1 Jesu wakangwina muSinagogi , pakabeli nonhulume unaloboko lulo hwihwinyala. 2 Banhu bakondingisisa beda kubona kuti uchondapa nezhuba lyeSabata na betila kuti bewanile ndandu. 3 Jesu wakati kunhulume unanoluboko lulo hwihwinyala, ''Nyamuka ume yopa pakati pabanhu bose.'' 4 Wakati kubanhu; ''Kulokwelela na kuta zubhodo zezhuba lyeSabata kana kuchinya; kulondota bupenyu kana kubulaya?'' Koga apana wakashandula. 5 Wakabalinga ekanyema akale elineshungu nokukoma kwemoyo yabo, akati kunayiye, ''Tambanuja luboko lulo.'' Wakalutambanuja luboko lukatambunuka. 6 Bafarisi bakabhuda nokukambija bakalangana nabaHerodi kuti bengombulaya chini. 7 Jesu, elina balayijwa babe, bakenda kugungwa igubungano lyabanhu lunkantobela luvha kuGalili kuJudiya 8 nokuJelusalema akale nokuIdumeya nokuseli kweJodani bezyungulikila kuTaya nokuSidoni. Pabakawha zunhu zwakata, lumbwembwembwe lwabanhu lwakezha kunayiye. 9 Wakabuja balayijwa babe kuti bebambile kakepe katukutukukutila kuti esimanikile mulumbwembwembwe lwabanhu. 10 Nokuti wakalapa banji, nokudalo wose wakabesheta wakenda kwaali kuti begumane naye. 11 Mipepo mibi yose payakabeshangana naye, yakabembwela pasi ishomeja iti, ''Ndiwi mwananhulumwana wamwali'' 12 Wakaba kutayija kuti besudombole. 13 Wakenda akatanha idunhu, akashoba babe baanoda, bakezha kunayiye. 14 Wakashala begumi nabili(akabashoba kuti bapostoli) kuti bebenaye nokubatuma kupupula iwhi, 15 nokuti bebe nesimba lyokubhisa mipepo mibi. 16 Wakashala banegumi nabili: Simoni, yoyo wakopiwa izina lokuti ndiPetulo; 17 Jakobe mwana nhulumyana waZebhediya, naJohane ununa waJakobe, yoyo ngwakompa izina lokuti Bonega, zuleba kuti banhulumyana botupalanganda; 18 na Andileya, Filipu, Batolomewu, Matewu, Tomasi, Jakobe mwana nhulumyana waAlufiyasi, Tadewu, Simoni unsungwaji, 19 naJudasi Iskaliyoti uchontengesa. 20 Wakenda kunzi uwe, lumbwembwembwe lukabungana akale, kuti besulye chinkwa. 21 Pabakazuwa bemuli, bakenda kontola, beti '' Inanga inzelu jije ajichinoshinga zubhodo.'' Bakwali bakabevha kuJelusalema bakati, 22 ''Ulobhatwa naBheluzubhali'' akale nontongi wamadimoni etubula kuwabhisa akale.'' 23 Jesu wakabashoba akati kwabali eshingisa untojaniso, ''Satani unobhisa chini Satani? 24 Kana bushe bwaganulana, bushe yobo abungatubule kuma. 25 Kana ingumba ikaganulana pakati , ingumba yeyo ayingame akale. 26 Kana Satani akamuka iye nokukwe akale ekaganulana atotubula kuma, koga unobasika kumapeto. 27 Koga apana unhu unongwina mungumba yonhu ulosima esikokwiba zwilongo zuzwe esijatanga nokusunga unhu ulosima, kovha etola ingumba iye. 28 Chokomende ndinoti kwamuli, kose kuchinya kwabanhu kuchalekelelwa, kana kose kutukwa, 29 koga yoyo unotuka uMpepo Nchena atolekelelwa asi unandandu woluchinyo usinopela.'' 30 Jesu wakaleba yozu nokuti bakabeti ''Unamipepo mibi.'' 31 Mayi babe nabanakwayina babe bakezha bakama pazhe. Bakantumila, benshoba. 32 Lumbwembwembwe lwakabeligele naye liko mbunganila likati kunayiye, ''Mayi babo nabanakwayina babo payipo pazhe, bamukupota.'' 33 Wakabashandula eti, ''Ndibapi mayi nabanakwayina bangu na?'' 34 Wakachingunuka ebalinga bose beligele pasi akati, ''Lingani, yaba ndibo mayi nabanakwayina bangu! 35 Nokuti ani nani unota kuda kwaMwali, mwanakwayina, unkazwaji akale ndimayi.''