¹ Mba Yesu , wa to ni Shipilitu Musandu , yahiluka ku katuka kulwiji wa Yondau nyi yamutetekela kuli Shipilitu mu puya , ² Kuze ha shimbu lya makumi awana a matangwa nyi kumweseka kuli ndyapu. Kalile nyi chimwe ha matangwa aze , nyi muze amanunwine wano matangwa wevwile zala. ³ Mba ndyapu wambile kuli iye ngwenyi, '' Kachi yena uli mwe mwana Zambi , amba liwe lino lyalimuke mbolo.'' ⁴ Yesu wamukumbulwile ngwenyi , '' Chinasonewa ngwo , 'Hi ku mbolo wikako mutu matwama nyi mwono,''' ⁵ Ndyapu wamutwalile Yesu helu nyi wa mulwezele mawanangana eswe a yifuchi ya hashi ha kashimbu kakepe. ⁶ Ndyapu wambile kuli iye ngwenyi , '' Mungukwaha chiyulo chino cheswe nyi uhenya wacho , mumu hanangukunjikawo , kuli mweswawo mungumupala mungumwahawo. ⁷ Keshika , kachi munguwaila , kachi weswe kumuukapwa niwe.'' ⁸ Alyoze Yesu wamukumbulwile ngwenyi , '' Chinasonewa ngwo , ukawayile Mwene Zambi ye , nyi iye wika ukamulingile .'' ⁹ Ndyapu wamutwalile Yesu ku Yelusaleme nyi wamusele helu lya kasonga ka tembele , wamwambile ngwenyi , '' kachi uli Mwe mwana Zambi , limbile hashi. ¹⁰ Mumu chinasonewa ngwo , 'kumakahana shimbi kuli angelo jenyi hakutwala kuli yena , kukufunga kawape , ' ¹¹ nyi,' Hamokojo kumakakuzundula , kuchina muhukana chilyato che kuliwe.''' ¹² Hakumukumbulula , Yesu ngwenyi , '' Kanachambe ngwo , ' Kanda ukeseka Mwene Zambi ye.''' ¹³ Muze te ndyapu hamanununa kumweseka Yesu , wakatukile kuli iye ndo kumwaka ukwo. ¹⁴ Yesu wahilukile ku Ngalileya nyi tachi ja Shipilitu , nyi lufuma wenyi wafumanyine ndusu mu chifuchi cheswe cha kujingilika . ¹⁵ Waputukile nyi kulongesa mu masunangonga jo nyi eswe amuchichinyekene. ¹⁶ Iye wejile ku Nazaleta , kuze amulelelele, nyi , kulita nyi ndako yenyi , wanjilile mu sunangonga ha tangwa lya sambata nyi wakatukile nyi kutanga mukanda . ¹⁷ Mba amukunjikile mukanda . Mba amukunjikile mukanda wa Pulofeta Isaya. Iye wapakwile mukanda nyi wawanyine kuze asonekene ngwo, ¹⁸ ''Shipilitu ya Mwene kali hali yami , mumu hananguwayisa nyi maji kwambujola sango lipema kuli yiswale. Hanangutumu kwambujola utuswilo kuli funge nyi kulawisa cha meso kuli tupuputa, kutusula waze ali mu upinjilo, ¹⁹ mukwambujola mwaka wa kupemena kuli Mwene .'' ²⁰ Iye wapakikile mukanda waukunjikile cheka nawa kuli kalala , watwamine hashi . Meso ja eswe mu sunangonga ahulikilile kuli iye . ²¹ Iye waputukile kwamba kuli ayo ngwenyi , '' Musono lino chisoneko chino chinamanunuka mu matwi jenu . '' ²² Eswe amushindakenyene nyi kukomoka hamaliji a vumbi aze atuhukile mu kanwa lyenyi , no ahulishile ngwo, '' Yono hi mwana Yosefweko nyi?'' ²³ Iye wambile kuli ayo ngwenyi , '' Chamwenemwene munwamba kuli yami chishima chino ngwo , ' Mbuki , liuke yena mwene . Chize cheswacho twevwile alingile ku Kapelenau , chilinge kuno nawa mu chijima cha yena mwene .''' ²⁴ Alyoze iye ngwenyi , '' Pundu ngunambe kuli yenu ngwami , nyiumwe pulofeta mapemena akwa chijima chenyimwene. ²⁵ Alyoze mu umwenemwene ngunanulweze ngwami mwapwile twamishi anji mu Izalele ha matangwa ja Eliya , muze ajilile lilu hamyaka yitatu nyi tukweji asambano chocho kapunga munene wejile mu chifuchi cheswe . ²⁶ Alyoze Eliya ka kamutumine nyi kuli umwe , shina kuli Salepeta wa muchihunda cha Sendome, kuli twamishi wa pwo wapwile nyi kutwamano . ²⁷ Mwapwile akwa mbumba anji mu Izalele ha matangwa ja pulofeta Eliseu , alyoze nyiumwe wa kuli ayo wapemene wakuhi shina Naamane ka Selya.'' ²⁸ Atu eswe mu sunangonga azalile to-o nyi ufwatulo ha kwivwa yino yuma . ²⁹ O akatukile amumbilile haze lya limbo , nyi amutwalile ku mungilingili wa mulundu haze hatungile limbo lyo , hanga amunyasemo . ³⁰ Alyoze iye wapalikile ndusu mukachi ko nyi waile kweka. ³¹ Iye wapalumukine ku Kafwanaume , limbo lya mu Ngalileya, nyi wa alongesele ha sambata . ³² O alishimwokenene ha longeso lyenyi , mumu wahanjikile nyi chiyulo. ³³ Mba mu sunangonga mwapwile mutu nyi shipilitu wa ndemone wa luchisa , iye wakololokele nyi liji linene ngwenyi , ³⁴ ''Maala ! kuchi unafupu tu;linge nyi yena , Yesu waku Nazaleta ? Hi uneza nyi kutwonona nyi? Ngunakunyingika - mwe Musandu wa Zambi . !'' ³⁵ Yesu yamutenukina ndemone , ngwenyi , '' Hola! Tuhuka muli iye! Nyi muze te ndemone hamulimbwisa hashi mukachiko , watuhukile muli iye , kakamulemekene nyi hamwe. ³⁶ Atu eswe akomokene , nyi ahanjikile kuli umwe nyi mukwo . Yaamba ngwo, '' Maliji wano maliji aka? mumu nyi chiyulo nyi tachi mamba ma shipilitu a luchisa o matuhuka . '' ³⁷ Ndundumwino yino yakumuvula yiyile kweswe ku chifuchi cha kujingilika . ³⁸ Keshika Yesu wakatukile ku sunangonga nyi wanjilile mu zuwo lya Semone . Alyoze naye- weno ya Semone waijile nyi kachi munji, mba o aliumbile kuli iye . ³⁹ Iye wamuzulaminyine nyi wakanjishile kachiki, iye wamukatukile. Hazehene wahindukile waavumbikile . ⁴⁰ Muze tangwa mulichitoka , atu anehene kuli Yesu myeji a kuyiza misongo yakulihandununa yeka nyi yeka . Neye wasayikile moko jenyi hali eswe nyi waawukile. ⁴¹ Nyi andemonyu nawa atuhukile muli anji , nyi kukololoka ngwo, '' Yena mwe Mwana Zambi ! '' Yesu yaakanjisa andemonyu nyi kaatayijile kuhanjika , mumu anyingikine ngwo iye mwe Kilishitu. ⁴² Muze hikwacha chimenemene , wakatukile wayile mu puya mbunga ya atu apwile nyi kumufupa ejile kuli iye . Mbunga yafupile kumukwata hanga kachi ahone kukatuka muli ayo. ⁴³ Alyoze wambile kuli ayo ngwenyi , '' Changutamba kwambujola sango lipema lya wanangana wa Zambi ku membo akwo nawa , mumu hachino angutumine .'' ⁴⁴ Mba watwalilile nyi kwambujola mu masunangonga ndusu mu Yunda.