1 2 1. “Эливум тэдекичу тэдю гөнэм хунтэки: ҥи овцалтаки этили уркэ бис ивэнисчири, хөнтэли чилдасчири, тарак дьормин усач мэргэлкэн-дэ. 2. Ҥи-нен уркэли ири- тарак эливэн овцалбу көсчимҥэ. 3 4 3. Уркэв этумҥэ ноҥандун уркэв аҥаваттан, овцал ноҥан дилгаман долдаватта. Ноҥан мэн овцаҥалби гэрбэлдитэн эририди нян төлэски-дэ ньөвкэвэттэн-дэ таралбу. 4. Ньөвкэниди овцаҥалби дюлдэдутэн бодуссоттан, овцал-дамар амардадун хөррөттэ, ноҥан дилгаман хами. 5 6 5. Хөнтэ дилгандун эстэн бодассотта, тарич дэриссөттэ, эми хөнтэ дилгаман хар”. 6. Эрэв унувкачим Иисус ноҥартакитан тэлэҥрин, тарма тарал эчи́л уну́р, ха́мдин як дюгулин Ноҥан тэлэҥривэн. 7 8 7. Иисус нян-да ноҥартакитан гөнин: “Тэдекич тэдю гөнэм хунтэки, Би- овцал уркэтэн бисэм. 8. Кубэччур Миндук дюллэ эвэски хөллөчиччэл, тарал адивул бичэл бидэтэн, эйдудюр дьорминал, маванникар тесэчил биситэн, тарма овцал таралбу эчил долчир. 9 10 9. Би - инмэй уркэ бисэм; ҥи Миндули ири, тарак урдин. Ноҥан ириди ньөдин-дэ оҥкагай-да бакчин. 10. Дьормин эммөттэн дьорамдай-такан, мадай, көкэнтэки хилгидай. Би эмриву илкэр одатан, интэн хулэкэч дялкаҥчири одан. 11 12 13 11. Би - ай көсчимҥэ бисэм: ай көсчимҥэ мэн ими овцаҥалдулии бөвэттэн. 12. Тавгич-нян тачин-нюн көсчидэй эмчэ эсни ай көсчимҥэ бис, овцал ноҥандун хөнтэл. Ньоҥчак эмэддивэн иттиди, овцалбу эмэникэн-дэ дэриссөттэн.Ньоҥчак-нян овцалбу дьораммоттан, хинтакникан-да таралбу. 13. Тавгидадук эмэтлэ дэриссөттэн эникэн-дэ овцалбу ясакатта, тарак ноҥанаси тавгич эмэтлэ хөнтэгдэдук бими. 14 15 16 14. Би- ай көсчимҥэ бисэм. Би Мэнҥилби харам, Минҥил-дэ Мину хар. 15. Амму Мину харигчинни, Би-дэ Амми харам, Мэн ими бөддэм овцалдули. 16. Миндулэ гел-дэ овцал бис, этил эдук хиткидук бис, Минду таралбу-да эмукэннэву бидин.Тарал Мин дилгаму долдадир, өмэн хэсэ́н один, өмэн-дэ Көсчимҥэ бидин. 17 18 17. Амму Мину аявран, Би Мэн ими бөддыку, нян-да амаски гадай-да. 18. Ҥи-дэ Миндук Мин иму этэн тер, тарма Би Мэнкэн ими бөдим. Мин итму ими бөдэй, тачин-да итму амаски-да ими гадай. Эрэв итум Би Мэн Аманди бөвриву”. 19 20 21 19. Эли төрэрдули нян-да иудеямҥэлдули касагчимачак один. 20. Ноҥардукутан хоял гөнитэн: “Ноҥан ариҥка мурандун кэнивчэ́, тарич аварран-да, яҥгавур ху Ноҥман долчис?” 21. Хан-да гөнитэн: “Эрэл төрэр эсни кэнивчэ аварриҥи бис.Ариҥка баликачил ясалалбутан аҥамчиман?” 22 23 24 22. Таракам тугэни бисин, Иерусалимнэ анҥамтарудяк хэбдекэдекэн оддин. 23. Иисус нэҥэдидек дюлин хөллөчиддин, Соломон галереялин. 24. Эду иудеямҥал Иисусу эрэлритэн нян Ноҥантакин улгимиритэн : “Гору-гу Хи муну эникэн унувкан дяваччинри? Хи Хэрэвчэ-Христос бими тачин-да ҥунэч мунтэки гөли”. 25 26 25. Иисус ноҥартакитан барагрин: “Би хунтэки гөниву нян эсэскэ тэдер. Мин некэнҥэв некэддиву Мэн Амми гэрбэдукун- тарал Мину ичури́ч тэ́лэҥэттэ. 26. Тарма ху эсэс тэдер, ху эми Мин овцаҥалдукув бисил бис, он Би хунтэки гөнчэгчиму. 27 28 27. Мин овцаҥалбу Мин дилгаму долчирил, Би-дэ ноҥарбутан харам.Ноҥартан Минду бодда. 28. Би ноҥардутан эрэглэ инмэю иҥэтэн бөрэм, тарич ноҥартан этэр көкэр, ач көкэнэл бидир эрэглэдун, ҥи-дэ Мин ҥалдукуву ноҥарбутан этэн дьорамра. 29 30 31 29. Мин Амму ноҥарбутан Минду бөчэ, кубэттукун эгдедмэрэҥэтэн, ҥи-дэ Мин Амму ҥалдукун ноҥарбутан туркудин теҥэ. 30. Би Амнюми - Өмэн Бумҥа бису”. 31. Эрич нян-да иудеямҥэл дьолалбу наҥтилра Ноҥман дьолаттавур. 32 33 32. Иисус ноҥартакитан улгэмрин: “Хояв аю некэнҥэлбу Би Амандукий хунду ичукэниву, таралдук авуглитан ху Мину дьолач дьолачимсас?” 33. Иудеямҥэл Ноҥантакин барагра: “Эсу айли некэнҥэлдули Хину дьолач дьолачисчир, Хэвкив дяргарилис, Хи бэй биникэн, Мэни Хэвкигчин таҥатникан ичукэттилис”. 34 35 36 34. Иисус ноҥартакитан барагрин: “Хун Хэвкиҥэсэн итундулан эснимэн дукутта: “Би гөниву: ху- хэвкил бисэс”? Дукапча эннэн хөнтуруптэ. 35. Тарич төми Ноҥан Хэвки Төрэнни гөпчэлтэки хэвкилди гэрбучэлин. 36. тарбач ху-нен он гөнэс Тартаки, Хэвки имтэкичич хэрэриди эвэски (төртэки) эмэсэмкэнчэткин, Ноҥан Хэвкив дярганридин? Мин гөниливу-гу: “ Би- Хэвки Хутэн бисэм”? 37 38 39 37. Би эсэку Мэн Амми некэнҥэлбэн некэддэ, эдилрэ Мину тэдер. 38. Тарбач-нян некэнҥэвэн некрэку, эми Мину тэдер, тэделилрэ Мин некэнҥэлбэ некриливу, хамалкадавур тэдедэвур-дэ Амму Миндулэ бисивэн, Би-дэ Ноҥандулан бисиву.” 39. Таракам нян-да Ноҥман хэпкэсчилритэн, тарма Ноҥан ноҥардукутан гөбөрин. 40 41 42 40. Иисус нян-да Иордам бассаки хөррин, Иоанн гягану хэвкилэдекэн бичэлэн, тала-нян эмэптин. 41.Хоял бэил Ноҥантакин эмритэн нян гөнитэн-дэ Иоанн эчэвэн яв-да мямсив некрэ, тарбач эйду яв Иоанн Иисус дюгулин гөнин, эйду тэдекич айдит. 42.Тала хоял Иисусу тэдеритэн.