¹ Muthu nu muthu mukatshi dienu alemvugile mafumu a mbula - matadi a mavu , mukunda mafumu agaswe Nzambi weno ahaga, gufumu gienu katuga gudi Nzambi . ² Athu enutuna gulemvuga mafumu a ha mavu , enutana gulemvuga Nzambi tangwedi athu enutuna gulemvuga mafumu a ha mavu, enudikambelo dikembe mukunda Nzambi mba umuasambesa. ³ Mafumu a ha mavu eshigo mukunda na guhua athu ndolo go ata guasalela gendji gubola go.Gubola.Mukunda nakhi mushi mukumbula guvua woma wa mafumu a ha mavu ? salenu mwabonga mukunda mba amikumbule . ⁴ Jiyenu nyi adi asadi a Nzambi amu musalelo gisalo, mu mutalelo athu ha mavu mukunda enue mumone gubonga Lulu awilenu woma , mukunda kana mwasala gubola ene, awhiye gifumu gia bonga, gishi go gia pamba , lulu lenda guhana ndola gu ima ya bola . ⁵ Mukunda na yo lemvugenu , ishigo mukunda kaka nu gulengandola , udi mukunda nu gutaya nu masonga enu. ⁶ Talenu mwabonga , mukunda nu gutaya gue nu futenu gitadi gia mbula - matadi mukunda enendji adi isadi ya Nzambi , ene enutala ima ya hadia mavu tangua dikhima , nu eswe athu. ⁷ Huenu muthu gima ginyi gidi muya gudi mwene , taxe nu gitadi , lujito nu lukumu gudi athu afeten guhwa . ⁸ Lulu muthu mumoshi gutuna gulemvuga lo , thono ditshiginenu enue nu enue hangenyi Yezu klisto azwelele , muthu mukhima hamavu udi ya guka mbulo pangi enji mukunda nu gabamba mukwala wa mbile fumu Nzambi egie dikumbululenu enue nu enue apangi. ⁹ Lulu nganyi malongi a Nzambi amuzwele egie: Gusambela itege lo, gusala uthambi nu makhajiane amuthu lo , gushiya muthu nakuvenu lo , gukuya lo gima gia muthu , gumenga muthu lo mukunda nu gima gienji.Ndaga jia ima ihi umuzwele egie"kala nu gutshigina gua pangi aye hangenyi eye wene gudikumbula eye akhaye". ¹⁰ Guzumba lo nyi gutshigina guaye guhwe pangi aye jipashi gu mutshima.Hagutala ndaga jiji jikhima, Gutshigina gumulu ngisa gubamba mikwala ya nzambi ha mavu imuzwela egie"Ditshiginenu". ¹¹ Lulu ngagi jiyenu nyi ntangua dilungu , zugenu gutalo. Mukunda gifumu gia Nzambi gi mu milomba guditshigina gudi mu mwila - mwila kana tabamba gutshigina . ¹² Pipa yaya nu guhua , guma gumulegie gukia , bembenu ima ya bola ya mupipa , sudigenu matha mu ngolo jia Nzambi mu njila ya mwanya . ¹³ Suangulu genu gu guwenda mu mwa nya , mukadi go gunyima dia matombe , guya lo nu guhala mwenda gu nyima dia lulendo , mudihanyi gu lujingo lua utambi wa akhetu nu amala go , gusalela gipala lo gu mwila apangienu nu gingonzo, guya lo nu gulwisa makem gudi aphangi, gu salela ndo mukwenu ndaga ja bola, jinyi mwene a swegele gosha mutshima. ¹⁴ Di bambenu ha gusudiga Yesu Kilistu ole mata enu mukunda mu jimbile ima ya bola ya mwila ya holu dia mavu.