¹ Achi akwa kufwetesa lijimu eswe nyi yivulumunyi apwile nyi kukundama kuli iye mukumwivwa. ² Mba A-Fwaliseu nyi akwa ku sonyeka alinyenyetene , ngwo, '' yono kakutambula yivulumunyi , kakulya hamwe no.'' ³ Yesu wahanjikile kuli ayo chishima chino, ngwenyi , ⁴ ''Mutu muka wakuli yenu , se ali nyi kulakaji lya mapanga nyi kachi umuwika ma mutoka wakuli ayo keshi kuhichika makumi livwa , nyi livwa mupuya , keshika kuya nyikufupa yoze hatoka ndo ma muwana? ⁵ Mba muze ha muwana , ma musa hayipaya yenyi nyikuwahilila . ⁶ Muze meza kuzuwo , matambika tusendo twenyi nyi enyembo jenyi, nyi kuhanjika kuli ayo , 'Wahililenu hamwe nyi yami, mumu hinawana panga wami watokele.' ⁷ Ngunambe kuli yenu ngwami chipwe chocho , mukukapwa kuwahilila mwilu hali chivulumunyi umuwika wa likonyekena, kuhyana likumi livwa akwa ululi waze kuchatambile kulikonyekena. ⁸ Hanji mwana pwo uze uli nyi makumi a mbongo, nyi ngwe achi matokesaho umuwika , keshi kuwika ndeya , nyi kukomba zuwo nyi kufupa chinji ndo majiwana? ⁹ Muze haji wana , matambika tusendo jenyi nyi enyembo , kwamba ngwo,'' wahililenu hamwe nyi yami , mumu hinawana mbongo jize natokesele.' ¹⁰ Chize chene , ngunambe kuli yenu, kuli kuwahilila ku meso ja angelo ja Zambi hali chivulumunyi umuwika walikonyekena.'' ¹¹ Mba Yesu yamba, '' Umwe lunga wapwile nyi ana amalunga aali, ¹² nyi wakanuke yahanjika kuli tatenyi , ' Tata , ngwehe chihanda chami cha chihinga chize chayami. Iye wapulile kuli ayo yikumba yenyi. ¹³ Mba kulutwe lya matangwa akehe , wakanuke wambachile yeswe yenyi wakatukile nyi kuya kuchihunda kuze kusuku, nyi kuze wanyekele yikumba yenyi yeswe nyi wutwamo wa kuhungumyoka. ¹⁴ Mba muze amanyishile yeswe, kwezhile kapunga wangolo muze muchifuchi, iye waputukile kupwa wakofupafupa. ¹⁵ Wayile walinungine kuli umwe mwenya chifuchi, uze una kamu tuma kuya mu ku wande wenyi nyi kulisa ngulu. ¹⁶ Iye walile yakulya yize ahanyine ngulu mumu wakuhi wamuhele nyi chimwe. ¹⁷ Mba muze wakwachile mana , yamba ngwenyi, ' Ngama angahi waze akuzachila Tata akupwa nyi yakulya yinji, nyi yami nguli kuno, kufwa nyi kapunga! ¹⁸ Mungu hichika hano nyi kuya kuli Tata nyi kwamba kuli iye , '' Tata , hingunavulumuna kwilu nyi kumeso je. ¹⁹ Kuchatele kunguvuluka ngwo mwane; ngupwise kama umwe wakuli ngamba je.''' ²⁰ Mba mwana wakanuke wakatukile nyi kuya kuli tato. Muze apwile hasuku, tato wamumwene yamuvwila keke, nyi kuzomboka nyi ku mukangayika mu kondo nyi kumumbenja. ²¹ Mba mwana yahanjika kuli iye , ' Tata , hingunavulumuna kwilu nyi kumeso je. Chatele kunguvuluka mwane.' ²² '' Tato wambile kuli ngamba jenyi, ' nehenu hapwila mazalo apema ahyana nyi kumujika , senu kazeya ku kwoko lyenyi, jikenu haku , kumolu jenyi. ²³ Mba nehenu mwana ngombe yoze unatoho nyi kumushiha. Tulyenu nyi kusehejela! ²⁴ Mumu mwanami kanakafwa alyoze hapwa nyi mwono. Watokele, alyoze hamuwana.' Mba yaputuka kusehejela. ²⁵ muze mwanenyi wamukulwana wapwile mu wande. Muze ejile nyi kukundama kuzuwo , yevwa liji lya kwimba nyi kuhangana . ²⁶ Yatambika ngamba umwe nyi kumuhula yuma yapwileho. ²⁷ Ngamba yahanjika kuli iye ,'ndumbwenu hahiluka hazuwo nawa tatenu hashiha mwana wa ngombe wuze munene mumu hahiluka kawape nyi ku hinduka ²⁸ Mwana wa mukulwana watenukine katayila kunjila, nyi tato watuhukile walyumbile kuli iye . ²⁹ Alyoze mwana wa mukulwana wakumbulwile nyi kwamba kuli tato ngwo, ' Talenu , myaka yinji nazachila yenu , nahokweleho shimbi yenu , mba kunwanguhanyine pembe wamukehe hanga ngusehejele hamwe nyi tusendo jami, ³⁰ alyoze muze mwanenu wezanga, uze wapwanga nyi ku twama nyi waze awutanji, yenu nwashahanga mwana wa ngome munene.' ³¹ '' Tato wambile kuli iye , ' Mwanami , yena wakupwa nyi yami matangwa eswe, nyi yuma yeswe ya yami yayena nawa. ³² Alyoze chawa yetu kulya nyi kuwahilila, mumu awu ndumbwenu kapwanga wakufwa mba kali nyi mwono ; watokele mba hamuwana.'''