¹ Kumbululenu muthu mukima udi nu lukwikilu lwa zonda nu lunu lwa leba nu gu sambesa ndo, gu dimba ndo. ² Muthu muko udi nu lukwikilu lwa koma lwa gudia ima ikima ya nu mi hwiya. Yonu udi nu lukwikilu lwa leba, yonu wa nu tuna ima ikima, yonu u mu hwiya mu dia mayiji a nu tamegeya egi ndunda. Lulu Nzambi udi mu tshigina gu mu yamba mukunda u mu swanguluga gudi mwene. ³ Muthu munu wenu dia dia ima ikima mukunda nu gutshigina guedji gueshi go nu ditangua dia gusambesa yenu wenu wenu tuna gudia ima ikhuma , gumuhua jipashi lo, Nzambi udi nu guswanguluga hagumu yamba. ⁴ Tangwedi eye udi nanyi gusambesa muthu wa gisalo wa mukwenu! mukwenu?Ata muthu mwene udi nu gibingo nga gibela ndaga inyi imutalala fumu enji wa muzudile gu gisalo mba ununga mukunda fumu Nzambi yogo umu mukwatesa. ⁵ Tangwedi muthu mumoshi wa kalele mutangiza egie gilumbu gi moshi gia balega ilumbu iko, mukunda nu matangi anyi , mutho muko wa zwela egie ilumbu ikhima idi mutshindo umoshi. Athu enuzwela nganyi mukunda nuguhua fumu Yesu klisto lujito.Muthu nu muthu akale nu gutshigina tangwa dia mutangiza . ⁶ Muthu mukhima umu dibamba gilumbu nu gilumbu mukanda fumu - Nzambi umu mubamba .yenu umudia ima ikhima mukunda umuhua fumu - nzambi matondo.yenu wenu tuna gudia ima ikhima lo, wenu dia kaka ndunda mukunda fumu - Nzambi umu muhua gutshigina. ⁷ Heshi nu muthu go mukatshi dietu wenu jinga mukunda nu mwene hakenji , muthu guenu fua go mukunda nu mwene hakhenji . ⁸ Tumu jinga, ata muthu mumoshi gueno jinga go mukunda nu mwene hakenji, tumu jinga mukunda fumu - Nzambi yogo umu gutukwatesa eswe athu enji.Tangwedi kana tumu jinga, kana tumufwa mukunda tudi athu a Nzambi. ⁹ Gutwama jia ndaga jiji, jiyenu nji Yesu klisto wa file hene azugile , udi nu monyo wenu jinga mukunda wanungila mwa gaswe ata mukunda nathu afwa ata athu a monyo. ¹⁰ Mukunda nu ikhi umusambesa pangiye ?Mukunda na ikhi umuhua pangiaye jipashi? kalenu mujiya nyi mba tumu magana musamba gutwama dia nzambi gugu tala ndaga jia sonegeye gu mukanda wa Nzambi egie: ¹¹ Ngudi nu monyo ya zwelele nzambi: "Mabonga akhima mba angufugamena gumatuama diami, ndinga jikima hadia mavu mba jinga tumbwisa mu ngimbo nu isambo. ¹² Lulu ngagi , muthu mukhima mba udisambele ndaga yenji di gutwama dia Nzambi. ¹³ Tangwedi tudisagisa go nugudi sambesa akwetu mukunda muthu wa tema gienu haga go diseso mungila ngalo ate muheto hama hamubalega pangienji. ¹⁴ Mukunda nu gataya ngumu jinga nu gutshigina gua Yezu klisto .Mweno wa zwelele egie gima gishi giabola go giene ha khagio , abola mukunda nu muthu munu wenu mona ima ikhima ya bola.Kana mukunda nu musa pangi aye wa niongota pambalo eye ushigo muwenda nu gutshigina . ¹⁵ Gushiya muthu mukunda nu musa mukunda Yesu klisto wa file gale ha gifundo gietu. ¹⁶ Gubolesa ima yaye ya idigale ya bonga mukunda nu gufete nu gufunda athu. ¹⁷ Mukunda gifumu gia Nzambi gishi mutalela go ndaga ya gudia nu gunua, giene gidi mukunda nu masonga Nzambi munjila ya guwhima, ngemba giese mu gimvuga nu peve - longo. ¹⁸ muhikima iyi , muthu wagaswe wenu salela klisto nu gutaya wenu monega muthu wa bonga gu meso athu. ¹⁹ Muabonga tukambe guwhima mu njila ya ima ya bonga mu malongi agukwatesa akwetu aleba ha guzula jingolo. ²⁰ Bembenu gubebesa gisalo gia Nzambi mukunda nu gudia ata ima ya gaswe idi gayo ya bonga gugudia , gubola gudi gudi muthu mba udia mukunda nu guta nzende . ²¹ Ishi go mabonga gu gudia mbiji ya menga gu nua matondo , nu ima iko ya bola ya tuma pagieye gusala masumu. ²² Bamba gutshina gua ye gutwama fumu - nzambi , suenga gutaya gu nu gu muthima mukunda giese gidi nu muthu wenula gumona gubola lo mugima giatayele. ²³ Muthu wa gagwe udi matangi ayadi gutwama ya ima ya gudia , ndolo ya Nzambi imu munenga mukunda gitshigina guenji guenu gumuleza go gusala mambo a bonga.Muthu yogo umusala masumu.