¹ Mu mvula ya kumi nu tano ya gifumu gia Tibere Sezare, Ponse Pilato wa khalele fumu wa dimbo dia koma dia Yudeya, Elode wa khalele wa gu Galileya, filipo, phangienji wa khalele fumu wa gu khanda ya gu Iture nu gu Trakonitide, Lisaniasi wa khalele fumu wa gu Abilene, ² mu tangwa dia mambuta a nganga-nzambi Anna nu Kayisala, ndinga ya Nzambi ya zogele gwa Yowani muna Zakaria mu temu dia zala fufuta. ³ Wa yile gu khanda ya muta wa Yolodani, mu longa ndaga ya mbotiga ya gu balula mutshima nu ya khenda jia masumu. ⁴ Mu phila ya sonegeye gu mukanda wa profeta Yezaya egi: " Ndinga idi mu kabuga mu temu dia zala fufuta:" Londenu ji njila jia Fumu, lalegesenu njila yenji! ⁵ mababa akima mba adi mu zala, milundu nu tu mababa mba tudi mu shiwuga, tu njila twa gibibila twa vula ibunji mba tudi mu londeya mwa bonga, njila jia maseso mba jidi mu khala jia gu lalegesa, ⁶ muthu mukima mba udi mu mona gu guluga gwa Nzambi." ⁷ Hene Yowani a yandigile gu leza gimvuga gia athu a khalele muya ha gu zula mbotiga gwa mwene egi: " Enwe, mwa fanana ni yihuta! Nanyi wami lezele ha gu lenga khabu jidi muza? ⁸ Monesenu ifu ya bonga idi mu leza gu baluga gwa mutshima enji muyi go nu gudi monesa enwe hakhenu: " Etwe tudi nu shetu Abrami", mukunda nga mi lezele egi gu maseso wawa Nzambi wa jiya gu hana ana gwa abrami. ⁹ Ata Lulu ngagi, mbenze ya gu khesela mitshi idi gale hene. Hene mutshi ukima ushi mu buta go mabundu mba udi mu kheseya ha gu mbiya ha jigo." ¹⁰ Gu nyima, gimvuga gia athu gia yandigile gu hula Yowani egi: " Ikhi twa jiya gu kita?" ¹¹ Wa a vutudile egi: " Yonu udi nu tuzau tu yadi a hane ga moshi gwa yonu wa konda gazau, enji yonu udi nu gima gia gudia a kite phila imoshi." ¹² Afutisi a itadi ejile nu ene ha gu zula mbotiga hene a mu hudile egi : " Longi, ikhi twa jiya gu kita?" ¹³ Wa a vutudile egi : " Mu futisa go gitadi gia falanga jia vula kaka thalo ya lombeye." ¹⁴ Masuta ako nji a mu hudile egi: " Etwe ikhi twa jiya gu kita?" Wa a vutudile egi: " Mu kiti gingolo-ngolo go, nga gu kita athu gima gia bola. Yindudilenu kaka falanga jia nu mi futiya." ¹⁵ Mu phila athu a khalele mu nenga guza gwa Kilisto, konso muthu wa khalele gudi hula mu katshi dia mutshima gula Yowani udi Kilisto. ¹⁶ Yowani wa a vutudile egi: " Eme ngu mu botiga nu meya uvi muthu mu moshi udi muza udi wa ngu balega gu ngolo ngu shi nga kuwa go ha gu mu jitulula shinga jia saphatu jenji. Mba udi gu mi botiga nu Pheve Santu nu tshiya. ¹⁷ Udi nu muyingulu wenji ha mago mukunda nu gu phona iphusu ya mbuma jia ble a khala mu twa mu ginu ha gu zula mbuma muya mu ji haga mu katshi dia mukala. Uvi mwangu mba udi mu umba ha jigo dia tshiya tunu twa nula gu jima go. ¹⁸ Nu malongi a phila nu phila, Yowani wa khalele mu longa sango ya bonga gwa athu. ¹⁹ Mu tangwa Yowani Antipasi a kitile ndaga ya bola ha gu zula mu makwela Elodiasi mukajia phangienji, nu gu ndaga jiko jia vula jia kitile Elode ²⁰ iga ndaga jiko nji jia bola bola a kitile: nu phila a kwatesele Yowani ha gu mumba mu bologo ²¹ Mu phila a botigile athu, Nu Yesu nji wa botigiye. Tangwa a khalele mu samba, gosa gwa kangugile, ²² Pheve-Santu ya bulumugile holu dienji mu gifwanisu gia yembe. Ndinga imoshi ya katugile gosa egi:" Udi wa munami nga tshigina mwa vula, ngudi nenji kiese gia vula." ²⁴ Tangwa Yesu a yandigile gisalo gienji, wa khalele nu mvula giteso gia makumi a tatu. Wa khalele mu phila athu a khalele mu yindula egi udi muna Yozefi, muna Elia, ²³ muna Matthat, muna levi, muna melkia, muna Yannayi, muna Yozefi, ²⁵ muna Mattatiasi, muna Amosi, muna Nawum, muna Esiliya, muna Naggayi, ²⁶ muna Mahat,muna Mattatiasi, muna Semeyi, muna Yozeke, muna Yoda, ²⁷ muna Yowanan, muna Reza, muna zorobabele, muna salatiele, muna Neriya, ²⁸ muna Meleki, muna Addi, muna Kozam, muna Elamadam, muna Er, ²⁹ muna Yesu, muna Eliezere, muna Yomime, muna Matat, muna Levi. ³⁰ Muna simeyone, muna Yuda, muna Yozefi, muna Yoname, muna Eliakime, ³¹ muna Meleya, muna Menna, muna Matata, muna Natani, muna Daviti, ³² muna Yese, muna Yobedi, muna Bowazi, muna Sala, muna Nawasoni, ³³ muna aminadabe, muna Adimini, muna Arniya, muna Ezeroni, muna Perezi, muna Yuda, ³⁴ muna Yakhobo, muna Izaki, muna Abalayama, muna Tera, muna Nahor, ³⁵ muna serugi, muna Rewu, muna Pelegi, muna Ebere, muna Shela, ³⁶ muna Kayinami, muna Alfazadi, muna semi, muna Nowe, muna Lameki, ³⁷ muna Matusalemi, muna Enoki, muna Yareti, muna Mahalelele, muna Kayinani, ³⁸ muna Enosi, muna sete, muna Adamo, muna Nzambi.