¹ Ngemnyaka wesi27 wekunusa kwenkhosi Jeroboam ka-Israyeli, Azariah ya Amaziah inkhosi yakaJuda yacala umbuso wayo. ² Azariah bekana16 weminyaka budzala nakacala kubusa, wase ubusa 52 weminyaka eJerusalema. Libito lenina kwakunguJekoliah awaseJerusalema. ³ Uziya wenta lokuhle emehlweni aSimakadze, kanjengoba neyise bekadze entile. ⁴ Noko bekunjalo, tindzawo letingcwele atisuswanga. Bantfu bachubeka benta imihlatjelo bashisa netimphepho kuletindzawo letiphakeme. ⁵ Simakadze wafakela inkhosi kugula kuze ibe nebulephero kwate kwefika lilanga layo lekufa seyihlala endlini leseceleni. Jotham indvodzana yenkhosi bekunguye lobuke likhaya wabusa nesive. ⁶ Lokungaletinye tindzaba letifaka Azariah nakokonkhe lakwenta, akukabhalwa yini encwadzini yemilandvo yemakhosi akaJuda? ⁷ Ngakoke Azariah wabekwa phasi nabokhokho bakhe; bamungcwaba nabokhokho bakhe edolobheni laDavide. Jotham indvodzana yakhe waba yinkhosi esikhundleni sakhe. ⁸ Ngemnyaka wemashumi lamatsatfu nesiphohlongo wa-Azariah inkhosi yakaJuda, Zechariah indvodzana yaJeroboam yabusa ka-Israyeli iseSamaria tinyanga letisitfupha. ⁹ Wenta lokubi emehlweni aSimakadze njengoba naboyise bebakadze bentile. Zachariah akahlukanga etonweni taJeroboam indvodzana yaNabat, lobekadze abangele Israyeli kutsi one. ¹⁰ Shallum indvodzana yaJabesh yahlela kubulala Zechariah, wamhlasela e-Ibleam, wambulala. Wase uba yinkhosi yendzawo. ¹¹ Lokungaletinye tindzaba letifaka Zechariah kubhaliwe encwadzini yemlandvo wemakhosi aka-Israyeli. ¹² Lawa bekumavi aSimakadze lawakhuluma kuJehu, atsi, ''Situkulwane sakho siyawuhlala esihlalweni sebukhosi kuze kube ngusesitukulwane sesine.'' Loku ngulokwenteka. ¹³ Shallum wacala kubusa emnyakeni wemashumi lamatsatfu nemfica wembuso wa-Uzziah inkhosi yakaJuda, wabusa inyanga yinye aseSamaria. ¹⁴ Menahem indvodzana yaGadi wanyuka eTirzah waya eSamaria. Kulapho lahlasela khona Shallum indvodzana yaJabesh eSamaria. Wambulala wase uba yinkhosi esikhundleni sakhe. ¹⁵ Ngetindzaba letimayelana naShallum netinhlelo latenta, tibhaliwe encwadzini yemilandvo yetinkhosi taka-Israyeli. ¹⁶ Wase Menahem uhlasela Tiphsah nabobonkhe labebakhona, nemincele letungeletele Tirzah ngoba abamvulelanga edolobheni. Ngakoke walihlasela, waphindze wadzabula wavula tisu tebafati kuleso sigodzi. ¹⁷ Ngemnyaka wemashumi lamatsatfu wa-Azariah inkhosi yakaJuda, Menahem indvodzana yaGadi yacala kubusa ka-Israyeli; Menahem wabusa iminyaka lelishumi aseSamaria. ¹⁸ Menahem wenta lokubi emehlweni aSimakadze. Imphilo yakhe yonkhe akahlukanga etonweni taJeroboam indvodzana yaNebat, lowabangela Israyeli kutsi one. ¹⁹ Wase Pul inkhosi yase Assyria ihlasela live, wase Menahem unika Pul inkhulungwane yemathalente elisiliva kuze kutsi Pul ameseke acinise bukhosi baka-Israyeli esandleni sakhe. ²⁰ Menahem lemali wayikhiphisa bantfu baka-Israyeli labanjingile nalabanemandla watsi babhadala emashekeli langemashumi lasihlanu elisiliva kuze atonika inkhosi yase-Assyria. Ngakoke lenkhosi yajika yangahlali eveni. ²¹ Ngetindzaba letifaka Menahem nako konkhe lakwenta, akukabhalwa encwadzini yemlandvo wemakhosi aka-Israyeli? ²² Ngakoke Menahem walala nabokhokho bakhe, wasePekahiah indvodzana yakhe uba yinkhosi esikhundleni sakhe. ²³ Emnyakeni wemashumi lasihlanu wa-Azariah inkhosi yakaJuda, Pekahiah indvodzana yaMenahem yacala kubusa ka-Israyeli iseSamaria; Wabusa iminyaka lemibili. ²⁴ Wenta lokubi embikwaSimakadze. Akatilahlanga tono taJeroboam indvodzana yaNebat lobekadze abangele ema-Israyeli kutsi one. ²⁵ Pekahiah bekanendvuna libito layo kunguPekar indvodzana yaRamaliah, bekahlela lokubi ngaPekahiah. Kanye nemadvodza langemashumi lasihlanu aseGilead, Pekah wambulala Pekahiah kanye na-Argod bana-Arieh eSamaria ekhatsi enqabeni yesigodlo senkhosi. Pekah wabulala Pekahiah wase uba yinkhosi esikhundleni sakhe. ²⁶ Ngetindzaba letimayelana naPekahiah nakokonkhe lakwenta, tibhaliwe encwadzini yemlandvo wamakhosi aka-Israyeli. ²⁷ Emnyakeni wemashumi lasihlanu nakubili wa-Azariah inkhosi yakaJuda, Pekah indvodzana yaRemaliah yacala kubusa ka-Israyeli aseSamaria; wabusa iminyaka lengemashumi lamabili. ²⁸ Wenta lokubi emehlweni aSimakadze. Akahlukanga etonweni taJeroboam indvodzana yaNebat lobe kadze abangele ema-Israyeli kutsi one. ²⁹ Ngemalanga aPekah inkhosi yaka-Israyeli Tiglath-Pileser inkhosi yase-Assyria wefika watsatsa i-Ijon, ne-Abel Beth Maakah, neJanoah, neKedesh, neHazor, neGilead, neGalilee, nayo yonkhe indzawo yaseNaphtali. Watfumba bantfu waya nabo e-Assyria. ³⁰ Ngakoke Hoshea indvodzana ya-Ela yakha tinhlelo letimbi ngaPekah indvodzana yaRemaliah. Hoshea wamhlasela wambulala. Wase uba yinkhosi esikhundleni sakhe ngemnyaka wemashumi lamabili waJotham indvodzana ya-Uzziah. ³¹ Ngetindzaba letimayelana naPekah nakokonkhe lakwenta, tibhaliwe encwadzini yemlandvo wemakhosi aka-Israyeli. ³² Emnyakeni wesibili wembuso waPekah indvodzana yaRemaliah inkhosi yaka-Israyeli, Jotham indvodzana ya-Uzziah inkhosi yakaJuda yacala kubusa. ³³ Bekaneminyaka lengemashumi lamabili nesihlanu budzala nakacala kubusa; wabusa iminyaka lelishumi nesitfupha aseJerusalema. Libito lenina kwakunguJerushah; bekayindvodzakati yaZadok. ³⁴ Jotham wenta lokuhle emehlweni aSimakadze njengoba neyise-Uzziah bekadze entile. ³⁵ Noko bekunjalo, tindzawo letiphakeme atisuswanga. Bantfu bachubeka benta imihlatjelo bashisa netimphepho lena etindzaweni letiphakeme. Jotham wakha lisango lasenhla lendlu yaSimakadze. ³⁶ Ngetindzaba letimayelana naJotham nakokonkhe lakwenta, atikabhalwa encwadzini yemlandvo yemakhosi akaJuda? ³⁷ Ngalawo malanga Simakadze wacala kuhlasela Judah Rezin inkhosi yase-Aram naPekah indvodzana yaRemaliah. ³⁸ Jotham walala phasi nabokhokho bakhe, wafihlwa nabokhokho bakhe edolobheni laDavide khokho wakhe. Wase Ahaz indvodzana yakhe uba yinkhosi esikhundleni sakhe.