¹ Ha wola yize , muze tununu anji ahtu akungulukile hamuwika chocho alilyachile umwe nyi mukwo , chitanngu waputukile kuhanjika kutumbaji jenyi , ''Kanyamenu nyi tufutunwiso twakwa A-Fwaliseu , wenao ulembese. ² Alyoze kwakuhi chuma chakufukiwa chize kuchishi kafukuka , nawa kwakuhi chaswamana chize kuchishi kanyingikiwa . ³ Keshika cheswacho mwamba mumilima kumakachivwa nyi ha pangu , nawa cheswacho wahanjika mumatwi nyi mukachi kayipatulo kumakayambulula hamafulumba lya zuwo. ⁴ Ngunaanjika kuliyenu, tusendo jami , kandanupwa nyi woma kuli waze akushiha mujimba, nyi hanyimaya chize kechikupwa nyi chumachimwe chakulinga . ⁵ Alyoze mungukukanyamisa yoze muvwila woma . Vwila woma yoze , hanyima hashina , kali nyi ngolo ja kukumbila mungehene . Ewa , namba kuliyena , mu vwile woma. ⁶ Kuma tulujila tutano kishi kulanjisa hatumbongo twali ? hindu kwakuhi nyi umwe hakachi ko yoze avulyama kumiso ja Zambi . ⁷ Alyoze chipwe je kambu ja mumitwe we anajalula jeswe . Kanda nwivwa woma. Mumu jenu nuna nunahyana tujila anji ⁸ Ngunambe kuli yenu , mweswawo matayiza yami kumeso ja athu , nyi mwana mutu neye makamutayiza ku meso ja angelo ja Zambi, ⁹ alyoze yoze malikala yami kumeso ja atu nyi yami munkamukala kumeso ja angelo ja Zambi . ¹⁰ Mweswawo mamba liji lya kusaula mwana mutu kumaka mukonekena, alyoze yoze mahanjika liji lyakasautu kuli ShipilituMusandu , kechi kamukonekena. ¹¹ Muze makuneha kuma sunangonga , nyi myanangana, nawa nyi kuli akwa kuyula , kanda nwivwa woma yize mukambulula , hanji yika mukamba, ¹² mumu Shipilitu Musandu hawola yize kumakanu longesa chize mukamba.'' ¹³ Mba umwe hakachi kamunga wambile ngwenyi , ''Longeshi amba lwezandu mbwami hanga tulipangi yihinga nyi yami.'' ¹⁴ Yesu yamukumbululu ngwenyi , ''Lunga yoze wangutongwele ngaji chipwe kwanyina hakachi kayenu nyi?'' ¹⁵ Iye yamba kuli ayo , '' kanyamenu nyi kulikonga yenwene ku kuzo yeswe , mumu mwono wa mutu kuwatele kupwa nyi kulumbama cha upite wenyi.'' ¹⁶ Mba Yesu ya atela chishima , ngwenyi, '' Munda wa umwe pichi wemine chinji, ¹⁷ alyoze aye yanyonga mukachi kambunge, ngwenyi, ' Chika chize mungulinga , mumu hinahona chihela chize mungutulilikilaho mbuto yani?' ¹⁸ Iye yamba ngwenyi , ' Chino chemungulinga . Mungupuzula machila jami nawa mungutungaho anene ahyana, nawa mwemuze mungutulika mbuto jami jeswe amwe nyi yuma yami yi pema . ¹⁹ Mungwamba kumbunge yami ngwami , ''Mbunge, yuma yinji uli nayo yize watulika hamyaka yinji . Hwima , lyako, nwako usehejele . ''' ²⁰ Alyoze Zambi yaba kuli yiye ngwenyi , 'chihepuke ufuku uno mungutambula mwono we , nyi yuma yize walulyeka , yayamuipwa? ' ²¹ Chocho anapu yoze watulika upite wenyi alyoze upite muli Zambi keshi nawo.'' ²² Yesu yamba kuli tumbaji jenyi ngwenyi, ''Keshika ngwami , kanda nulipikala ha mwono wenu chize munulya ; chipwe chize mujimba we mu uzala . ²³ Mumu mwono unahyana yakulya , nawa mujimba unahyana yakuzala. ²⁴ Talenu yikwakwalo , keshi kukuwa chipwe kucha . Keshi chikwachile chipwe chila, mba Zambi kakwalisa . Kuma nyiyena uli mulemu kuhyana tujila ! ²⁵ iya hakachi kenu ha kulipikala mahasa kuweza ku chizundamo chinji? ²⁶ Keshika nyi kuwahashile kulinga chuma chikehe , kuchi te nwakulipikala nyi yuma yikwo? ²⁷ Talenu yitemo - chize yakukola . Alyoze kechi kuzata chipwe kuhosa. Alyoze namba kuli yenu ngwami , chipwe Solomone mu uhenya wenyi yazala ngwe umwe hakachi kayo. ²⁸ Nyi Zambi kakujika mwila muwande , yize yiliko musono , alyoze hamene mayimbila mu kahya, Iye kuchi mahona kunujika , yenu akwa ufulyelo ukehe ! ²⁹ Kanda nufupa chize mukalya chipwe chize mukanwa , nawa kanda nulipikala . ³⁰ Mumu mavungu eswe amu chifuchi kakuifupa yino yuma nawa tatenu kanyingika ngwenyi nwakufupa yino yuma . ³¹ Alyoze fupenu wanangana wenyi , nyi yuma yeswe kumakanuwezayo . ³² Kanda nwivwa woma , yenu mbunga yikehe ya mikoko , mumu tatenu kawahilila kunwaha wanangana. ³³ Lajisenu yikwala nwa hanenu yawana kuli yiswale . Litungilenu yipakumuna yize ku ishi kaholoka - upite wamwilu ku ushi kuhwa , muze mwiji keshi kukundama mukamuhi, nawa makenyi keshi kwenyeka . ³⁴ Kuze kuli upite we kwekuze mukupwa mbunge ye. ³⁵ ''Fungenu miya yakukasa nawa kwachisenu ndeya jenu, ³⁶ nupwe ngwe atu waze anafupu mwene wo muze mahiluka ku umbachiso , hanga muze meza nyi kungongola , mamwazulwila kuchikolo hohene. ³⁷ Kisu kuli tuvumbi waze mwene wo makawana kanamushimbwila muze meza . Nanulweza umwenemwene malikasa mwene kuvumbika nyi kwatwamisa ku mesa , nawa makeza nyi kwa vumbika . ³⁸ Nyi kachi mwene meza kamuchali ha wola ya ufuku , chipwe ha wola yautatu , mba mawana hanalilulyeka , kisu kuli wowo tuvumbi. ³⁹ Alyoze nyingikenu chino , nyi ngwe mwenya zuwo wanyingikine wola yize mwiji meza , kechikwecha zuwo lyenyi alipuzule . ⁴⁰ Lilulikenu nyi yenu , mumu kunwanyingikine wola yize mwana mutu meza.'' ⁴¹ Petulu yamba ngwenyi , '' Mwene unahanjika chishimu chino kuli yetuwika , nyi nyikuli mutu mweswe?'' ⁴² Mba Mwene yamba ngwenyi, '' Iya yoze mwene wenyi masa helu lya tuvumbi nyi kuhana njongo yo yakulya ha mwaka wayo ? ⁴³ Kisu kuli yoze kavumbi muze mwene wenyi meza mamuwana kandungi chocho. ⁴⁴ Chamwenemwene nanulweza ngwami kunanusa helu lyo yuma yenyi yeswe. ⁴⁵ Alyoze nyi kachi kavumbi mamba mumbunge yenyi ngwenyi , ' Mwene wami kashimbula kuhiluka , ' mba maputuka kulamba ana malunga nyi ana - mapwo tuvumbi nyako nyi kulya nyi kunwa nyi kupwa chizengi , ⁴⁶ mwene mwenya yoze kavumbi makeza ha tangwa lize yono kavumbi kamufulyelele nawa ha wola yize kanyingikine mba mamupatula muihanda nawa mamusa ku chihanda chenyi hamuwika nyi waze keshi ufulyelo . ⁴⁷ Yono kavumbi , wanyingikine yize mwene wenyi azangile , kalilulyekele chipwe kulinga kweseksla nyi yize anazange , kumakamu lamba nyi yikote yinji. ⁴⁸ Alyoze yoze kanyingikine yalinga yize yinatela kulamba , kumakamulamba yikote yikehe. Alyoze atu eswe waze akwete yinji , kuli ayo yinji , kulili iye mahana yahyana. ⁴⁹ ''Nejile mukumwanga kahya hano hashi , kachi te naka nwikile kulu . ⁵⁰ Alyoze nguli nyi upapachiso wakungu papachisa nawa , nawa chize ana ngushinyi ndo nyi munununa ! ⁵¹ Te nuna shinginyeka ngwo neza nyi kuneha ukulungunga hano hashi nyi? ka, nanulwe alyoze nyikuhandununa. ⁵² Chekwamba kukatuka hapwila mukukapwa atanu mu zuwo limuwika mahandununa - atu atatu malimika nyi aali , nawa atu aali malimika nyi atatu. ⁵³ Kumakali handununa , tato malimika nyi mwanenyi walunga nawa mwana walunga nyi tato , naye malimika nyi mwanenyi wapwo nawa mwana wa pwo malimika nyi naye , kauko nyi naye wenu nawa naye wenu nyi kauko.'' ⁵⁴ Yesu wambile ku mbunga ngwenyi , '' Muze munumona lelwa linavumbukila kuchilokelo , hohene munwamba ngwenu , vula mu iza, nawa chocho chakupwa . ⁵⁵ Muze fuji yakusule muyiza , nawa chakupwa chocho . ⁵⁶ Yilembese , nawa nyi kusolola ya hashi nyi lilu , mba te kuchi ku nwanyingikine kusolola yina lingika yino wola? ⁵⁷ Yika nushi kupatwila yize yina lumbunuka kuliyenwene? ⁵⁸ Mumu muze muya hamwe nyi hakwa kole je kuli mukwa kuyula , eseka chikolo mujila kumawana nenyi kuchina hanji makanwala kuli sopi , nyi sopi makinjika kuli kapitau nyi kapitau kakumbila mu zuwo lya ususu . ⁵⁹ Ngunahanjika kuli yenu, nuchikatuhukamo ndo munuka fweta kalumbongo kakusulisa.''