¹ Vilikiya loku sokolola usovoli wove volo neke. Viu kuenje vovo, otembo oloneke viv kaieyile, kuenda handi alima kavapitilile eci opopia, ''Sacisonjukilile;'' ² Linga eci osimbu ocinyi cutanya kuenda osai kuenda olombungululu kavia tevavele, kuenda alende atekava katuikilile eci ombee yaca. ³ Kukala otembo eci olonda vululi viokelombe viluluma, kuenda alume vapama valiketika. kuenda eci vakuakufula valiweka momo kavaluile, kuenda vana valenglela polo njanela va lisikilila. ⁴ Kukala otembo eci akaikiwa volo luwa, kuenda okuola kuomuenyo tepuluka, eci omanu vamba okuimba kuonjila, kuenda okuimba kuolondaka viateko kavia yevalele. ⁵ Kukala otembo eci omanu kakala lusumba loulepa kuenda anyali volokololo, kuenda eci uti wa- amendeita u teleha, kuenda eci apange ali koka, kuenda eci noke ulume wenda vonjo yaye ka yipui kuenje vokuakulila vanguala nguala volokololo. ⁶ Ivaluka usovoli yove osimbu ukulo o siliva vawatepele. ale ocilindo culu kaca sansiwile, pamue akandilu haka nyonyohile kotembo, ale elola lioko cisimo covava catekako. ⁷ Osimbu handi oneketela kayutiukile okuyatundile, kuenje cilelembia watiukile ku Suku u wacecele. ⁸ ''Cango! Cango!'' Capopia ulongisi. ''Cosi cango!'' ⁹ Ulongisi wakala lolondunge kuenje walongisile omanu ukulihiso. Watangele kuenda wakulihisile kuenje wasokiya olusapo alua. ¹⁰ Ulongisi wavanjele ndomu asonehele vukulihiso, kolondaka vio cili. ¹¹ Olondaka viavo kualondunge vialisoka ndocikuata ceca epandi. Ndo lopeleko viavaleliwa longusu olondaka vio ongoluiliwa lusongui valusapo, evi via longisiwa lu ungombo umuamue. ¹² Amolanhe, lunguiwa lovina vialua okupangiwa kua livulu alua hakukuete esulilo, kuenda okulilongisa enene kunena ekavo ketimba. ¹³ Ukupua kovitangi pana okuti ovina viosi viayevala, oco okuti osuma Suku kuenda okutata ovihandeleko viahe, evi viosi ovio ovikele viosi vio munu. ¹⁴ Omo Suku onena ovilinga viosi kesombiso, lovina viosi selekiwile, vikale viwa ale vivi.