Sarat-sarat penilik jemaat ¹ Benar anai tuk: "Urang te ining ke jabatan penilik jemaat, kak ke kereja te baik." ² Maka penilik jemaat kalah urang te ndai becacat, bebini surang, bijaaksana, sopan, rajin merik tumpangan, anal ngajar urang, ³ Bukai peminum, pemabuk, peluat, tapi ramah, damai, ndai tamak ke duit, ⁴ kepalak keluarga te baik, desegan, ngau dehurmat anak-anak ya. ⁵ Antik ya urang te ndai numut ngurus keluarga tipa kak ngurus jemaat Allah? ⁶ Ndai tau urang te baruk betubat, isak ya ndai jadi sumung ngau kenak ukum Iblis. ⁷ Kalah bisik nama baik deluar jemaat, isak ndai dusit urang, ngau jatuk kalam jerat Iblis. ⁸ Piyak ugak bala diaken, kalah urang tehurmat, nang becabang dilah, nang te tugam tuak/pengasi/anggur, nang pengangkang. ⁹ tapi kalah uraang te nyaga resia iman aalam ati nurani te suci. ¹⁰ Sidak kalah duji ugak lau, tebukti ndai becacat, baruk detetap ke alam pelayanan. ¹¹ Piyak ugaka bala bini, kalau urang tehurmat, nang rajin empitnah, tau depecayaak alam semua hal. ¹² Diaken kalah urang te bebini surang, ngau antus ngurus bala bini anak. ¹³ Empadai sidak te ngelayan ngau baik, bulih kedudukan te baik ugak, isak alam iman ngau Kristus Yesus sidak bibas besaksi. ¹⁴ Semua tuk kutulis ngau kitak, walaupun aku ngarap tau betemu ngau kitak sigat. ¹⁵ Jadi antik aku telambat, kitak dah ketau tipa urang kalah idup sebagai keluarga Allah, jemaat re Allah te idup, tiang penunyang ngau dasar kebenaran. ¹⁶ Agunglah resia ibadah kita: "Ya te dah madaah kedirik Ya alam upa mensia, debenar ke alam roh; te nampak ke dirik Ya ngau malaikat-malaikat, deberik dentara bala bansa te ndai ngelala Allah; te depacayak alam denia, dangkat lam kemuliaan."