1 2 1. Иисус ҥэнэдникэн бэю иттин, балдачараптукий баликачу. 2. Хупкуттиҥэлни Иисустэки улгэмрэ: “Хупкучимҥэ, ҥи төнҥэкичу некчэн: ноҥан тар-гу амтилни ҥи-дэ, ҥи төнҥэкичтукун баликачич балдарин?” 3 4 5 3. Иисус барагрин: “Ноҥан-да эч төнҥэкичу некрэ, амтилни-дэ эчил төнҥэкичу некрэ, эрэк-тэмэр эчин опча Хэвки некэнмэин ноҥандулан ичурич некэбдэн. 4. Инэҥ эдлэн манур, Би Мину Эмэсэмкэнчэ некэнҥэвэн некэддим. Долба эмрэкэн, ҥи-дэ туркудин гургэвчиҥэ. 5. Би эрэк төр бинилэ́н биҥсичэми́ Би- эрэк төр бинин ҥэринни бисэм”. 6 7 6. Эчин гөниди, Ноҥан төрлэ тумниснан, дялсаи төрнюн хамриди, тарич баликач ясаллон хадан , 7. Нян гөнин баликачтаки: “ Хөрли, аваднали Силоам бассейнтакин, тулматчивми “Хөрэсэмкэнчэ” тарул “эмэсэмкэнчэ”. Тарак бэй хөррин, аваддин нян уйрин ясали көелчэч. 8 9 8. Таракам ноҥан немэкэлни, нян ҥи баликачу дюллэ көечэ гөнитэн: “Эрэк эснигэл тэгэчидникэн илралавкив гасчиддьотти бэй бис-э?” 9. Хан гөнитэн : “Эрэк ноҥан”, хөнтэл-нен : “Ноҥан бадан урэчинни”. Ноҥан-нян гөнин: “Эрэк таракат би бисэм”. 10 11 12 10. Таракам ноҥантакин улгэмритэн: “Он хин ясалалси аҥаптитан?” 11. Тали ноҥан барагрин: “Иисус гэрбэ Бэй, дялсай төрнюн хамриди, мин ясалалбу хэсирин. Минтэки-нен гөнин: “Хөрли бассейнтаки Силоамтаки, авадли-да тала”. Би хөррив, аваддив нян көелриву-дэ”. 12. Таракам ноҥман улгэмритэн: “Илэ Иисус?”. Ноҥан барагрин: “Эсэм хар”. 13 14 15 13. Баликач битлэв бэю фарисеилтэки ҥэнукэн. 14. Иисус дялсай төрнюн хамриди баликач ясалалбан аҥаҥсин суббота бисин. 15. Фарисеил-дэ тартаки он көелри очаван улгимиритэн. Ноҥан таралтаки барагрин: “Иисус мин ясалалдулаву тиҥгатав нэдин, би аваддиву нян көелриву-дэ”. 16 17 18 16. Таракам хан фарисеил гөнитэн: “Эрэк Бэй эсни Хэвкидук биси бис, Ноҥан-ка эсни айсатта субботав”. Хан гөнитэн: “Төнҥэкичилкэн бэй он эррөчилбэн хомилкарба мямсилба некэмчэ, туркучимчэ?” Мэр доливур касагчимачиддитан. 17.Ноҥартан нян-да баликач битлэтки дэпкэнитэн: “ Ноҥан хин ясалалбус аҥарин: яв хи Ноҥан дюгулин гөндинри?” Ноҥан барагрин: “Эрэк көевун”. 18.Иудеямҥэл эчил тэдер тарак баликач бичэвэн нян көелчэвэн, эдлэтэн тарак көелчэ амтилбан эрир 19 20 21 19. Ноҥартакитан улгимир: “Эрэк хун хутэсэн, ху гөнисэн баликачич балдачач? Тек-нен он-ка ноҥан көен?” 20.Ноҥан амтилни таралтаки барагритан: “Бу хару ноҥан мун хутун нян баликачич балдачаван-да, 21. Тарма бу эсу хар он тек ноҥан көелривэн, ҥи-дэ ноҥан ясалалбан аҥачаван. Ноҥан бэйди хагди, ноҥантакин улгимилрэ, ноҥан мэнкэн мэн дюгулий тэлэҥдэн”. 22 23 22. Ноҥан амтилни эчин барагра, иудеялди ҥэлми, иудеямҥал-ка укал мулгам дявритан, синагогадук аталабдатан, ҥи Иисусу Христосач - Имтэвчэч таҥуттилба. 23. Төми-дэ амтилни гөнитэн: “Ноҥан хагди, ноҥантакин улгимилрэ”. 24 25 24. Гявритан эриритэн баликач битлэв бэю нян ноҥантакин гөнитэн: “Хэвкив эскэли. Мут харап Тарак Бэй- Төнҥэкичилкэн”. 25. Ноҥан ноҥартакитан барагрин: “Төнҥэкичилкэн-гу Тарак Бэй эсэм хар, өмэм-тэкэн харам: би баликач бисиву, тек-нен көерэм”. 26 27 26. Нян-да ноҥман улгэмрэ: “Яв Ноҥан хиндулэ некрин? Он хин ясалалбус аҥарин?” 27. Көелчэ ноҥартакитан барагрин:” Укал хунтэки би гөнивуккэ, ху-нен эчилсэн долчир, тарабач -нян яв унэт долдамсас? Тар-гу ху-дэ Ноҥан хупкучиҥэлни омалас?” 28 29 28.Тарал ноҥман нэиритэн: “Эрэк хи Ноҥан хупкучиҥэн бисэнри, бу-нен Моисей хупкучиҥэлни бису! 29. Бу хару Моисейнюн Хэвки төрэдчэвэн, Эрэв-нен эсу хар, Ноҥан авгич-та бисивэн-дэ”. 30 31 30. Көелчэ бэй барагрин: “Эрэк-лу мямси, хун этисэ́н хар, авгич-та Ноҥан бисивэн, Ноҥан-нян мин ясалалбу аҥарин. 31. Тар-нян мут харап, Хэвки төнҥэкичилкэрбу этивэн долчиватта, долчиваттиван Ноҥман хэрэнмэйич таҥуттилба, дялгачинни-да некрилбэ. 32 33 34 32. Эрэглэдукунни ҥи-дэ эч долдар, ҥи-вул баликачич балдачав ясалалбан аҥаграчаван. 33. Ноҥан эми Хэвкидук бис, яв-да-тит туркучимчэ некҥэ”. 34. Тарал ноҥантакин барагритан: “Хи төнҥэкичлэ балдарис, химэн муну хупкучиннэс?” Тадук ноҥман эрэсситэн. 35 36 37 38 35. Иисус ноҥман эрэсчэвутэн долдарин, тарав бакрин нян улгэмрин: “Хи тэдечинри-дэ Хэвки Хуттөн?” 36.Тарак барагрин: “Хунҥи-Бэе, Ҥи-нен тарак би Ноҥман тэдедэку?” 37. Иисус ноҥантакин гөнин: “Хи Ноҥман көерис, хин-нюн-дэ Ноҥан төрэддэн”. 38. Көелчэ гөнин: “Тэдерэм, Хунҥи-Бэе!” Нян Ноҥантакин тикэтнэрин. 39 40 41 39. Иисус гөнин: “Би элэ төрлэ эмриву ургэчивэнду, баликачил көедэтэн, көерил-дэмэр баликачилдатан”. 40. Эрэв долдами, хан фарисеимҥэл, Иисуснюн бисил, Ноҥантакин улгэмритэн: “Тар-гу бу-дэ баликачил-гу бису?” 41. Иисус таралтаки барагрин: “Ху баликачил-дамар бими мэрдулэвур ач төнҥэкичлэл бимчилсэн, тарма ху гөвэтми “көерэп”, тарич төнҥэкич хундулэ эмэбуттэн”.