¹ Kukwo ətəm ntswa ətswoŋ wu əsɨ hyyab əgwa guka, nsɨ di təngwad əkyo ku shwod əbyin nyyo tuza ni. Ə́sɨ ŋwwag təŋgwad əkyo ýaýa shin bwoŋ saŋ sɨsag. ² Əsɨ nyyib lwag bwoŋ saŋ sɨsag ku, ncuŋ sɨka ngurug nyyo nukənnyyo ka eyě ncuŋ na nyyo bə gbəndaŋ bwoŋ wu naŋ ga ndoŋ ni. Nwam bə wun ku sɨ bwwag cyyo lyin dənian ga ncuŋ əwo ə wwud ə nyyo unuŋ kənyyo bwoŋ ka ni. ³ +Gankwon əsɨ wurug ə nyyo bə ncuŋ na ə nad bə dunio ku. Əsɨ joŋ ba ced naŋ shin +nyaŋ ni tuza dunio ku. ⁴ Əku tag ba bâ yog byyan +əkwob kwo ukwon bə dunio ku dag, sə bə ənied əbyo əŋway byyo kpərag əpyo əgwam Əgwaza ku bə ukpəraŋ na ni. Əku joŋ ba jen hyad ənied ba dag, sə bâ ŋwwag ənied ba bɨ zwod bumi zwod tswoŋ. Sswo ubuŋ baku na di naŋ nyaŋ əzo tsub əyin ni. ⁶ Bumi nnwam ənio, ənied ba əna cad əhwu ka bəd əwod bâ shyyo ka dag. Bani cad bəd bâ kwi, əwod əhwu ka əna tyoŋ ba. ⁷ +Gankwon ba əsɨ di naŋ +tsay əzo əjyi əsag dɨ kwan zwaŋ ni. Bə pɨpyo bana sɨ byyo kyaŋ əkwo di naŋ zwwad tyog əshoŋ əfaŋ ni. Uyyi bana usɨ di naŋ uyyi ənied ni. ⁸ Basɨ byyo pyyo naŋ shin ənyyug ni. Nyinyuŋ baba sɨ di naŋ nyinyuŋ əgwam uyid ni. ⁹ +Əlyyəw baba sɨ di naŋ shin tswam ni. Əŋwwad fɨnfyyeb bana sɨ di naŋ +keke +tsay ntswam shin nzwaŋ bədɨdɨd mbyyaŋ +tsay əzo əjyi əsag dɨ nad zwaŋ ni. 0 Basɨ byyo ndim əna byyo ndim +cwi ənio di naŋ +nyaŋ ni. Bumi ndim bana basɨ byyo ced dɨ ŋwwag ənied ba zwod zwad tswoŋ ¹¹ Baku byyo əgwam tuza baka wo ə yed ətəm ntswa wo nyyo tyog bwoŋ saŋ sɨsag ku ni. Əyorog gu ka bə əlyem Yahudawa ji kukwo yed Abadon. Bə Helinanci əsɨ yi Afoliyon. ¹² Utsa sswo ubuŋ ka ubay usɨba sswag. Di la! Məta əkay ni əbyyo sswo ubuŋ nfyyaŋ ənio təbay ni. ¹³ Ə̀təm ntswa utâ wu əsɨ hyyab əgwa guka. Nsɨ fəg əŋwwad ə wurug ə nyyo bə gugwa bə əgān fi zənaŋ əshoŋ əfaŋ kyo shyyo duyi Əgwaza ka ni. 4 Əŋwwad ka sɨ nyo bə ətəm ntswa natad əwo əbyo əgwa ka ni, "+Ətəm ntswa ənay əbyyo əku ləb bɨ cen Yufiretis ku ni, fərəg ba won." ¹⁵ +Ətəm ntswa ənay əbyo əwa kə njyi əsag bə awa əwo ni, nwam əkwo, zwad əzo mbyyaŋ əlyo əkyo, əsɨ fərəg ba ə wod basɨ hyay əkpa ənyyuŋ ənied Swanta ba bumi kpukpa ətad əhwo əku ntyəraŋ ni. ¹⁶ Shi nnwan nzwaŋ ku, kwo ku shyyo tuza tsay nzwaŋ na ni, əku shyyo million cyi shwaŋ zo (200,000,000). Nsɨ fəg shi baku. 7 Di gag əkwo nku di +tsay ji bumi wahayi nji ni mbyyaŋ ənied əbyo tyoŋ +tsay ji ni. +Əlyyew ba ba əsɨ shwoŋ bəd naŋ loŋ ni, basɨ di dundyuŋ naŋ gbəndarag mbyyaŋ səhwod kəwa nio. Pɨpyo ntsay baku sɨ di naŋ əgwam uyid zo ni. Loŋ sɨ wwud bu unuŋ bana bə ncuŋ bə jijyad ndoŋ. ¹⁸ Əkpa ənyyuŋ bumi əkpa ətad ənied wu bə Swanta ku əsɨ kwi dənian zwan tsad əji ni. Loŋ, ncuŋ bə jijyad ndoŋ byo sɨ wurug nyyo bə unuŋ bana ni. 9 Nced +tsay əku shyyo bə unuŋ bana bə ndim bana. Ndim bana usɨ di naŋ kətug +zwag ni. Basɨ bwo byyo pɨpyo byo ba nti ənied ba kətug fɨfəd ni. ²⁰ Əkum ənied ka bə Swanta byo ə hyay bɨ zwan əji ni dag, basɨ lag nay Əgwaza u gwo ə yurub ba kətug baku. Də bâ yod kɨ kwog ntoŋ bə +utənyiraŋ, +agwaza dunio ənio ə nyyo bə zinariya ni, azurfa, tagulla, nfaŋ bə nkwon. Nkyaŋ ənay ni ə̀ cyyaŋ dag, də bâ tswoŋ kwo coŋ dag. ²¹ Nwad ba lag nay ə yurub ba ndyo tuza ənied əbyo ba hyay ni, bə nkud ba na, myyan ənyyug kwo ətyog, mbyyaŋ tsaŋ.