¹ Naŋ Zwon Tsyyeb ji nnyyib əpyo əgwam natad ka kyo ə kpərag ni, kukwo ulwo ka sɨ cyyo bə tsid bumi tuza ka had tɨnad əkum tswam jyuŋ. ² Kukwo nsɨ di +ətəm ntswa natad əbyo yoŋ duyi Əgwaza ka ni, bə gugwa natad byo ə ŋwwag bani. ³ Ətəm ntswa əyyaŋ əsɨ bay ə byoŋ kham əzo byo ətan swam ni, shin fi zənaŋ əji yed əshoŋ əfaŋ ni, byo ə yoŋ duswon əgán fi zənaŋ wu. Ətan swam fi zənaŋ ji ku shi bəd na əku ŋwwag gu bɨ kɨ nay Əgwaza u tuza kəkəb ənied ŋwwag cucug ba tuza əgán fi zənaŋ ətan swam ji shin əshoŋ əfaŋ duswon cug tyog ji. ⁴ Ncuŋ +ətan swam fi zənaŋ mbyyaŋ kɨ nay shin nnwan Əgwaza ba basɨ nkad tuza duyi Əgwaza ka bɨ byyoŋ bwag ətəm ntswa wu. Ətəm ntswa wu əsɨ kyag kham ətan swam fi zənaŋ ji əsɨ nhyad bɨ loŋ nyyo ndyo bə əgān fi zənaŋ wu. Kukwo gwo sɨ tə ta kham ji bə dunio ku. Ə̀sɨ mbyyo tad nza bə ənguruŋ cida bə myram əkwo say bəd ni bɨ tyɨrɨm əbyin. ⁶ +Ətəm ntswa natad əbyo byyo gugwa natad ni əsɨ ləb lwam bâ hyab ba. Ə̀təm ntswa ənyyuŋ əsɨ tsa ə hyyab əgwa guka sə təyen bɨ loŋ kwo ə hyyay bə əswog ni. Əsɨ ta bə dunio ku kwo kə sɨ tyɨraŋ ənied swanta ba ə ncyyo əkpa ətad, əkpa ənyyuŋ ə bə mba, loŋ ku sɨ fi. Ənnyǒ bwo kozaŋ ukwon unyyuŋ bə ukwon utad mbyyaŋ kəkəb əshim əkwob, sɨ bə fi bə ndoŋ ku. ⁸ Ə̀təm ntswa əfyyaŋ wu əsɨ hyyab əgwa gu ka, kyaŋ əkwo di naŋ ga gbəndaŋ əfan kyo loŋ ya ni, əsɨ ta bumi əywi ka. Ulwo unyyuŋ kyo usɨ bwwag u cyyo əswog kyo usɨ tyɨraŋ əywi ka cyyan utad. ⁹ Əkpa ətad bumi nkyaŋ nwad na byo shyyo bumi əywi ka ni əsɨ kwi, əkpa ətad bə gbəndaŋ +jirgi səhwod ba sɨ təsherag. ¹⁰ Ə̀təm tswa ətad wu əsɨ hyyab əgwa guka, ga gbəndaŋ təngwad əsɨ shwod əkwa əbyin nyyo tuza ə say bəd, tuza ətad ncen bə nnaŋ səhwod na. 1 Əyorog təngwad əkyo yed Cway. Əfam ənyyuŋ bə ncen na əsɨ tyɨraŋ cyyan utad, sehwod na sɨ swan cway. Ənied bə dɨdɨd əsɨ sswo səhwod cway na əsɨ kwi. 2 Ə̀təm ntswa ənay wu əsɨ hyyab əgwa guka, əkpa ənyyuŋ bumi əkpa ətad kə əsɨ tyəraŋ əsɨ hyad nwam ku. Bə ənnyǒ, zwad ji bə +təngwad na əkpa ənyyuŋ bumi əkpa ətad bə mba əsɨ cyyo ga ndyin. Tutug bə tənwam cyyan unyyuŋ bumi cyyan utad sɨ ŋwwag say dag. ¹³ Nsɨ cyyaŋ nsɨ fəg zənghag əzə tyoŋ bə kəucyo tuza wu ni əyyi bə ga gbəndaŋ əŋwwad nyo: "Ubuŋ, ubuŋ, ubuŋ utswoŋ nyin, nyin əbyo ə swan bə dunio ku ni dənian gugwa tad əkwo ətəm ntswa ətad ba bwad kpəkpog ə hyab ni."