¹ Shimbu mbunga amushinjikile mukwivwa liji lya Zambi , wamanyine ku sesa lya chitende cha Ngenezale . ² Wa mwene maulungu aali ku sesa lya chitende . Alyoze akwa kutela yishi hatuhukamo kulu kana koso manda jo. ³ Yesu wanjilile mu ulungu umwe , uze wapwile wa Semone , wamwichile asosoloke hakepe ku ngenge . Iye watwamine nyi kulongesa mbunga ku ulungu. ⁴ Muze anakamanyisa kuhanjika , wambile kuli Semone ngwenyi , '' Shinjika ulungu haze hasuku nusunwise masnda jenu nukoze''. ⁵ Semone wakumbulwile ngwenyi, '' Mwata , twakilikitanga ufuku weswe kutwakwachile nyiumwe , alyoze ha liji lye , mungusunwisa wanda.'' ⁶ Muze hahwisa kulinga chino, a jingilikile chizavu chinene cha yishi , nyi wanda wo wapwile muku patuka . ⁷ O alahwile kuli masepa jo waze apwile mu ulungu ukwo ngo eze akwase ko . O yeza yazalisa maulungu eswe aali , chocho aputukile kushi mbama. ⁸ Alyoze Semone Petulu, muze achimwene , wafulamanyine ku makungunwa ja Yesu , ngwenyi , '' Mwene katukenu kuli yami mumu nguli chivulumunyi .'' ⁹ Mumu wakomokele , nyi waze eswe apwile hamwe nenyi , ha yishi waze ozele. ¹⁰ Awa apwile Tiyangu nyi Yoano , ana ja Zembendeu , eno apwile masepa ja Semone. Yesu wambile kuli Semone , '' Kanda wivwa woma , mumu halyapwila ndo ku myaka kumukatela atu . ¹¹ Mba muze te haneha maulungu jo hashi yehuka ,eswe yamukaula. ¹² Muze apwile mu limbo limwe , mwapwile lunga wapwile nyi mbunba .Muze amwene Yesu , wafulamanyine nyi kulyumba kuli iye , ngwenyi , '' Mwene , nyi unapale muhase kungupemesa.'' ¹³ Mba Yesu wolwele kwoko lyenyi nyi kumusela minwe , ngwenyi ,'' Ngunapale . Pwako mungunu .'' Hazehene mbumba yenyi yamukatukile. ¹⁴ Iye wa muhele koki kanda akambulwila nyiumwe alyoze walwekele , '' Yako kwe , hanga ukalilweze kuli Sasendote ukalambule ha kupemesa che , ngwe ambile Mose , chikapwe shindakenyo kuli ayo .'' ¹⁵ Alyoze lufuma wenyi wamwanganyine kuhyana nawa , nyi mbunga yinene akungumine mukwivwa hanga akaawuke ku kukokoloka cho . ¹⁶ Alyoze wapwile nyi kuya ku puya , nyikulemba. ¹⁷ Mba ha tangwa limwe shimbu maschilongesa , A-Fwaliseu nyi akwa shimbi atwamineko waze te hakatuka ku yihunda yeswe yamu Ngalileya nyi yamu Yundeya nyi aku Yelusaleme . Nyi tachi ja Mwene ja pwileko ja kwawuka . ¹⁸ Alyoze malunga anehene ha muhela mutu umwe wapwile mukwa kalepa , afupile kumunjisa akamutumbike kumeso ja Yesu . ¹⁹ Muze kawanyine haze mamunjishila mumu ha mbunga , anyinyine ha fulumba ya zuwo amusunwishine ndusu mu telya hamwe nyi chalo chenyi hakachi ka atu , mumeso ja Yesu. ²⁰ Ha kumona ufulyelo , Yesu wambile ngwo , '' lunga , ngunakukonekena milonga ye.'' ²¹ Akwa kusoneka nyi A-Fwaliseu aputukile kunyonga ngwo , '' Iya yono unahanjika kushililika ? Iya mahasa kukonekena shina Zambi wika ?'' ²² Alyoze Yesu , nyikunyingika manyonga jo , wakumbulwile ngwenyi, '' kachi tee nunanyongo mu mbunge jenu? ²³ Chashi chika shina kwamba ngwo , ' Milonga yo hiya konekena ye' nyi shina kwamba ngwo ' katuka wende '? ²⁴ Alyoze hanga nunyingike mwe Mwana mutu chiyulo akwete hano hashi cha kukonekena milonga , '' Wambile kuli lunga mukwa kalepa - '' Ngunambe kuli yena , katuka , anda chalo che nyi kuya ku zuwo lye.'' ²⁵ Hazehene wakatukile kumeso jo nyi kwanda chalo haze apombele . Iye wayile ku zuwo lyenyi , nyikuchichimyeka Zambi. ²⁶ Eswe alishikishile nyi kuchichimyeka Zambi. Ka zalile nyi woma , kwamba , '' Hitunamono yuma ya yipupu musono uno.'' ²⁷ Kulutwe lya yino yuma , Yesu watuhukile wamwene mukwa kufwetesa lijimu jina lyenyi Levi kanatwame mu zuwo lya lijimu . Wambile kuli iye ngwenyi , ''Ngukaule ''. ²⁸ Iye Levi wakatukile nyi kumukaula , wahichikile yeswe kunyima. ²⁹ Mba Levi wamulingilile chiteleka chinene mu zuwo lyenyi Yesu . Kwapwile mbunga yinene ya akwa kufwetesa lijimu nyi akwo waze atwamine ku mesa hamwe no. ³⁰ A-Fwaliseu nyi akwa kusoneka jo alinyenyetene hali tumbaji twenyi nyi kwamba ngwo , '' Kuchi te nunali nyi kunwa nyi akwa kufwetesa lijimu nyi yivulumunyi ?'' ³¹ Yesu waakumbulwile ngwenyi , '' Angunu keshi kufupa mbuki; alyoze waze ayiza wika . ³² Chejile mukutambika akwa ululi alyoze yivulumunyi alikonyeke. ³³ Ambile kuli iye ngwo , '' Tumbaji twa Yoano akulitwamina kulya kanji nyi kulemba , nyi atumbaji twa A-Fwaliseu akulinga chizechene nawa. Alyoze tumbaji to akulya nyi kunwa.'' ³⁴ Yesu wambile kuli wo ngwenyi , '' Munahasa kukanjisa akwa ulungi alitwamine kulya shimbu sandungi ali hamwe no nyi ? ³⁵ Alyoze matangwa makeza muze makachiza sandungi kuli ayo , hohene makalitwamina kulya ha matangwa aze.'' ³⁶ Mba Yesu wahanjikile chishimi kuli ayo. ''Nyiumwe mapula chando ku hina lyaha akachise ha hina likulu . Nyi chocho , mapula lyaha , nyi chando cha lyaha kuchishi kulita nyi hina likulu . ³⁷ wakuhi nyiumwe malonga vinyu yaha mu tuku ja malambu akulu . Nwe malinga chize , vinyu yaha muyimengununa malambu , nyi yene muyimwangana , nyi malambu mafwa. ³⁸ Alyoze vinyu yaha mayilonga mu tuku ja malambu aha . ³⁹ Nyiumwe wa muze manwa vinyu yakulu mazanga yaha , mumu mamba ngwenyi, ' yakulu shinaho.'''