¹ Achi chiwanyino cha mbolo kuyishi futunwiso hichakundama , kakuchisanyika ngwo chizomboka . ² Nyi asasendote akwa lutwe nyi akwa kusonyeka kafupile ngwe chize mahasa kumushiha Yesu , mumu kevwile woma wa atu . ³ Mba Satana kanjilile muli Yundase , jina lyenyi likwo Ka -Kalyote , hnamwalula wa kuli kumi nyi aali . ⁴ Yundase kayile kuli asasendote akwa lutwe nyi tupitau nyi kuhanjika chize mamusolola Yesu kuli ayo . ⁵ Kawahilile nyi kulifwashana kumwaha mbongo . ⁶ Iye katayijile kuchilinga nyi kufupa jila yipema ya kumukunjika kuli ayo muze kukushi mbunga . ⁷ Mba tangwa lya mbolo , muze chatamba kushiha chitapo cha chizomboka . ⁸ Yesu katumine Petulu nyi Yoano , kwamba ngwo , '' Yenu nyi mukawayise chizomboka , hanga tukalye . '' ⁹ O ambile kuli iye ngwo , '' Kulihi anazange yetu tukachilulike ? '' ¹⁰ Iye kawakumbulwile , '' Talenu , muze hinwanjila mwimbo ,lunga makatakana nyi yenu kanambata sapa ya meya . Nukamukaule ku zuwo muze manjilamo . ¹¹ Nukambe kuli mwenya zuwo , ' Longeshi kamba kuli yenu , '' Chilihi chipatulo cha ngeji , muze mungukalila chizomboka hamwe nyi tumbaji ? ''' ¹² Iye kumakanulweza chipatulo cha kwilu , muze mwene nukalulike . '' ¹³ Kejile , nyi kuwana yuma yeswe chizechene ngwo ambilile kuli ayo . Kalulikile chizomboka . ¹⁴ Muze ola hiyaheta , watwamine nyi apositolo. ¹⁵ Iye wambile kuli ayo , '' Nyi usona wunji hingunazange kulya chizomboka chino hamwe nyi yenu shimbu kanda ngwivwa lamba . ¹⁶ Mumu ngunambe kuli yenu , chichi kachilya ndo muchimanunuka mu wanangana wa Zambi . '' ¹⁷ Mba Yesu kanjile musenge nyi kuhana kusakwila , wambile ngwenyi , '' Wenu ayi , nyi kulipangila hakachi kenu . ¹⁸ Mumu ngunambe kuli yenu , chichi kanwa nyichimwe ku mihuko ya vindela chize ku halyapwila ndo wanangana wa Zambi hi weza . '' ¹⁹ Iye wanjile mbolo , nyi muze te hasakwila , kayipalwile , nyi kuwaha kuli ayo , wambile ngwo , '' Uno we mujimba wam i, auhanyine hali yenu . Chino lingenu nukangwiwuluke . '' ²⁰ Yanda musenge chizechene kulutwe lya kulya , yamba ngwo , '' Awu musenge uno we usendo waha mu manyinga jami , waze anamwangana hali yenu . ²¹ Alyoze talenu , kwoko lya yoze wangukunjika hamwe nyi yami ha mesa lili . ²² Mumu mwe mwana mutu chamwenemwene maya ngwe amuselelecho , alyoze lamba kuli yoze mutu mamukunjika ! '' ²³ O maputuka kulihula hakachi ko yoze hakachi ko malinga chuma chino . ²⁴ Kwapwile nawa kulihamika hakachi ko hali yoze hakachi ko mamuvuluka munene wahyana eswe. ²⁵ Iye wambile kuli ayo ngwenyi , '' Wanangana wa mavungu kakupwa nyi unene helu lyo , nyi waze akwete chiyulo helu lyo kakwa vuluka ngwo akwa kuwahisa . ²⁶ Alyoze nyi yenu kuchapwile chocho . Alyoze , yoze munene wahyana eswe hakachi kenu akapwe ngwe kanuke , nyi mukwa lutwe akapwe ngwe yoze wakuvumbika . ²⁷ Mumu iya munene wahyana , shina yoze matwama ku mesa , o shina yoze mavumbika ? Hi yoze matwama ku mesa ko ? Alyoze yami nguli mukachi kenu ngwe yoze unavumbika . ²⁸ Alyoze yenu nuli waze hananyongonona hmwe nyi yami mu yeseko yami . ²⁹ Ngunanusela wanangana , chizechene ngwe Tata wanguselele wo wanangana , ³⁰ hanga nukalye nyi kunwa ku mesa yami mu wanangana wami , kumunukatwama ha yitwamo ya wanangana nyi kupatwila kuli lya mavungu nyi mavungu aali a Izalele . ³¹ '' Semone ,Semone , tala , Satana hananufupu , hanga akanusale ngwe tiliku . ³² Alyoze nalombelela hali yena , hanga ufulyelo we kuuchi kahwa . Nyi yena muze walumuka , ukajikijise mandumbu je . '' ³³ Wambile kuli iye ngwenyi , '' Mwene , ngunahase kuya hamwe nyi yena chipwe ku zuwo lya ususu chipwe ku kufwa . '' ³⁴ Yesu wambile kuli ayo , '' Ngunanulweze , Petulu , ndemba kechi katambika musono , uno ndo yena mukalikala katatu ngwe kuwangunyingikine . '' ³⁵ Iye wambile kuli ayo , '' Muze nanutumine kunushi chikwama , chipwe chipakumuna , chipwe haku , nwahonene chuma chimwe nyi ? '' O ambile ngwo , '' Nichimwe . '' ³⁶ Iye wambile kuli ayo , '' Alyoze halyapwila , yoze uli nyi chikwama aka chimbate , chizechene nawa chipakumuna , nyi yoze keshi katana . Akalanjise hina lyenyi akalande umwe . ³⁷ Mumu ngunambe kuli yenu , chatamba chino chinasonewa kumanunuka muli yami , ' Amwalwile hamwe nyi yitanguke . ' Mumu yuma ya kutwala kuli yami songo yikwete . ³⁸ O ambile ngwo , ''Mwene , tala ! kuno kwali tutana aali . '' Iye wambile kuli ayo , '' Kunahu . '' ³⁹ Yesu watuhukile , wayile ngwe ndako yenyi ku mulundu wa Olevwe , nyi tumbaji jenyi nawa amukawile . ⁴⁰ Muze ahetele ko wambile kuli ayo ngwenyi , '' Lembenu hanga kunuchi kanjila mu cheseko . '' ⁴¹ Iye wasosolekele kuli ayo chipinji ngwe kukonga chaliwe , nyi iye walyumbile ha makungunwa nyiku lemba , ⁴² Wambile , '' Tata , kachi unapale , chiza kama musenge uno kuli yami . Hindu hi upale wami ko , alyoze nyiwe ukalingiwe .'' ⁴³ Mungelo wa mwilu wasolokele kuli iye , nyikumutakamisa . ⁴⁴ Iye nyikupinda , walembele , nyi mbunge yeswe kuhyana , nyi matukuta jenyi apwile ngwe masoto anene a manyinga anasotwoka hashi. . ⁴⁵ Iye muze akatukile ku kulemba chenyi , wayile kuli tumbaji jenyi nyi ku wawana mu tulo mumu ha chinyengo ⁴⁶ nyi kuwahula , '' Kuchi te nuli mu tulo ? katukenu nyi kulemba , hanga kunuchi kanjila mu cheseko . '' ⁴⁷ Shimbu machihanjika , kutala , mbunga yasolokele , nyi Yundase , umwe wa kuli kumi nyi aali , wayile kulutwe lyo . Wakundamine kuli Yesu mukumumbeja . ⁴⁸ Alyoze Yesu wambile kuli iye , '' Yundase , unakunjika mwe Mwana mutu nyi mbeju nyi ? '' ⁴⁹ Muze waze apwile hamwe nyi Yesu amwene yize yasolokele , yamba ngwo , '' Mwene , tulambe nyi poko ? '' ⁵⁰ Mba umwe wa kuli ayo walambile ndungo ya sasendote mukwa lutwe , wamutetele twitwi lyenyi lya chindume . ⁵¹ Alyoze Yesu wakumbulwile , '' Atayize chocho wika ! '' Iye wasele munwe wenyi ha twitwi lyenyi , wamuwukile . ⁵² Hohene Yesu wambile kuli asasendote akwa lutwe , nyi tupitau twa tembele , nyi makulwana waze ejile hal iye , '' Nunejila ngwe hali muhuza , nyi poko nyi mitondo ? ⁵³ Muze na pwile hamwe nyi yenu tangwa ha tangwa mu tembele , kunwangukwachile moko jenu hali yami , alyoze ola yino nyiyenu , nyi je tachi ja milima .'' ⁵⁴ O yamukwata , yamutwala nyi kumuneha ku zuwo lya sasendote mukwa lutwe . Alyoze Petulu wakawile kanona jila . ⁵⁵ Muze te hawika kahya mukachi kachihela chize nawa atwamine hashi hamuwika , Petulu watwamine hakachi ko . ⁵⁶ Mba umwe mwana pwo mukwa milimo ha kumona shimbu anatwama mu chite cha kahya nyiku muhulikila meso , nyi kwamba ngwenyi yena nawa wapwanga hamwe nenyi . '' ⁵⁷ Alyoze Petulu walikalile , nyi kwamba , '' Pwo chamunyingikine . '' ⁵⁸ Kulutwe lya shimbu likepe mukwo wamumwene , nyi kwamba ngwenyi , '' Y ena uli umwe wa kuli ayo . '' Alyoze Petulu wambile ngwo , '' Lunga hi yami ko . '' ⁵⁹ Kulutwe lya shimbu ngwe ola yimuwika mukwo wali halwile ngwenyi , '' Chamwenemwene yono lunga kapwanga hamwe nenyi , mumu iye ka Ngalileya . '' ⁶⁰ Alyoze Petulu wambile , '' Lunga chanyingikine chize unambe . '' Haze hene , shimbu machi hanjika ndemba watambikile . ⁶¹ Watewulukile , Mwene watalilemeso kuli Petuli , nyi Petulu wewulukile liji lya mwene , ngwe chize ambile kuli iye , '' Shimbu ndemba kanda achitambika musono uno yena mukalikala yami katatu . '' ⁶² Petulu watuhukile nyi kulila chikolo . ⁶³ Malunga waze akwachile Yesu amukekwine nyi kumulamba . ⁶⁴ O amufukile nyi kumuhula , kwamba ngwo , pulofweteza ! kuli yetu nyi iya wakulamba ? '' ⁶⁵ Nyi yuma yinji yikwo ahanjikile kuli Yesu , nyi kumushililika . ⁶⁶ Muze hikwacha , makulwana ja atu aliwanyine hamuwika , e asasendote akwa lutwe nyi akwa kusonyeka . No amutwalile ku punga . ⁶⁷ Nyi kwamba , '' Kachi mwe Kilishitu yena , tulweze . '' Alyoze iye wambile kuli ayo , '' Kachi mungunwambulwila ,kunuchi kafulyela nyi chimwe , ⁶⁸ nyi kachi mungunuhila yenu , kunuchi kungukumbulula . ⁶⁹ Alyoze chize ku halyapwila , ndo kulutwe , mwe Mwana mutu kumakatwama ku kwoko lya chindume lya tachi lya Zambi . ⁷⁰ O eswe ambile ngwo , '' Mwe Mwana Zambi yena nyi ? '' Yesu wambile kuli ayo , '' Chize yenu nunambe pundu yami nguli . '' ⁷¹ O ambile , '' Kuchi tunafupu nawa ha shindakenyo ? Mumu yetwene hitwevwa ku kanwa lyenyi mwene . ''