¹ Imba ombolo yove kilu lio vava, omo okai sanga vali noke oloneke vialua. ² Etepisa epanduvali, ndango ecelala komanu, omo ove kua kulihile evi viv viya kilu lieve. ³ Nda alende ayuka ovava ombela, ayi pesila kongongo, kuenje nda uti ukupukila konano ale kombuelo, apa posi uti ukupukila, uciala muele opo. ⁴ Uwosi alavulula ofeka kakuli, kuenda uwosi ulavulula alende kongula. ⁵ Omo ove kukuliha okusika kuofela, ndango kukuliha akepa onganga ndomu akola vimo liu wamina, haico vo kuakulihile upange wa Suku, walulikile ovina viosi. ⁶ Komele kunla ombuto yove; Toke kongolosi, talovaya lovoko ove ndomu cisesamela, omo ove kuakulihile eyi yima ciwa, nda komele ale kongolosi, ale yeyi ale ina, ale nda viosi vikala ⁷ ciwa.Ocili ocinyi cisonsa, kuenje ocina cimue cisanjuisa ovaso okumola ekumbi. ⁸ Nda umue okala komuenyo alima alua, weci asanjuke vovina viosi, masi asokolole okuiya kuoloneke vio welema, omo vakakala valua. Cosi cilaika okuiya cango. ⁹ Yolela, umalehe, vu kuenje wove, kuenda utima wove uyolele voloneke viu kuenje wove. Enda ndeci utima wove upanga, kuenda cosi oco olete vovaso ove. Pole kuliha okuti Suku okakunena kesombiso kovina evi viosi. ¹⁰ Upa onyengo vutima wove, kuenda ivila evalo liosi ketimba liove, momo ukuenje lo ongusu yayo cango.