¹ Yesu wa lezele alongogi egi , " Muthu mu moshi wa mvwama wa khalele nu gaphita ga gisalo. Athu ako ejile mu leza mvwama phila gaphita ga gisalo a manesele ima ikima ya mvwama. ² Mvwama wa mu tamegele wa mu hudile egi : "Ndaga khi ngudi mu vwa mukunda nu eye? Nga tshigina ngu jiye phila udi mu kita gisalo, mukunda ha gu gukatula gu gisalo giaye ga gaphita". ³ Gaphita ga gisalo wa yindudile gu mutshima wenji egi :" ngu kita ikhi ? mukunda fumu wami wa gisalo udi nu funu ya gu ngu katula gu gisalo giami gia gi gaphita, Ngu shi nu ngolo jia gu haga go enji mba ngu mona sonyi jia vula ha guya mu lomba. ⁴ Haha ngagi nga jiya gima nga feto sala tangwa nga mbo katudiya gu gisalo gia gi gaphita, mba ngudi muya gwa mafuta ami mukunda mba adi mu ngu yamba mwa bonga mu jinzo jiawo ." ⁵ Gaphita ga isalo wa tamegele athu mu moshi mu moshi wanyi a khalele nu fuga jia mvwama, wa hudile muthu wa thomo egi : " Gutshi wa feto futa gwa mvwama ? ⁶ Wa vutudile egi : " Ngulungulu khama jia mafuta a olive". Wa mu lezele egi : " zula mukanda waye wa fuga, khala hoshi sonega makumi a tano". ⁷ Gaphita ga gisalo wa hudile muthu muko egi : " eye thalo gutshi mba u futa ? Wa vutudile egi : " sagi khama jia ble". Gaphita wa mu lezele egi :" zula mukanda wa fuga sonega makumi a nana". ⁸ Fumu wa gisalo wa vutudile lukumu gwa gaphita wa gisalo yonu wa nzangi mukunda mu phila mwene a salele. Mukunda ana a hoshia mavu adi nu gutema gwa vula mu katshi diawo gwa gubalega ana adi mu jinga mu mwanya. ⁹ Ngudi gu mi leza nji egi , mu khala nu mafuta ata wanyi adi nu gimvwama gia konda masonga mukunda tangwa mba mu konda gimvwama mba adi mu mi yamba mu jinzo mvula nu mvula. ¹⁰ Muthu yonu wa jiya gu hageya mutshima mu ima ya zonda, mba udi mu hageya mutshima mu ima ya koma, uvi yonu gwa shi go mu hageya mutshima mu ima ya zonda, mba gwa hageya go mutshima gu ima ya koma. ¹¹ Hene gula mudi athu wanyi a nu hageya go mutshima tangwa mudi mu salela gimvwama gia luvunu nanyi mba u mi hua giyega gia gu salela gimvwama gia kielega ? ¹² Gula mudi athu wanyi a nu hageya go mutshima gu gimvwama gia muthu muko, nanyi mba u mi hwa gimvwama gienu akhenu ? ¹⁴ A falisaye a khalele mu lela tola ha guvwa ndaga Yesu a khalele mu zwela, mukunda a khalele mu tshigina falanga. ¹⁵ Yesu wa a lezele egi : " mwa nu tshigina gudi monesa gu twama dia athu egi mudi athu a bonga, uvi Nzambi wa jiya mitshima yenu. Ndaga jia nu monega jia funu gu twama dia athu, Nzambi wa nu ji mona ndaga jia phamba jia konda funu". ¹⁶ Mikanda ya shigo nu mikanda ya sonegele ba profeta ya khalele gwene ti nu tangwa Yowani-Mubotigi a yandigile gisalo. Katuga tangwa diene sango ya bonga ya Gifumu gia Nzambi gia jiyishiye, nganyi athu a kima a phagele ha gungila mwene nu gingolongolo. ¹⁷ Gosa nu hoshi gwa jiya gu balega konda gumona pashi, uvi mba ikhala phashi gu gisona gi moshi gia shigo ha gu balega ¹⁸ Konso muthu wa bemba mukwetu wa makwela, gu nyima wa kwela mukwetu muko, muthu yonu wa sala uthambi ¹⁹ Gwa khalele mvwama mu moshi, wa khalele mu sudiga milele ya thalo enji wa khalele mu vwa kiese konso gilumbu mukunda nu gimvwama gienji. ²⁰ Muthu mu moshi jina dienji Lazalo gisalo gienji gia khalele gia guya nu gulomba wa khalele mu banda ha mufulo wa mvwama nu ji phuta jia vula mu mwila, ²¹ wa khalele mu kamba phila ya gudia ima inyi ya khalele mubwa ha mesa a mvwama gu khanda mbwa jia khalele muza mu lenza phuta jienji. ²² Ya kumile tangwa di moshi muthu yonu wa khalele muya mu lomba wa file, hene ma wanjio a mu zudile ha gu mu bata phene-phene nu Abrami. Mvwama nji wa file, athu a mu fundile gu majiamo. ²³ Gu galunga ga majiamo, mvwama wa khalele mu mona phashi jia vula. Wa tuphudile meso wa monele Abrami gwa leha wa khala phene-phene nu Lazalo. ²⁴ Mvwama wa kabugile mu ndinga ya ngolo egi : " Tata Abrami ngu vile khenda tuma Lazalo a kwate meya ha songi ya munwe ha guza mu ngu haga ha ludimi ngu vwe madidi, mukunda ngu di mu mona phashi jia vula mu katshi dia tshiya ²⁵ Uvi Abrami wa zwelele egi : "Munami yindula fioti tangwa wa khalele mu mona kiese gia vula, uvi Lazalo wa khalele mu mona phashi jia vula, haha ngagi udi mu mona mambote uvi eye udi mu mona phashi. ²⁶ Enji hadi nu wina dia koma didi mu tu kapha, athu adi ha sambwa a shi go nu phila ya guza mu zauga go !" ²⁷ Mvwama yonu wa zwelele egi : " Tata gula idi nganyi nga gu bondila ha gu tuma Lazalo mu inzo ya shami ²⁸ mukunda aye a jiyise a phangi'ami mu tano a mala ha gukonda gu kita ndaga phila nga khalele mu kita, kana ndo mba adi muza ha gu ngu sanga hama haha ha phashi. ²⁹ Abrami wa mu vutudile egi : "A phangi'aye adi nu mikanda ya shigo ba profeta nji adi gwene a hate ndaga jiawo ": ³⁰ Mvwama wa vutudile egi :" nganyi ndo tata Abrami, gula muthu mu moshi yonu wa file waya ha gu a longa mba adi mu balula mitshima". ³¹ Uvi Abrami wa mu lezele egi :" gula a tuna ha guhata ndaga jia mikanda ya Moyize nu gutuna guvwa ndaga jidi mu longa ba profeta mba a monyi go funu ya gu balula mitshima ata a mona muthu wa file gu twama diawo.