Tugas Timotius belawan ngau pengajar sesat ¹ Tapi Roh dah madah tegas, kalau waktu kedepan mayuh urang murtat, namai roh-roh penyesat ngau ajaran sitan ² kenak tipu bala pengampur te ati nurani mengau cap sidak. ³ Sidak ndai nyagi urang kawin, ndai nyagi urang makai pemakai te depulah Allah isak ngau ucapan syukur demakai urang te pecayak ngau urang te dah ngelala kebenaran. ⁴ Empadai semua te depulaah Allah baik semua, ndai sik te haram, antik deterimak ngau ucapan sukur, ⁵ empadai semua yak dekuduske ulih firman ngau ulih doa. ⁶ Ngau ngingat ke semua yak ke bala kaban kita, kitak dah dah jadi pelayan Kristus Yesus te baik, tedidik sual-sual pukuk iman kita, alam ajaran sehat te dah kitak petamai selamak tuk. ⁷ Tapi engkana akik inik meliak ndai sah dedinga. Latih ke dirik kitak beribadah. ⁸ latih tubuh tebatas guna, tapi ibadaah beguna lam semua hal, empadai bisik janyi, baik idup pituk, maupun idup page lusak. ⁹ Anai tuk benar, patut deterimak sepenuhnya. ¹⁰ Nyak mek nyuruh kita kalah bejerih payah, bejuang, empadai naruh pengarap kita ngau Allah te idup, Juruselamat semua mensia, terutama urang te pecayak. ¹¹ Padah ngau ajar ke semua tuk. ¹² Nang sampai bisik te ngangap kitak rendah, empadai kitak biak. Jadi teladan bagi urang-urang pecayak, alam anai tutur, tingkah laku, kasih, kesetiaan, ngau alam kesucian kitak. ¹³ Sementara nunguk ke aku datai, kalah rajin maca Kitab Suci, membangun, ngau ngajar. ¹⁴ Nang lalai nguna ke karunia te bisik ntang kitak, te udah deberik ulih nubuat ngau penumpangan jari sidang penatuai. ¹⁵ Perati ke semua tuk, isak kemajuan kitak nyata ngau semua urang. ¹⁶ Awasi dirik, awasi ajaran. Betekunlah alam semua tuk, empadai ngau mulah te piyak, kitak nyelamat ke dirik, ngau semua urang te ninga kitak.