¹ Wa asanyikine eswe kumi nyi aali wahele tachi nyi chiyulo chakuchiza mandemona eswe nyi ku akwa ikola . ² Watumine nyi kwambujola wanangana wa Zambi nyi ku akwa misongo. ³ Wambile kuli ayo , '' Kanda nukambata Yeswayo mukwenda chenu - chipwe mulumbu , chipwe chipakulo, chipwe mbolo, chipwe , mba chipwe mbinja jali . ⁴ Lyeswalyo zuwo munukanjila , nukatwame ndo nyikutuhuka . ⁵ Waze eswe kechi kanutambula, muze munukatuhuka mu chihunda , nukakukumune fufuta kuilyato yenu hanga ikapwe shindakenyo hali ayo.'' ⁶ O akatukile nyikuya mwihunda , nyikwambujola sango lipema nyi kuwuka kweswe. ⁷ Hohene mukulwana Helonde wevwile yeswe ya lingiwile , aye wakomokene , mumu achambile kuli amwe ngwo Yoano hanahinduka ku afu, ⁸ mba akwo ambile ngo Eliya hanasoloka , akwo ngo umwe wa apolofeta amwaka hana hinduka . ⁹ Helonde wambile ngwenyi , '' Yoano hinguna mutape. Alyoze iya ngunevu hayuma yino ?'' Aye wafupile ku mumona. ¹⁰ Apositolo muze ahilukile , amwambulwile yeswe alingile . Mba iye wambachile nyi kuya no nyikuya no ukawo kulimbo lize anasanyika ngwo Mbeteseta. ¹¹ Alyoze mbunga muyevwile yino, yamukaula. Watambwile nyikuhanjika kuli ayo yawanangana wa Zambi , nawa nyi kuwuka waze afupile kwauka. ¹² Hohene nyi tangwa lyaputukile nyi kutoka , alyoze kumi nyi ali ejile kuli iye yamba ngwo , '' Tumenu mbunga aye ku ihunda yamu kamwihi nyi kuminda hanga akawane kwo kupomba nyi yakulya , mulonga tuli mu musenge . ¹³ ''Alyoze wambile kuli ayo , '' Ahenuko imwe alye.'' O ambile ngwo , '' Kutushi nyi ikwo yakuhyana ha mbolo jitanu nyi ishi aali - shina tuye nyi kwalanjila kulya cha atu eswe.'' ¹⁴ (O apwile ngwe tununu atano amalunga.) Aye wambile kutumbaji jenyi , '' Atumbikenu mu manyonga amakumi atanu.'' ¹⁵ O alingile chocho , atu atumbikile hashi . ¹⁶ Yambata mbolo itanu nyi ishi aali , watalile kwilu , wachipalile nyi kuchi palwola , wachihanyine kutumbaji jenyi yo yahana kumbunga. ¹⁷ Eswe alile akuchile , mba atongwene ya salileho - yipalupalu ya yipakili kumi nyi aali. ¹⁸ Chalingiwile muze Yesu machilemba wukawenyi, tumbaji apwile nyi iye . Wahulile , ngwenyi , '' Kuchi mbunga ya ku nguvuluka ?'' ¹⁹ O akumbulwile , '' Yoano chipapachisa mba akwo ngwo Eliya , nawa akwo ngwo umwe wa pulofeta wa myaka hahinduka.'' ²⁰ Aye wambile kuli ayo ngwo , '' Mba enu kuchi nwakunguvuluka , '' Petulu wakumbulwile ngwo , '' Mwe Kilishitu wa ²¹ Zambi. ''Alyoze aye wakanyishile kulweza chino kuli nyiumwe , ²² ngwenyi , '' Mwana wamutu watela kumona lamba linji nyi kumukana ku makulwana nyi ku asasendonte akulutwe nyi akwa kusoneka , alyoze makamushiha nyi mutantwa lyamuchitatu akahinduke.'' ²³ Iye wambile kuli eswe , '' nyi hali umwe matela kungu kaula matangwa eswe. ²⁴ Yoze maka zanga kufunga mwono wenyi makautokesa , alyoze yoze makatokesa mwono wenyi hamulonga wayami maka ulamwina . ²⁵ Mba chili chinapeme mutu kupita chifuchi cheswe alyoze akalitokele mwene? ²⁶ Yoze makangwivwila sonyi nyi kumaliji jami , nyi mwana mutu neye kumakamuvwila sonyi muze makahiluka kamuchali mu uhenya wenyi nyi muhenya watato nyi angelo . ²⁷ Alyoze umwene mwene nguna hanjika kuli yenu , amwe anamanangana wa Zambi,'' ²⁸ Hohene hamatangwa nake hanyima Yesu hahanjika ano maliji , wambachile Petulu nyi Yoano nawa nyi Tiyangu aile nyi kumulundu nyi kulemba . ²⁹ Shimbu machilemba chifwa chameso jenyi halumukine , nawa nyi yakuzala yenyi yalumukine itoma to. ³⁰ Kumanyi , atu ali apwile nyikuhanjika nenyi , Mose nyi Eliya , ³¹ asolokele mu uhenya , ahanjikile chakuya chenyi, chize chejile nyi kumanunukila mu Yelusaleme. ³² Alyoze Petulu nyi aze eswe apwile nenyi evwile tulo , mba muze ahindukile, amwene uhenya wenyi nyi malunga aali amanyine nenyi . ³³ Muze tehimakatuka kuli Yesu , Petulu yamba kuli iye ngwenyi, '' Mwene, chinatuwahila ku pw kuno . Tutunge Yisambwe itatu , chimuwika cha yenu , chimuwika cha Mose , nyi chimuwika cha Eliya .'' (kakanyingikine chize apwile nyi kuhanjika). ³⁴ Shimbu ma chihanjika yino , liselwa lyejile nyikwafuka , nyi woma wakwachile ha kunjila muliselwa . ³⁵ Nyi liji lya katukile muliselwa , ngwo '' Au mwe mwanami, ngunasakula ; ivwililenu kuli iye .'' ³⁶ Muze liji lya hanjika , Yesu amuwanyine ukaweny . Aholele kulu nyikulweza nyiumwe hamatangwa aze yize yuma amwene. ³⁷ Alyoze tangwa likwo , muze hakukatuka ku mulundu , aliwanyine nyi mbunga inene . ³⁸ Talenu , lunga wa ku mbunga walilile , ngwenyi , '' Longeshi , nguna kusakwila tala kama mwanami walunga , mumu mwe wawika . ³⁹ Talenu , shipilitu wakumukwata hohene maputuka nyikyukalumwoka , Yakumukokela nyi kufumisa fulufulu kukanwa . Hinahono kumukatuka nawa kuya ku mupinjisa upi. ⁴⁰ Nechile kuli tumbaji je kwitwuhwisa, mba ahonene.'' ⁴¹ Yesu wakumbulwile ngwenyi , '' Yenu chisemuko chipi nawa chishi nyi ufulyelo , ndo shimbu ingahi mungupwa nyiyenu nyi kulihumikiza nyi yenu ? Neha mwane kuno .'' ⁴² Shimbu yize mwana machiza, ndemona wamuholwele hashi nyi ku mukolesa chipi . Alyoze watenukine ku imashipilituyipi nawa wa wukile mwana - lunga nyi kumuhana nawa kuli tato. ⁴³ O eswe wlikomokene ha ulamba wa Zambi . Shimbu yize eswe himachikomoka ha yuma yeswe alingile , wambile ku tumbaji twenyi, ⁴⁴ '' Echenu maliji eswe ano ejile mu matwi jenu: Mwana mutu makamukunjika kumoko ja atu .'' ⁴⁵ Alyoze kakalifwile ulumbunwiso walino liji. Waswekelele cho . O kakamwene nyi ulumbunwiso, O evwile woma kuhula lino liji. ⁴⁶ Hohene aputukile kuli hamika hakachi ko yiya mahyana eswe . ⁴⁷ Mba Yesu , wanyingikine manyonga amumbunge jo , kwejile mwana mukehe nyi kumusa ku sesa ⁴⁸ nyi kwamba kuli ayo ngwenyi , '' Mweswawo matambula uno mwana nujina lyami , katambula yami; alyoze wangutumine . Nyi mweswawo mapwa mukehe haliyenu eswe mwe mapwa munene.'' ⁴⁹ Yowano wakumbulwile , '' Mwene , twamwene umwe kutuhwisa mandemona mujina lyenu alyoze twamukanyishile , mumu keshi kukaula yetu.'' ' ⁵⁰ ''Kandanumukanyisa, '' Yesu yakumbulula , '' mumu uze kechikalimika nyi yenu kali hamuwika nyi yenu .'' ⁵¹ Mba muze matangwa akundamine nyi kumutwala mwilu , watalile meso jenyi kuya ku Yelusaleme . ⁵² Watumine tunganda kulutwe lyenyi , mba ayile nyikunjila mu chihunda cha a Samaliya nyi kumululikila yeswe . ⁵³ Mba atu kuze kamutambwile mumu meso jenyi atalile ku Yelusaleme. ⁵⁴ Muze tumbaji Tiyangu nyi Yoana amwene yino ambile ngwo , '' ,Mwene unazange tuhanjike ku kahya kahulumuke mwilu nyi ku wenyeka ?'' ⁵⁵ Alyoze wateulukile nyi kwatenukina , ⁵⁶ nawa o ayile kulimbo likwo. ⁵⁷ Shimbu machiya mujila , umwe wahanjikile kuli iye , ''Mungunukaula kweswe munuya.'' ⁵⁸ Yesu wambile kuli iye, ''Mikuza kali nyi mena , nyi tujila amwilu kali nyi yaswa , alyoze mwana mutu katwamine nyi hakushachila mutwe wenyi.'' ⁵⁹ Mba iye wambile kumukwo , '' Ngukaule .'' Mba yamba ngwenyi , '' Mwene , echenu nguchiye nyi kufunda tata.'' ⁶⁰ Mba yamba kuli iye , '' Echenu afu afunde afu jo . Alyoze yena , yako kweswe ukambujole ya wanangana wa Zambi.'' ⁶¹ Hohene umwe yamba , '' Mungunukaula , Mwene , mba echenu nguye nyi kushika aku zuwo lyami.'' ⁶² .Yesu wamukumbulwile , '' Nyiumwe masa kwoko lyenyi ku shilau nyikutala kunyima matela muwanangana wa Zambi. ''