¹ Olonyi viafa vilehisa lavi onguendu, yatila yukuakuyitunga, eveke litupukuka ekemolo lolondunge kuenda esumbilo. ² Utima wo munu okasi lolondunge uutiamisa kondio, puai utima wo munu eveke kau utiamisa kepili. ³ Eveke ndali volokela vo njila, hamo liakamba olondunge. Kuenda osapuila vosi hati diveke. ⁴ Nda onyengo yo mbiali nda yikuwengukila kukase upange wove umbombe utulumula ahuku. ⁵ Kuli uvi u ndamola vemehi liekumbi, cilinga ndocina calueya okutunda kombiali: ⁶ Aveko vahiwa umbiali wove pama vinene pole olohuasi valua ovipama vitito. ⁷ Ndamola apika vovandelapotuvalu, kuenda omala va vasoma vokuende posi nda pika. ⁸ U ofenla utunu ofamoeye muele, kuenda uu ovukula ocimano ya olumaniwa konyoha. ⁹ U wosi otetula ovawe ou valula, kuenda oteta uti uulundika. ¹⁰ Nda ocivela nda cakuna, kuenda omunu kacilepika toke walikapako longusu, Kuenda olondunge vinene okukuatisa okupitilis pange. ¹¹ Nda onyoha ya lumana handi havayisakuile, wokuukaisa ukaisa cango. ¹² Olondaka vitunda vomela yukualondunge ohenda puai olonjembu vieveke viulia muele. ¹³ Eci olondaka vifetika okutunda vomela lieveke kuenda esulilo liokupopia kualio liunenela uyui piala. ¹⁴ Eveke liluisa olondaka, kuenda lomue wakuliha ecci ciya. Helie wakuliha eci ciyapo konyima yahe? ¹⁵ Upange weveke ukavisa akuti kakuliha onjila eyi yenda kimbo. ¹⁶ Ngongo yove, afeka, nda osoma wove omola, kuenda akulu vafetika okunya omele! ¹⁷ Kuenda wasumuluha ove, afeka, nda osoma yove omola ombuto yusoma kuenda akulu vove valia potembo yasesamela, vacilingila ongusu hakukuoluako! ¹⁸ Momo lio wesi u yombisa olusoka, momo liu liusa walua onjo ilokiwa. ¹⁹ Omanu vapongiya okulia esanju, ovinyu vinena onjolela vo muenyo, kuenda olombongo citelisa viosi. ²⁰ Kukasiwale osama, ndango vovisimilo viove, kuenda kukosinale ohuasi vokati kohondo yove. Momo onjila ipita vilu yambata olondaka; Eci cosi cikasi lavava cambata loku sapula.