kunamuhla. ⁷ Ngakoke Ahaz watfumela titfunywa kuTiglath-Pileser inkhosi yase-Assyria lotsi, ''Mine ngiynceku yakho phindze ngiyindvodzana yakho. Yenyuka utongilamulela esandleni esandleni senkhosi yase-Aramu nesenkhosi yaka-Israyeli labangihlasele. ⁸ Ngakoke Ahaz watsatsa lelisiliva neligolide lalitfolakala endlini yaSimakadze nalelo leliyingcebo esigodlo wayitfumela njenge sipho enkhosini yase-Asssyria. ⁹ Yabese inkhosi yase-Assyria iyamlalela, yase inkhosi yase-Assyia ihlasela iDamascus yayincoba, yase itfumba bantfu bakhona yabayisa eKir. Wabulala naRezin inkhosi yase-Aram. ¹⁰ Inkhosi Ahaz yaya eDamascus kuyohlangana na-Tiglath-Pileser inkhosi yase-Assyria. Ahaz wabona lilati eDamascus. Watfumela ku Uriah umpristi umfanekiso walo lelilati kanye netinhlelo talo tonkhe tekwakhiwa. ¹¹ Ngakoke Uriah wakha lilati lelifana naletinhlelo tatitfunyelwe inkhosi Ahaz eDamascus. Uriah wacedza kulakha inkhosi isengakabuyi eDamascus. ¹² Inkhosi nayifika ibuya eDamascus ibona lelilati; inkhosi yasondzela kulelilati yenta iminikelo kulo. ¹³ Wenta iminikelo leshisiwe kanye neminikelo yakhe yenhlavu, watsela tinatfo takhe temnikelo, wanyenyetela nengati yebudlelwane bakhe kulelilati. ¹⁴ Lilati lelitfusi lalisembikwaSimakadze-walilandza embikwelithempeli, emkhatsini welilati lakhe kanye nelithempeli laSimakadze, walibeka enyakatfo yelilati lakhe. ¹⁵ Inkhosi Ahaz yabese iyala Uriah umpristi yatsi, ''Elatini lelikhulu shisani umnikelo wekushisa wasekuseni kanye nemnikelo wantsambama lotinhlavu, kanye nemnikelo wenkhosi loshisiwe newetinhlavu takhe, kanye nemnikelo loshisiwe wawonkhe muntfu wendzawo, kanye nemnikelo wabo wenhlavu newetinatfo. Unyenyete kulo yonkhe ingati yemnikelo loshisiwe, nayoyonkhe ingati yemihlatjelo. Kodvwa lilati lelitfusi litoba ngelami kutsi ngitfole teluleko.'' ¹⁶ Uriah umpristi wente njengoba inkhosi Ahaz yamuyala. ¹⁷ Inkhosi Ahaz yase isusa lamaphanela netindishi; wasusa nelwandle kulenkunzi yelitfusi lebeyingephasi kwalo walibeka etikwesisekelo sematje. ¹⁸ Wasusa indlela lembonyiwe yangeSabathablabebayakhe ethempelini, wasusa nendlela yenkhosi yekungena inkhosi yangephandle ethempeli laSimakadze ,wenta ngenca yenkhosi yase-Assyaria. ¹⁹ Ngetindzaba letimayelana na Ahaz nalakwenta, akukabhalwa yini encwadzini yemilandvo yemakhosi akaJuda? ²⁰ Ahaz walala phasi nabokhokho bakhe, wafihlwa nabokhokho bakhe edolobheni laDavide. Hezehiah indvodzana yakhe yaba yinkhosi esikhundleni sakhe.