¹ Ngudi gu mikwatesa mu ndaga ya nzambi anetu , mu gutshigina gwa nzambi , ha guleza mwila wenu ukhale ule gi makapu a mogno a santu nu agutshigina nzambi .idi mukumisa nzambi mu gipeve . ² Muwendi go ulegi egna ha mavu wa wa , khadienu a gulonda ha gubalumuna matangi enu. ngagni mba mujiye gutshigina gua nzambi , udi wa kuwanu gubonga. ³ Ngu muzwelegi , mukunda nu khenda ja ngu hwile , muthu mumoshi mukatshi dienu guadimoni go wa bonga mwene ho khenji , kashi mu gutema gua giteso gia gutshigina gwa muhwile nzambi. ⁴ Giteso gimoshi tudi nu ima ya vula mu mvila umoshi .nu ndji itshidi ya mvila ishi nu gisalo gimoshi . ⁵ Giteso gimoshi nu eswe , tudi tua vula gu dibungisa mvila u moshi nu yezu klisto. konso muthu udi gitshidi gia mvila wa muko. ⁶ Tudi avula mugutshigina gua tuhwiye .Gula muthu muko nu kapo dia guzwela ima imuza , a gi kite mu giteso ya gutshigina guenji. ⁷ Gula muthu udi nu dikapo dia gusalela ako, a asalele. muthu udi nu dikapo dia gulonga , a longe . ⁸ Gula muthu udi nu dikapo dia guhana gikhesa , a hane gikhesa .Kana muthu udi nu dikapo dia guhana , a hane a hane nu kiese.Gula muthu udi nu dikapo dia gutwameza, a dikite mwa bonga.Gula muthu udi nu dikapo dia khenda , a dikite nu mutshima wabonga. ⁹ Gutshigina gukala gwaguadeleza go.Tuna gubola , kwatenenenu gu gubonga . ¹⁰ Gutala gutshigina gwa pangiaye, khala nu kiese , ha gutala lujito, lukale gwenwe a gaswe. ¹¹ 13 Ha gutala gutema , ukhadi go uzwela gigi uzwela gigi, ha gutala matangi, khala mutshima umashi , ha tala ufumu, mu salele . ¹² Khalenu nu muva kiese mukatshi dienu egi, mba nguheta, mbanguzula khala nu gu kanga gua matangi mu pashi. Jingidilenu isambu. ¹³ Funu ya ima ya santu ikale ya ye. Ndji salelenu guditshigina. ¹⁴ Sagumunenu agni a mihwa mpasi , sagumunenu nu nji mwashinji go. ¹⁵ Khalenu nu kiese nu agni adi mu kiese .Dilenu nu agni a mu dila . ¹⁶ Khalenu nu gutangiza khungi yenu yagaswe nu akwenu. Mukadi nu lulendo go muguta ngiza gwenu, kumbululenu wagni eshi nu ginwama . ¹⁷ Gukita gubola nda , gwa wagni a mokita gubola .Sala ima ya bonga gwa athu agaswe. ¹⁸ Gula pila tangwa diko , khala nu ngemba nu athu a gaswe . ¹⁹ Guvutula gubola gu gubola ndo mbemba khabu ja nzambi ji sale .Mukunda a sonegene :"Eme ngu feti vutula gubola gu gobola.Eme mba ngu sambesa mavu mu guzwela gua fumu . ²⁰ Gula mbeni yaye udi nu nzala , muhwe ya gudi, gula udi nu luhungu, muhwe ya gunwa gula wa kita ngagni .Makala a tshiya mu muhaga ha mutwe wenji. ²¹ Mu khala mu katshi dia gubola go, nzagni gubola gu mi balega go khalenu mu gubonga.