¹ Achi , kwapwileko amwe ha mwaka uze waze amwambululwile ha kutwala kuli A-Ngalileya waze manyinga jo Pilatu wachingile nyi yitapo yo. ² Yesu waakumbulwile ngwenyi , '' Nunashinganyeka ngwe wano A-Ngalileya apwile yivulumunyi ahyana A-Ngalileya eswe mumu evwile lamba lino nyi ? ³ Ngwami, ka . Alyoze yenu eswe kumunukayoka chizechene , nyi kunwalikonyekene. ⁴ Hanji waze kumi nyi nake hali ayo kaposhi ka Selome wapuzukile , nyi kwashiha , nunashinginyeka ngwe o apwile yitanguke ahyana atu eswe akutwama mu Yelusaleme nyi? ⁵ Ngwami , ka . Alyoze yenu eswe kumunukalitoka chizechene nyi kunwalikonyekene. ⁶ Watele chishima chino ngwenyi , '' Umwe mutu wapwile nyi mukuyu autumbile mu wande wenyi wejile nyi kufupako mihuko alyoze kayiwanyine . ⁷ Yiye wambile kuli njimi ngwenyi, ' Tala , myaka yitatu nguneza nyi ku fupa mihuko ha mukuyu uno nyi chishi kuyiwana nyiyimwe . Upakule hashi . kuchi te unasekesa mavu?' ⁸ Yiye wakumbulwile ngwenyi , ' Mwene weche kama mwokono nawa ndo mungu kachipula ngukase pinga . Nyi kachi muukema mihuko , chipema; ⁹ Nyi kachi ka , kulutwe lya chize ukaupakule hashi. ¹⁰ Yesu te kanalongesa mu sunangonga yimwe ha tangwa lya sambata . ¹¹ Kumanyi , pwo umwe wapwile nyi shipilitu ya kukokoloka kumi lya myaka nyi myaka nake. Yiye wafumbamine kahashile kuhetuka nyichimwe. ¹² Muze Yesu amumwene , wamutambikile ngwenyi , '' Pwo, unatusuka ku kukokoloka che . ¹³ Yiye wasayikile moko jenyi hali yiye, haze hene walokele wachichimyekene Zambi . ¹⁴ Alyoze mukwa kuyula sunangonga te kanevu kupiha mumu Yesu wawukile ha tangwa lya sambata . wakumbulwile ku mbunga ngwenyi , '' kwali matangwa asambano a milimo keshika nwize ha matangwa aze anuwuke, hi ha sambata ko. ¹⁵ Alyoze Mwene wamukumbulwile ngwenyi , '' Yena yilembese! Mweswe hakachi kenu kakujitula ngombe yenyi hanji chimbulu chenyi ku chililo ha tangwa lya sambata akamutwale ku meya. ¹⁶ Mba yono pwo se yiye mwana wa Apalahama, yoze satana hanamukase kumi lya myaka nyi myaka nake, kuchatambile kumutusula kukana lino ha tangwa lya sambata nyi? '' ¹⁷ Shimbu ahanjikile yino yuma , akwa kulimika nenyi eswe evwile sonyi , nyi mbunga awahililile ha yuma ya uhenya yize yeswe alingile yiye. ¹⁸ Yiye wambile ngwenyi , '' Neka wanangana wa Zambi mu ulifwa , ngwe chika mungu upwisa ? ¹⁹ Unapu ngwe lunona wa ' mosetate' yoze anjile mutu amutumbe mu wande wenyi , yiye watatukile wapwile mutondo , nyi tujila a mwilu atwamine ha mitango yawo.'' ²⁰ Cheka nawa wambile ngwenyi , '' Ngwe chika mungupwisa wanangana wa Zambi ? ²¹ Unapu ngwe futumwiso yize anjile pwo akayise mu njongo jitatu ja wunga ndo weswe wafutunukine.'' ²² Keshika Yesu wapalikile ndusu mu limbo nyi muchihunda, mukulongesa nyi kuya ku Yelusaleme. ²³ Umwe wambile kuli yiye, '' Mwene, waze alamwina akehe nyi?'' yamba kuli ayo, ²⁴ Litachikenu kunjila ku chikolo chikehe, mumu ngunambe kuli yenu, anji kumakazanga kunjiila , alyoze kechi kahasa kunjila. ²⁵ Muze te mwenya zuwo mahinduka nyi kwajila chikolo, keshika munumana haze nyi ku ngongwela nyi kwamba ngwo, ' Mwene, Mwene, tutayijise kunjila.'' Yiye makakumbulula kuli yenu ngwenyi, ' nanunyingikine chipwe kuze muna katuka .' ²⁶ '' mba munukahanjika ngwo, ' twalile nyi kunwa ku meso je nyi yena una kalongesa mu majila jetu.' '' ²⁷ alyoze makakumbulula ngwo, ' ngunambe kuli yenu, kuchanyingikine kuze munakatuka. katukenu kuli yami, yenu eswe akwa kulinga uhenge ²⁸ mukukapwa kulila nyi kulikopola mazo muze munumona Apalahama, Izaka, Yakomba nyi pulofeta eswe mu wanagana wa Zambi, Alyoze hanumbila haze. ²⁹ Kumakakatuka ku chivumbiko, ku chitokelo, ku note nyi ku sule, nyi ku twama ku mesa mu wanangana wa Zambi. ³⁰ Nyingikenu chino waze akwa kusula kumakapwa ku lutwe, nyi waze alemu kumakapwa ku songo,'' ³¹ Ha wola yenayo, amwe A-Fwaliseu yeza nyi kwamba kuli yiye ngwo, '' Yako katuka hano mumu Helonde kanazange kukushiha.'' ³² Yesu wambile ngwo, '' Yenu nukambe kuli awuze mukuza ngwe , Tala, kunakutuhwisa andemonyu nyi kuwuka lya musono nyi lya hamene, nyi tangwa lya muchitatu mungukamanununa wenyi wami. ³³ Alyoze changutamba kuya mujila yami musono nyi hamene nyi hamene a lize mumu kuchatambile pulofeta kufwa shina mu Yelusaleme. ³⁴ Yelusaleme , Yelusaleme, wakushiha apulofeta nyi kwasa mawe waze akukutumina. Yisuho yipwahaha nazangile kukungulula ana je ngwe chali makungulula ana jenyi mushi lya mapulwa jenyi, alyoze kunwatayile. ³⁵ Talenu , zuwo lyenu kalihichika . Ngunambe kuli yenu, kunuchi kangomona ndo munwamba ngwenu , '' Kawaha yoze uneza mujina lya Mwene''''