¹ Lulu ngagi, enwe mudi nu ngolo, kwatesenu wanyi a shi nu gikesa go, enji mu kala mu di zalula go enwe ha khenu. ² Muthu nu muthu a kwatese phangienji, yene idi ndaga ya bonga mukunda a balule mutshima. ³ Mukunda ata Kilistu gwa di zaludile go mwene ha khenji, uvi mu phila ya sonegeye egi: " Ndaga jia bola jidi jia wanyi a nu ngu shingana, mba jidi mu bwa holu dia mutwe wami." ⁴ Mukunda ndaga jikima jia sonegeye, jia sonegeye ha gu tu longa, mukunda mu njila ya gu kanga mutshima nu gu hana gikesa mu phila malongi a nu hana gikesa, mukunda nu gu di fefela. ⁵ Nzambi yonu wa nu kanga mutshima nu gu katula phashi a mi hwe ngindu ji moshi mu katshi dienu mu njila ya Kilistu Yesu, ⁶ mukunda nu ngindu jene ji moshi, nu ndinga imoshi ya gu zwela, mu hane lukumu gwa Nzambi sha Fumu wetu Yesu Kilistu. ⁷ Hene di yambenu mu phila kilistu a nu mi yamba mukunda nu lukumu lwa Nzambi. ⁸ Mukunda ngu mu zwela egi:" Kilistu we jile muthu wa gisalo ha gu leza athu ma kielega a Nzambi, mukunda nu gu lungisa laji dia haneye gwa a shetu, ⁹ nu gwa aphagano ha gu kumisa Nzambi mukunda nu khenda jenji. Mu phila ya sonegeye egi: " Mba ngu mu gu kumisa mu katshi dia aphagano nu gu yimba khunga ya lukumu mu jina diaye. ¹⁰ Mukanda udi mu zwela nji egi: " Kalenu nu kiese, thotho ikima, mu katshi dia athu enji." ¹¹ A sonegele nji egi: " Hanenu lukumu gwa Fumu, enwe ikanda ikima; athu akima mu kumisenu." ¹² Yezaya wa zwelele egi: " Mu gikanda gia Isayi, mba mu zoga muthu mu moshi mba u bishidiya, uvi mwene mba u zuga ha gu yala ikanda ikima, ikanda mba idi gudi fefela gwa mwene. ¹³ Nzambi yonu ta nu di fefela gwa mwene a mi zalese nu kiese gikima, nu ngemba ikima mu katshi dia lukwikilu mukunda gudi fefela gwenu gu kale gwa vula mu ngolo jia pheve santu ¹⁴ Aphangi gu ndaga idi mu mi talela, nga tshigina egi mudi mu mutshima wa bonga, mudi mu jiya mwa bonga ndaga mu feto jiya, mudi nji nu mayele a gudi hwa malongi mu katshi dienu. ¹⁵ Lulu ngagi ngu mu mi sonegela nu gikesa gikima ha gu mi leza mu yindule ndaga jinyi mwa longugile ha thomo, mukunda nu mambote wanyi a ngu hwiye gwa Nzambi, ¹⁶ ha gu kala muthu wa gisalo gia kilistu Yesu wa tumiye gwa aphagano, nga nu kita gisalo gia bonga gia gu jiyisa malongi a bonga a Nzambi; mukunda makapho a aphagano a tshiginiye mukunda pheve santu ya a kitule a bonga. ¹⁷ Nga feto vwa kiese mu katshi dia kilistu Yesu mukunda nu ndaga idi mu talela Nzambi. ¹⁸ Mba ngu sonega go gima giko kaka ndaga jinyi kilistu a kitile mu katshi diami, ha gu bata aphangi ha gu lemvuga mu ngolo nu idimbu nu ima iko ya bonga, ¹⁹ mu ngolo jia pheve santu, ha gu mona egi yandiga gu Yelusalemi, nu mu membo a mu mwila mwila ti nu dimbo dia Iliriya nga longele malongi a Kilistu. ²⁰ Mu phila yene, ngu mu tshigina gu longa malongi a bonga, uvi ishi go hama hanyi athu a vile gale malongi ene, mukunda ha gu konda gu tunga holu dia kunji dia tungiye gwa . ²¹ Mu phila ya sonegeye egi: " Gwa athu wanyi a longeye go malongi, ene mba adi mu mu mona gu meso, wanyi a vile go malongi ene, mba adi mu a bagisa. ²² Hene njila ya kalele ya gu kanga ha guza gwenu. ²³ Uvi, lulu ngagi, mvula jia vula jia balega, ti nu magino, ngu di nu uhote wa guza gu mi tala. ²⁴ Hene, tangwa mba ngu ya gu Espania, ngu mu haga mutshima ha gu mi tala tangwa mba ngu balega, mu phila egi mba mu ngu sumbige, gu nyima ya gu vwa n'enu kiese tangwa mba tu di mona. ²⁵ Lulu ngagi, ngu mu ya gu Yelusalemi ha gu salesa a Kilistu adi gwene. ²⁶ Mukunda ya kalele kiese gia vula gwa enya gu Masedwane nu a gu Akaya ha gu hana lusadisu mukunda nu athu wanyi adi gu yelusalemi adi mu phashi ya ima. ²⁷ Eya, ya kalele kiese giawo gia gu balega, enji mu masonga a feto kita nganyi ha gu salesa athu ene. Mukunda gula aphagano a zudile lusadisu lwa gi pheve gwa a kilistu, nu gu a salesa mu a hwa ima ya gu a salesa mu lujingu lwa gi muthu. ²⁸ Gu nyima gula nga manesa ndaga jiji gwa suga, enji gula nga ya ha gu a hwa lusadisu gwa suga, mba ngu mu ya gu dimbo dia Espania, mu njila mba ngu mu za mu balegela mu dimbo dienu. ²⁹ Ngu mu jiya egi, tangwa mba ngu za, mba ngu mu za nu lusagumunu mwa Kilistu. ³⁰ Lulu ngagi, ngu mu mi bondila aphangi'ami egi mu njila ya Fumu wetu Yesu kilistu nu mu gu tshigina gwa pheve ha gu haga ngolo ha gu samba Nzambi. ³¹ Kitenu nganyi mu phila egi athu a gu dimbo dia gu Yudeya a nu tuna ha gu kwikila gu malongi a bonga, ale gu ngu kita ndo gima gia bola, enji a kilisto mu dimbo dia yelusalemi a tshigine lusadisu mba tu a batela. ³² Nganyi, tangwa mba ngu mi jila nu kiese, mu luzolo lwa Nzambi, mba tu hima n'enu hama ha moshi. ³³ Nzambi wa khenda a kale n'enu akima.