Doa Jemaat ¹ Pertama-tama aku nesihatkan: Naik ke pemohonan, doa syafaat, ngau ucapan sukur untuk semua urang, ² untuk raja-raja ngau semua penguasa, isak kita idup tenang alam kesalehan ngau kehormatan. ³ Yak mek te baik ngau te bekenan ngau Allah juruselamat kita, ⁴ te kak isak semua urang deselamat ke ngau bulih pengetahuan, ngau kebenaran. ⁵ Empadai Allah yak esa, maka esa ugak Ya te jadi perentara mensia ngau Allah, yak mek Yesus Kristus, ⁶ te dah nyerah ke dirik sebagai tebusan bagi semua mensia: yak kesaksian rama waktu te dah detentu. ⁷ Untuk kesaksian yak mek aku dah detetap ke sebagai pemadah ngau rasul - te kupadah tuk benar, aku ndai ngemulak- sebagai pengajar urang-urang bukai Yahudi, alam iman ngau kebenaran. ⁸ Aku ining isak bala bakas semayang nadah ke jari te suci, ndai ngau peluat, peselisih. ⁹ Piyak ugak inuk. Bepengau pantas, sopan, sederhana, bukai ngau bekepit buk, ngau bala periasan mas, balaa pengau mahal, ¹⁰ ya kalah begap ngau pempulah baik, upa te pantas bagi inuk te beribadah. ¹¹ Tunak inuk kalah nugau, nerimaka ajaran ngau patuh. ¹² Aku ndai nyagi bala inuk ngajar, ngau ndai nyagi sidak merintah bala bakas, baik antik sidak sidak manuh. ¹³ Empadai Adam te peruba depulah, bukai Hawa. ¹⁴ Yak pun bukai Adam te teguda, tapi inuk yaak te teguda ngau jatuk kalam dusa. ¹⁵ Tapi inuk deselamat ke empadai sidak beranak, asal ya betekun lam iman ngau pengudusan ngau semua kesederhanaan.