¹ Muze te hamanununa maliji jenyi eswe mu matwi ja atu , wanjilile mu Kafwanaume. ² Ndungo ya umwe kapitau mulemu kuli yiye , wayile te wambile kufwa. ³ Muze evwile hali Yesu , watumine kuli yiye makulwana a A-Yunda , nyikumulembela hanga eze akahindwise ndungo yenyi. ⁴ Muze ejile kuli Yesu , alyumbile kuli yiye, ngwo, ''kanatela ulinge chino hali yiye, ⁵ mumu kanazange vungu lyetu , nyi yiye mwene watutungilile sunangonga lyetu.'' ⁶ Yesu wayile hamwe no . Muze haheta hakamwihi nyi zuwo, kapitau watumine tusendo kuli yiye, ''Mwene , kanda ulikatalisa , mumu chatelele unjile mu zuwo lyami. ⁷ Kashika chipwe chatelele kwiza kuli yena , alyoze ambenu liji nyi mukweze wami kumahinduka. ⁸ Mumu yami nawa nguli mutu angusele .mushi lya chiyulo , nyi nguli no mushi lya yami mungwamba kuli yono , ngwami, ' yakomba maya, nyi kuli muko ngwami, ' Tweya, 'mba meza, nyi kuli ndungo ngwami, '' Linga chino , 'mba meza , nyi kuli ndungo ngwami , '' Linga chino, ' mba machilinga''. ⁹ Muze Yesu evwile yino yuma, wamukomokenene, wateulukile ku mbunga yize amukawile ngwenyi, ''nguna hanjika kuli yenu , chipwe mu Izalele chawanyine ufulyelo upwa haha. ¹⁰ '' Nyi waze aatumine ha kuhilukila ku zuwo , awanyine ndungo te hahinduka. ¹¹ Ha tangwa likwo , Yesu wayile ku limbo jina lyalo Naine , nyi anji a kuli tumbaji twenyi nyi mbunga yinene ayile hamwe nenyi . ¹² Shimbu machikundama ku chikolo cha limbo, kumanyi , haze lunga wafwile amumbachile , mwana wa wika wa naye { iye twamishi} , nyi mbunga yinene ya ku limbo apwile hamwe nenyi. ¹³ Muze mwene amumwene , wamuvwilile keke wambile kuli yiye ngwenyi , '' Kanda ulila'' ¹⁴ .Yiye wakundamine wasele minwe ku muhango nyi akwa kumbata amanyine , yiye wambile ngwenyi , '' Mukweze , ngunambe kuli yena ngwami, hinduka .'' ¹⁵ Mufu wahindukile waputukile , ku hanjika , nyi Yesu wamuhanyine kuli naye. ¹⁶ Eswe akwachile woma , nyi kuchichimyeka Zambi , ngwo '' Pulofeta munene hanasoloka hakachi ketu '' nyi ''Zambi hanatale hali atu jenyi''. ¹⁷ Nyi liji lino lya kutwala Yesu lyamwanganyine mu Yundeya nyi mu chifuchi cheswe cha kujingilika. ¹⁸ Tumbaji twa Yoano amwambulwilile ha kutwala ku yino yuma yeswe . ¹⁹ Mba Yoano yasanyika aali a kuli tumbaji waatumine kuli mwene ngwenyi , shina yena uli yoze meza, shina mututalatala mukwo?'' ²⁰ Muze ahetele kukamwihi nyi Yesu , malunga ambi;le ngwo, '' Yoano chipapachisa hatutuma kuli yena ngwenyi , 'shina yena umwe uneza, chipwe mutu talilila mukwo?''' ²¹ Ha ola yize yene wawukile anji ku misongo nyi yilungo nyi mashipilitu a ungulungulu , walawishile meso ja tupuputa anji . ²² Yesu wakumbulwile nyi kwamba kuli ayo , '' Kufuma yenu nunayi muzhila yenu , nukambulwile Yoano chize hinwamona nyi chize hinwevwa . Tupuputa kanalaula ku meso , yilema kanende , akwa mbumba kanapeme, nyi afwa - matwi kanevu , afu kanahinduka , kuli yiswale kakwambujola sango lipema . ²³ Kawaha mweswawo kechi kanguvwila sonyi.'' ²⁴ Muze te tunganda twa Yoano hakatuka , Yesu waputukile kwamba ku mbunga ha kutwala kuli Yoano ngwenyi , '' Ika nwayilile ku puya mukutala? Lumbungu lunanyike nyi fuji ? ²⁵ Alyoze ika nwayilile mukutala ? mutu walunga unazale mahina ja uhenya , talenu , kali nyi upite unji nyi kuwaha mapwa mu mazuwo ja myanangana. ²⁶ Alyoze ika nwayile mukutalatala ? pulofeta? Ewa, ngunambe kuli yenu umwe wahyana chikolo pulofeta. ²⁷ Yono hali yiye chinasonewa ngwo , ' Talenu mungukatuma kanganda kami kulutwe lya meso je, mwe makawahisa jila ye shimbu kanda yenamwene.' ²⁸ Ngwami , hakachi ka waze akusemuka kuli mapwo -pulofeta wahyana Yoano . Alyoze yoze mukepe wahyana eswe mu wanangana wa Zambi kanapu munene wahyana yiye''. ²⁹ {Atu eswe achivwile nyi akwa kufwetesa, lijimu muze evwile asambishile Zambi , mumu te apapachishile nyi upapachiso wa Yoano . ³⁰ Alyoze A-Fwaliseu nyi akwa shimbi alitunyine ha kutwala kuli ayo ene mana ja Zambi , mumu kakapapachishile kuli Yoano. ³¹ ''Ngwe aya, nawa, mungupwisa atu ja chisemuko chino? Mba malifwa neya? ³² kanapu ngwe ana anatwama mu yitanda, nyikulitambika umwe kuli mukwo ngwo , ' Twembanga ndembo kuli yenu , kunwakakinyine. Twembanga mwaso wa kulinyenga , kunwakalilile.' ³³ Yoano chipapachisa kejile chakuhona kulya mbolo chipwe nyi kunwa vinyu , mba nwambile ngwenu, ' Ndemoni akwete .' ³⁴ Mwana mutu haneza nyikulya mbolo nyi kunwa , mba munambe ngwenu , ' Talenu , iye chipuluta nyi chizenge , kasendo ka akwa kufwetesa nyi yivulumunyi ! ³⁵ Alyoze mana kanasabe hali ana jenyi.'' ³⁶ Halyapwila umwe wakuli A-Fwaliseu wamulakenyene hanga alye nenyi . Mba muze Yesu wanjilile mu zuwo lya kafwaliseu , watwamine ku mesa nyi kulya . ³⁷ Kumanyi kwapwile pwo mu limbo yoze wapwile chivulumunyi. Muze anyingikine ngwenyi kanatwame kumesa mu zuwo lya kafwaliseu , wanehene kasaji ka maji a vumba lipema . ³⁸ Muze amanyine kunyima kukamwihi nyi yilyato yenyi , nyikulila, waputukile kuwulisa yilyato yenyi , nyi masoji , nyi kukusumuna nyi kambu ja kumutwe wenyi wambejele yilyato yenyi nyi kuyiwayisa nyi maji a vumba lipema. ³⁹ Muze kafwaliseu yoze wamulakenyene achimwene , washinganyekene mwene, nyi kuhanjika ngwenyi , '' Nyingwe yono lunga kapwile kapulofweto, kachi mahasa kunyingika hiya nyi chize apwa yono pwo unamukwate , ngwo hi chivulumunyi.'' ⁴⁰ Yesu wamukumbulwile nyi kuhanjika ngwenyi , Semone , nguli nyi chuma chize ngunazange kuhanjika kuli yena . '' Wambile ngwenyi , '' Chihanjikenu, Longeshi!'' ⁴¹ Yesu wambile ngwenyi , '' Umwe mukakahana mukuli ja mbongo wapwile nyi akwa mukuli aali. Umuwika wapwile nyi kongo lya kulakaji atano a mbongo , nyi mukwo kumi atano . ⁴² Muze kakahashile kumufweta , wakonekenene eswe. Kumana, hiya wa kuli ayo mamuzanga kuhyana? ⁴³ Semone wamukumbulwile nyi kuhanjika ngwenyi , '' Yoze wakonekenene kuhyana .'' Yesu wambile kuli iye ngwenyi, '' Kuwapatwila kuwaha.'[' ⁴⁴ Yesu wapingulukile kuli pwo nyi kuhanjika kuli Semone ngwenyi , '' Unamono yono pwo . Nanjila mu zuwo lye . Kuwanguhele meya ja kusana ku yilyato yami , alyoze iye hawulisa yilyato yami nyi masoji jenyi nyi kukusumuna nyi kambu jenyi . ⁴⁵ Kuwangwehele mbeju , alyoze iye hanga nejililanga kalitwaminyine kumbeja yilyato yami. ⁴⁶ Kuwakwichile ku mutwe wami nyi maji, alyoze iye hawayisa yilyato yami nyi maji avumba lipema . ⁴⁷ Keshika ngunambe kuli yena ngwami, milonga yenyi , yize yapwile yinji , kayikonekela- mumu wazangile chikolo . Alyoze yoze makonekena chikepe , mazanga chikepe.'' ⁴⁸ Mba wambile kuli iye ngwenyi , '' Milonga hiye hayikonekena.'' ⁴⁹ Waze atwamine nawo kumesa aputukile kwamba muma mbunge jo ngwo , '' Hiya yono wakukonekena nyi milonga?'' ⁵⁰ Mba iye wambile kuli pwo , ''Ufulyelo we hiwakulamwina . Uye mukuwunda.