¹ Empadai Melkisedek yak raja Salem ngau imam Allah te palin Tingik; ya angkat ngusung Abraham rama Abraham bekalih ngalah ke raja-raja, ngau merkat ya. ² Ngau ya Abraham merik sepesepuluh re semua. Menurut reti nama Melkisedek, pertama-tama raja kebenaran, ngau ugak raja Salem, yak raja damai sejahtera. ³ Ya ndai be'apai, ndai be'inai, ndai betelitih, ari ya ndai sik peruba, ngau idup ya ndai sik kebaduk, ngau empadai Ya sama ngau Anak Allah, ya tetap jadi imam sampai selamak-lamaknya. ⁴ Cam ke betapa besai urang yak, te ngau ya Abraham, apai leluhur kita, merik sepesepuluh re semua rampasan te palin baik. ⁵ Ngau sidak re anak-anak Lewi, te nerimak jabatan imam, bulih tugas, nunak ukum Taurat, untuk mungut pesepuluh re umat israel, re menyadik-menyadik sidak, sekalikpun sidak yak ugak kenturun Abraham. ⁶ Tapi Melkisedek te bukai kenturun sidak, mungut pesepuluh re Abraham ngau merkat Ya, walaupun ya pengempu jan'yi. ⁷ Mimang ndai dapat desangkal, bahwa te lebih babah deberkat ulih te lebih tingik. ⁸ Ngau dituk mensia-mensia fana nerimak pesepuluhan, ngau din Ya, tentang Ia deberik kesaksian, bahwa Ya idup. ⁹ Maka tau depadah, bahwa ngau perentara Abraham depungut ugak pesepuluhan re Lewi, te be'hak nerimak pesepuluhan, ¹⁰ empadai ya agik nugau alam tubuh apai leluhur ya, rama Melkisedek ngusung apai leluhur ya yak. ¹¹ Nyak nyuruh, andai kata ulih imamat Lewi dah tecapai kesempurnaan - empadai imamat yak umat Israel dah nerimak Taurat - nama sebab agik perlu urang bukai detetap ke jadi imam besai menurut peraturan Melkisedek ngau te tentang ya ndai depadah menurut peraturaan Haraun? ¹² Empadai, antik imamat berubah, lansung berubah ugak ukum Taurat yak. ¹³ Empadai Ya te demaksud ke dituk, temasuk suku lain; re suku tuk ndai sik surang pun te suah ngelayan de mezbah. ¹⁴ Empadai dah deketau semua urang, bahwa Tuhan berasal re suku Yehuda ngau mengenai suku yak Musa ndai suah madah ke nama-nama tentang imam. ¹⁵ Ngau hal yak jauh lebih nyata agik, antik detetap ke sikuk imam bukai menurut cara Melkisedek, ¹⁶ te nyadi imam bukai bedasar ke peraturan-peraturan mensia, tapi bedasar ke idup te ndai dapat benasa. ¹⁷ Empadai tentang Ya deberik kesaksian: "Nuan yak Imam untuk selamak-lamaknya menurut peraturan Melkisedek." ¹⁸ Mimang ukum te dekeluar ke subak debalang ke, antik ukum yak ndai sik kekuatan, nyak nyuruh ndai beguna, ¹⁹ empadai ukum Taurat sama sekalik ndai ngemaik kesempurnaan - tapi pitok detimul ke pengarapan te lebih baik, te ngedamping ke kita ngau Allah. ²⁰ Ngau sama upa hal tuk ndai tejadi antik ndai sik sumpah - mimang sidak dah jadi imam ndai sik sumpah, ²¹ tapi Ya ngau sumpah, ducap ke ulih Ia te befirman ngau Ya: "Tuhan dah besumpah ngau Ia ndai bakal nyesal: Nuan Imam untuk selamak-lamaknya"- ²² Piyak ugak Yesus, jaminan re perjanjian te lebih kuat. ²³ Dalam jumlah besai sidak dah jadi imam, empadai sidak decegah ulih maut untuk tetap menyabat imam. ²⁴ Tapi, empadai Ya tetap selamak-lamaknya, imamat Ya ndai dapat beralih ngau urang bukai. ²⁵ Nyak nyuruh Ya sangup ugak ngau sempurna nyelamat ke semua urang te ulih Ya datai ngau Allah. Empadai Ya idup seruntik untuk jadi pengentara sidak. ²⁶ Empadai Imam Besai te upa yak mek te kita perlu: te saleh, ndai salah, ndai benoda, te perarak re urang-urang bedusa, ngau lebih tingik repada tingkat-tingkat surga, ²⁷ te ndai upa imam-imam besai bukai, te setiap ari kalah mempersembahkan kurban untuk dosa ya kedirik ngau udah yak baruk untuk dusa umat ya, empadai yak dah depulah Ya sekalik untuk selamak-lamaknya, rama Ya mempersembahkan dirik Ya sebagai kurban. ²⁸ Empadai ukum Taurat netap ke urang-urang te dekumus kelemahan jadi Imam Besai, tapi sumpah, te ducap ke kedudi ari re ukum Taurat, netap ke Anak, te udah jadi sempurna sampai selamak-lamaknya.