¹ Mu mwaka wa kumi nyi wamuchitano wa kuyula cha Tipeliwu Sesale - Pontewu Pilatu te achili nguvulu wa Yundeya , Helonde kapwile nguvulu wa chiyulo cha Ituleya nyi Tilakonite , nyi Lisane nguvulu wa Apiliniya , ² mumatangwa a usasendote wa Anase nyi Kayafwa - liji lya Zambi lyejile kuli Yoano mwana Zakaliya mu puya. ³ Iye wanjilile mu chifuchi cheswe chajingilika Yondau , nyi kwambulula upapachiso wa ukonekeno wa milonga. ⁴ Ngwe muze chinasonekewa mu mukanda wa kapulofeta Izaya, '' liji lya yoze unakololoka mu puya , ' Lulikenu jila ya Mwene, lulamikenu yikoka yenyi. ⁵ Mbongo jeswe kumu jikashikiwa, nyi milundu yeswe nyi mindundena yeswe kumuyikashikumuka, nyi jijila ja kuhenga mujikalulama, nyi majila a lamba kumakasalama, ⁶ Atu eswe kumakamona ulamwino wa Zambi .''' ⁷ Yoano wambilile mbunga jize jinakapwa nyi kwiza chisemuka cha yihili ! Hiya wanutoweza kuchina utenu uze wuneza ho? ⁸ Keshika , imenu mihuko yakutela kulikonekena kanda nuputuka kuhanjika ngwenu, ' Tuli nyi tata Apalahama ,' mumu ngunanulweke ngwami Zambi natela kusangula ana ja Apalahama kufuma kuli awa mawe. ⁹ Halyapwila kanase njimbu ku miji ya mitondo keshika mitondo yize yeswe kuyishi kwima mihuko yipema mayipatula nyi kuyimbilila mu kahya.'' ¹⁰ Nyi mbunga yinakatwalilika nyi kumuhula , ngwo, '' kuchi kevwe mutulinga?'' ¹¹ Yakumbulula nyi kuhanjika kuli ayo ngwenyi, '' nyingwe umuwika kali nyi yikuto yali , akalyanyine nyi yoze keshi nacho, nyi yoze ali nyi kulya alinge chize chene.'' ¹² Akakufwetesa mbongo newo kejile nyi kwapapachisa , nyi kuhanjika kuli yiye ngwo, '' Longeshi, kuchi twatela kulinga ?'' ¹³ Yamba ngwenyi , '' kanda nutambula kuhyana chize ananwambe kutambula.'' ¹⁴ Nyi amwe maswalale newo amuhulile , ngwo , '' Mba kuchi kuli yetu? kuchi twatela kulinga?'' Yiye wambile kuli ayo , '' Kanda mukatambula mbongo kupalikila mu kupinjisa, kanda nukasanyina yamahuza. Yukenu nyi fweto yenu.'' ¹⁵ Shimbu atu machitalila Kilishitu kwiza , eswe apwile nyi kuhanjika mu mambunge jo hakutwala kuli Yoano , ngwe yiye watela kupwa Kilishitu . ¹⁶ Yoano , wakumbulwile eswe ngwenyi , '' Alyoze yami, ngunanupapachisanyi meya , alyoze kumeza yoze wakangana kuhyana yami, nyi yami chatelele kumujitula lusapo wa ku haku jenyi. Kumanu papachisa nyi Shipilitu Musandu nyi kahya.'' ¹⁷ Chifujilo cha mu kwoko lyenyi nyi kupemesa kulu chizungwilo chenyi nyi kukungulula tiliku mu chula chenyi. Alyoze kumakocha yizungu nyi kahya kaze kashi kuhasa kujima.'' ¹⁸ Nyi kuhalisa kunji nawa, Yoano wambujolele liji lipema kuli atu . ¹⁹ Muze nguvulu Helonde hamukanyisa ha kumbata pwo lya mwanako Helonde nyi yuma ya wungulunglu yeswe yize Helonde alingile, ²⁰ kanakawezelako yeswe ku yikwo , wajililile Yoano mu zuwo lya ususu, ²¹ Muze chejile , muze atu eswe hawapapachisa ,Yesu neye kamupapachishile , nyi shimbu apwile nyi kulemba, nyi lilu lyazulukile , ²² Nyi Shipilitu Musandu muwumujimba wahulumukine hali yiye mu wukatela , nyi liji lyejile kukatuka mu malilu '' Yena mwanami nazanga. Muli yena ngunasuwulukila.'' ²³ Muze Yesu aputukule uvumbiko wenyi , wapwile nyi myaka ngwe makumi atatu . Kapwile mwana { ngwe chocho anyongele} wa jose , mwana Heli, ²⁴ mwana Mata , mwana Levi , mwana Melichi, mwana Yanayi, mwana Jose. ²⁵ Jose mwana Matetiya , mwana Amose , mwana Nayume, mwana Eseli, mwana Nahayi, ²⁶ mwana Mata, mwana Matetiya, mwana Semine, mwana Jose , mwana Yunda. ²⁷ Yunda mwana Yoanane , mwana Lesa, mwana Zolobabele, mwana Salatiyele, mwana Neli, ²⁸ mwana Melechi, mwana Andi, mwana Kozawu, mwana Elemotawu, mwana Ele, ²⁹ mwana Yoshua, mwana Elieza, mwana Yoline, mwana Mata, mwana Levi. ³⁰ Levi mwana Semone, mwana Yunda, mwana Jose, mwana Yonane, mwana Elyakimi, ³¹ mwana Malea, mwana Manane, mwana Matata, mwana Natane , mwana Ndawichi, ³² mwana Yese mwana Opete , mwana Mboaze, mwana Salomone, mwana Nasone, ³³ Nasone mwana Anunandambe , mwana lame, mwana Hezelone, mwana Peleze, mwana Yunda, ³⁴ mwana Yakomba , mwana Izake mwana Apalahama, mwana Tela, mwana Hehole, ³⁵ mwana Selungu, mwana Leu, mwana Pelenge, mwana Epele , mwana Shele. ³⁶ Shela mwana Kename, mwana Apakasha, mwana Sheme, mwana Noe, mwana Lameke, ³⁷ mwana Metusela, mwana Enoke, mwana Yela, mwana Mahalale, mwana Kenane, ³⁸ mwana Enoshe mwana Sete , mwana Alama , mwana Zambi.