^{1 2 3 4} 1. Тарак  амардалан  Иисус  Иерусалимна  эмрин.Тала  Иудеямҥал  хэбдекэдекэтэн  бисин. 2. Иерусалимна Овцал инмэитэн  далилан бассеин- тямачилдиван бисин,  еврейдич  Вифезда  гэрбэлкэн. Тала тунҥан өгэрэбнэрил  и́лдивэр  биситэн. 3.Тала  хоял тэдмэрэл  бутэнрил  дэсчиритэн, баликачил, бэчэҥэл этэбчэл-дэ. Тарал  мө  хогналриван  алачиддил, 4. Хадун  окул  бисэкэн ангел  бассейн-тямачилдавандула  ириди  мөв  хогналукаваттан. ^{5 6} 5. Ҥи  дюлэгэч  тала ири  мө  хогналчалан,  тарак  абгар  оваттан,  иррөчин-дэ-тит  энэкэлкэн  хиладди  бими. Тарал  дулакандулатан  өмэн  бэй  дэсчиддин, илан-мяр  дяпкам  анҥану бутэнэдди. 6. Иисус  тарав  дэсчиддив  иттиди нян укал-да  гору дэсчиддивэн  тамкариди, ноҥантакин  улгэмрин: “Абгар  бимсэнри-гу?” ^{7 8} 7. Бутэн  Ноҥантакин  баргурин: “ Иҥэ,  Хунҥи- Бэе. Тарма ачча  бэй  мину  тала  бассейндула  гөбөвкэннэ,  мө  хогналаҥсин. Би  эмрэку,  миндук  хөнтэ  укал  дюлэгэч  тала  ивэттэн.” 8. Иисус  ноҥантакин  гөнни: “Илли, тэдэми  гали,  хөрли”. ⁹ 9. Тарак-нян  тарамалдут  абгар  оснан, тэдэми  гадиди  хөррэн-дэ. Эрэк  субботала  эчин  некэптин. ^{10 11} 10. Төми-дэ  иудеямҥал  бэгдэвчэтки  гөнитэн: “Эрэв  инэҥу  суббота. Эннэс  хи  тэдэми  төкэснэ”. 11. Ноҥан  таралтаки  барагран: “Ҥи  мину  бэгдэчэ  Тарак  минтэки   гөнин: “Тэдэми   гали,  хөрли-дэ”. ^{12 13} 12. Ноҥантакин  улгэмритэн: “Ҥи  Тарак  Бэй, хинтэки  гөнчэ:“Тэдэми   гали  хөрли-дэ?” 13. Бэгдэвчэ  эч  хар  Ҥи -дэ  бисивэн, Иисус-кэ  тала  мэикинэддил  долатан  гөбөрин. ^{14 15} 14. Амарла  Иисус  нэҥэдек  дюлан  ноҥман  ичилдэрин  тартаки  гөнин-дэ: “Хи  тек  абгар  бисэнри, төми-дэ  эдиси  төнҥэкичу  отта, эдэн  як-та  бичэдукий  хулэк  кэнелидмэр  ограр  хиннюн”. 15. Эрэк  бэй  хөрриди  иудеямҥэлтэки  гөнин, Тарак  ноҥман  бэгдэчэ  -  эрэк Иисус. ^{16 17 18} 16. Иудеямҥэл  Иисусу  эрэсэлритэн  удитника́р-да  илэ  ҥэнрилин, Ноҥан  субботала  эчин  некэнмэю  некчэлин. 17. Иисус   ноҥартакитан  гөнин: “Мин  Амму  эрэв  неккөттэн, Би-дэ  тачин-да  некрэм”. 18. Иудеямҥэл  ходмарач  Ноҥман  мамалритан  этилин  субботавтакан  хойра, тадук-та  ходмар  хянрусу  некрилин, өсэми  Хэвкив-дэ  Мэн  Аманди  гэрбуттилин,  тарич  Мэни  Хэвки-нюн  тэрэмкэнилин. ^{19 20} 19. Эли  Иисус  гөнин: “Тэдекич  тэдю  хунтэки  гөнэм  Хутэдмэр  яв-да  Мэнкэн  Мэндукий  эннэн  некрэ, эми-нюн  Амми  некривэн  иттэ: яв  Амадмар  некривэн,  тарав-да  Хутэдмэр-дэ  некрэн. 20. Амадмар-ка  Хути  аявран  нян  төми-дэ  Ноҥандун  эйдувэн  ичукэттэн  яв  Мэнкэн  некэддий. Нян  Ноҥандун  эрэлдук  эгде́тмэрэлбу  некэнмэилбу  ичукэндин, ху  мяҥрадис. ^{21 22 23} 21. Он  Амадмар-ка  көкэчэлбу  аруваттан, им  бөвэттэн,  таргачинни-та-да  Хутэдмэр-дэ  им  бөри,  ҥиду  бөмсиди. 22. Амадмар-дамар  ҥив-дэ  эсни  ургэдэ́ттэ, тарбач  эйдувэн  ургэдэ́м  Хутти  бөрин, 23. Кубэччур  Хуттөн  таҥутникар  хэрдэтэн,  Амадмару  онакан  хэрригчиму́р. Ҥи  Хуттөн  эти  таҥутта,  тарак  Амман-да  эсни  таҥутта, Ноҥман  эмэсэмкэнчэв. ²⁴ 24. Эливун  тэдекичу  тэдю  хунтэки  гөнэм: Ҥи  Мин  Төрэму  долчин  нян  тэдеттэн Тарав, Ҥи  Мину эмэсэмкэнчэв,  тарак  эти  мудна  илкэн  нян  этэн-дэ  ургэдэдектэки  эмрэ, таргачинни  көкэндукий  интэкий  давран. ²⁵ 25. Эливун  тэдекич  тэдю  хунтэки  гөнэм: эмэддэн  бини́  илунни, укал-да-лу  эмрин, көкэчэл  долдадир  Хэвки  Хутэн  дилгаман,  нян  долдами- ардир. ^{26 27} 26. Он  Амадмарла  Бэйлэн  Инни  бисни, Хутти-дэ  бөрин  Мэн  Бэйлэй  илкэн  бидэн. 27. Эҥилкэн  иткан-да  ургэдэлдивҥэн  бөрин, Ноҥан-ка- Бэй  Нярудан  Хутэн  бисэкэн. ^{28 29} 28. Эдилрэ  мякилра  эрэв, бини́  ита́н  о́ддан, эйдудюр  олдуса́лдулавур  бисил, Хэвки  Хутэн  дилгаман  долдадир, 29. Тарал-ка, ирэл  аю некэнмэю  некэччэл, индэвур  ардир, ушу-нян  очиччал, тарал  ардир  ургэдэвдэвур. ^{30 31 32} 30. Би  Мэнкэн  Мэндукий  эсэм  яв-да  некрэ. Он  долдарам  тачин-да  ургэдэрэ́м. Мин  ургэдэму  айдитадмар   Биккэ  эсэм  Мэнҥий  дяли  гэлэттэ, Мину  эмэсэмкэнчэ  Мэн  Амми дялан  иткачинни́  нектэй. 31.Би-нен  Мэн  дюгулий  ичулэсчивкэннэку, тар  Мин  ичукэттиву  эсни  айдитамдас  бис. 32. Хөнтэ  бисни  Мин  дюгуливу  ичукэтти, Би  харам-да  тарак  тэдю  айдиту  ичукэнни Ноҥан  Мин  дюгуливу. ^{33 34 35} 33. Ху  Иоаннтаки  улгэмэвкэнисэн, ноҥан-нян  тэдь  айдиту  укчэнрин. 34. Тарбач Би-нен  эсэм  бэил тэлэҥривутэн  али́мкатта, тарма  төрэрэм  хун уранма́йгасан  некэсчими. 35. Ноҥан  ҥэримутти  бисин, дуррин  ҥэримутникэн, ху-нен  дагритусин хокаҥчимсисан  ноҥан  ҥэриндун. ^{36 37 38} 36. Миндулэ-нен  ичукэннэву  тэлэҥу  бисни, Иоанн  ичукэтникэн  тэлэҥдукун  эгдедмэрэч  эгдедмэр, Мин  дюгуливу  некэнҥэлбу  ичукэттэ,  Минду  Амму нектэку  бөчэлни. Эрэл  некэнҥэл,  Би  некэддилбу, Мину  Амму нектэку  хөрукэнчэвэн  бисидин  ичукэттэ. 37. Мину  хөрукэнчэ  Амму  Мэнкэн  Мин  дюгуливу ичукэникэн  тэлэҥрин. Ху-нен  Ноҥан  дилгаман-да-тит  ок-та-тит  эчилсэн  долдар, итиван-да-тит  эчилсэн  көер, 38. Эсэс-тэ  Ноҥан  Төрэмэн  дяватта, хун  эмдэлэсэн  биннэв,  эми  тэдемсэ  Тарав  Ҥив  Ноҥан  хөрукэнчэвэн. ^{39 40} 39. Дукапчалбу  удитникар  хупкутлилрэ, хуккэ  тали  эти  мудна  илкэр  бисидюр  мэргэчис- тарал-нян  Мин  дюгуливу тэлэҥэттэ. 40. Тарма  ху  Минтэки  эсэс  эмэмсэ, илкэр  бидэвур. ^{41 42} 41. Би  эсэм  бэилдук  эскэвум  гадай  гэлэттэ, 42. Тарбач  хуну  харам: хундулэ  Хэвкитки  аявансан  ачча. ^{43 44} 43. Би  Мэн  Амми  гэрбэдукун  эмриву, ху-нен  Мину эсэс  аич  арчамса, тарбач  хөнтэ  мэн  гэрбэдукий  эмрэкэн, тарав  ху  аич  арчандис. 44. Он  ху  тэдедис, мэркэр  мэр  доливур  эскэмэчидникэр, тарбач  Өмнидук  Хэвкидук-тэ-мэр эскэм  эсэс  гэлэттэ? ^{45 46 47} 45. Эдилрэ  мэргэттэ  Би  хуну  Амми  дюлдэдукун усалтадиланнадиву: хундулэ  усалтачимҥасан  бисни – Моисей, ху  ноҥандин  эечиддисэн. 46. Моисеюккэ  тэдеттил  бисэн   бими,  тарич  таргачинни-та-да  Мину-дэ  тэдемчилсэн,  ноҥанка  Мин  дюгуливу  дукринка. 47. Тарбач  дукапчалбу  эми   тэдеҥтэр  онаси  Мин  төрэрбу  тэдедис?”