1 2 3 1. “Хун мявурсан эдэтэн хевуҥчир. Хэвкив тэдетлилрэ Мину-дэ тэдетлилрэ. 2. Мин Амму дюлан хоял комнатал бис. Эсэкэн тачин бис, таракам Би хунтэки гөмчу: “Би хөррэм хун билэккэсэн кимдай. 3. Хөрриди кимриди-да хунду-дэ билэккэсэн, нян-да эмдим эвэски нян хуну Мэнтэкий гадим, ху-дэ Мин бисилэву бидэсэн”. 4 5 6 7 4. Би аваски хөрэддиву ху хас, ҥэнэнмэю-дэ хас”. 5. Фома Ноҥантакин гөнин: “Хунҥи! Эсэп хар аваски ҥэнэддивус, он-нян хамчилбун ҥэнэнмэю?” 6. Иисус ноҥантакин гөнин: “Би- ҥэнэнмэй, тэдич тэдекич айдит ин-дэ бисэм. Амантакиву ҥи-дэ этэн хөнтэли эмрэ, Миндулиткэн эмэнмэй. 7. Ху Мину харил бими, Мин Амму-да хамчилсан.Тек-нен Ноҥман хас, көерисэн-дэ Ноҥман”. 8 9 8. Филипп Ноҥантакин гөнин: “Хунҥи! Амми мунду ичукэли, эрэк-тэ мунду десмэки бидин”. 9. Иисус ноҥантакин гөнин: “Асукум Би хун-нюн биддэм, нян тар-да бими , хи Мину эсэнри хары, Филипп? Ҥи Мину көечэ, тарак-та Амму көерин. Ями хи гөнэнри “ Амми ичукэли”? 10 11 10. Таргу хи эсэнри тэдер Би Амандулай бисиву Амму-да Миндулэ бисивэн? Төрэр, Би хунтэки гөниву, эсэм Мэндукий төрэр, Амму Миндулэ бипкэ бидди- Ноҥан некэнмэилбэ некрэн.11. Мину тэделилрэ, Би Амандулай бисиву, Амму-да Миндулэ бисивэн, эми тарав тэдер, тэделилрэ ичурич некэнҥэлбу некриливу. 12 13 14 12. Эливун тэдекичу тэдю гөнэм хунтэки: “ҥи Мину тэдери, тарак-та, Мин некриву некэнмэю некчин, тадук-тэ хулэкэч эгдедмэру некчин, Биккы Мэн Амантакий ҥэнэддэм.13. Амантакиву явул Мин гэрбэдукуву гасчиракасан, тарав некчим, тарич Амми Хутлэй эскэвэлдэн. 14. Тарбач, явул Мин гэрбэдукуву гасчиракасан, эрэв Би некчим. 15 16 17 15. Тарич Мину аявми-нюн, Мин итурбу неккэрэлрэ.16. Би Амандулай гасчидим, Ноҥан-нян хөнтэв Олагачимҥагаса́н хунду бөдин, эрэглэдун хун-нюн эмэбдэн. 17. Тэдекит тэдевун Ханьман, төр ҥунмерэн туркуттивэн тарав гаҥа, эти ичур бисэкэн эми көер, эми-дэ Ноҥман хар. Ху-нен Ноҥман хас, Ноҥан хун-нюн бисэкэн, хун ханиндуласан-да биддин. 18 19 20 18.Этэм хуну аҥатка́рди эмэн. Хунтэки эмдим. 19. Унэт дагрит бисиди, ҥунмер этэнэси Мину иттэ. Ху-дэ-мэр Мину итчис, Би ини бисэку, ху-дэ инил бидис. 20. Тала инэҥнэ ху хамалкадис Би Амми долан бисиву, ху Мин долаву бисивур, Би-дэ хун доласан бисиву. 21 22 21. Ҥи хари Мин итуму тарак бисигчинни одяникан некри-дэ, тарак Мину аявран. Ҥи Мину аяврив, тарав-да Мин Амму-да аявалдин, Би-дэ тарав аявалдим, Бэй-ди-дэ Мэнкэн ноҥандулан ичулдим”. 22. Иуда- эти Искариот бис- Ноҥантакин улгэмрин: “Хунҥи! Хи ями Мэни мундулэ ичукэмсэнри, эникэн биньилэ ҥунмертэки ичукэн?” 23 24 23. Иисус барагрин: “Ҥи Мину аяври, тарак Мин Төрэму бисигчинни некчин, Мин-дэ Амму тарав аявалдин. Бу ноҥантакин эмдиру, тарич ноҥандулан индидилдиру-дэ. 24. Ҥи эти Мину аявра, Мин Төрэму гөнигчинни эсни некрэ. Ху долчирисан Төрэн, эсни Минҥи бис, тарак Мину эмэсэмкэнчэ Амҥиву. 25 26 27 25. Эрэк Би хун-нюн биникэн хунтэки гөнэм. 26. Олагачимҥа, Хэрэпчэ Хиран, эсимэ Амму эвэски эмэсэмкэннэн Мин гэрбэдукуву, хуну эйдувэн хупкудин дьомкандин-да эйдувэн, яв Мин хунтэки гөнчэву. 27. Хунду аймум эмэнэм. Мэн аймуми хунду бөрэм, тарбач эсэм эрэк төр биньин аймум бөвэттигчинни бөр. Эдэтэн хун мявурсан хевун эдэтэн-дэ ҥэлрэ. 28 29 28. Ху долдарисан, Мин хунтэки гөниву: “Хундук хөррэм нян эмдим-дэ хунтэки”. Ху Мину аяврил бими хокамчилсан, Мин гөниливу “Амантакий ҥэнрэм”, Аммуккы Миндук эгдедмэр бисэкэн. 29. Би хунтэки тарак одидукун дюлдэкиду гөнэм, ху тэдедэсэн тарак оннан ичурич одакан. 30 31 30. Укал Минду эннэву гору хун-нюн төрэддэ одни, эрэк төр тэгэмэрэн эмэддэкэн нян Миндулэ ноҥан яҥан-да эттэннэгэ́н ачча. 31. Тарбач эрэк төр биньин ҥунмерэн хадан-такан Би Амми аявриву, он Минтэки Мин Амму итучагчинни неккөттиву: иллилра, хөргэлрэ эдук”.