¹ Məta əkay ni nsɨ di +ətəm ntswa ənay ə yoŋ bə nfam unay dunio na naŋ bə byoŋ kəŋkəm ngwun əfam unay dunio na bâ ga yog hyab bə dunio ku dag. Mbyyaŋ əywi ka bə tuza kozaŋ ukwon dag. ² Nsɨ di ətəm ntswa əyyaŋ ə təbay nyyo ətyin ka, wo ə byoŋ əpyo əgwam əkyo ə kpərag ə yed Əgwaza sɨced ni. Ə̀ sɨ kpaŋ kun bə gbəndaŋ əŋwwad tuza +ətəm ntswa ənay ə byo əku ŋwwag ba ced dɨ nyyo dunio ku bə əywi kətug. ³ "Kud! Yog nyyo kətug tuza dunio ku, bə əywi kwo +ukwon na dag, sənaŋ zɨ kpərag əpyo əgwam ba ukpəraŋ nnwan Əgwaza zɨd na kəkəb." ⁴ Nsɨ fəg shi ənied əbyo əkə nkpərag ba əpyo əgwam ka ni: ci kwob cyi bə nswag nnay bə ənay byo əkə nkpərag əpyo əgwam ka bə ukpəraŋ bana nyyo bə kozaŋ ŋwab ənied Israila ba. ⁵ Ci kwob swag bə əfyyaŋ bə ŋwab Yahuda byo əku kpərag ba əpyo əgwam ka bə ukpəraŋ bana ni. Ci kwob swag bə əfyyaŋ bə ŋwab Ra'ubainu ku, Ci kwob swag bə əfyyaŋ bə ŋwab Gad ku, ⁶ Ci kwob swag bə əfyyaŋ bə ŋwab Ashiru ku, Ci kwob swag bə əfyyaŋ bə ŋwab Naftali ku, Ci kwob swag bə əfyyaŋ bə ŋwab Manassa ku. ⁷ Ci kwob swag bə əfyyaŋ bə ŋwab Saminu ku, Ci kwob swag bə əfyyaŋ bə ŋwab Lawi ku, Ci kwob swag bə əfyyaŋ bə ŋwab Issaka ku. ⁸ Ci kwob swag bə əfyyaŋ bə ŋwab Zabaluna ku, Ci kwob swag bə əfyyaŋ bə ŋwab Isû ku, mbyyaŋ ci kwob swag bə əfyyaŋ bə ŋwab Bilyaminu ku byo əku kpərag əpyo əgwam ka bə ukpəraŋ bana ni. ⁹ Məta nkyaŋ əkay ni nsɨ cyyaŋ sə ga dɨdɨd ənied byo əyin əmay ə twaŋ ni dag byo nyyo bə kozaŋ əbyin, ŋwab, ənied bə əlyem naŋ ba yoŋ duyi cug tyog ji mbyyaŋ duyi zwoŋ tsyyeb ka. Kəkəb ba sɨ hwi jijyyad +ətərog əbə byoŋ nnay ntswan bə mbwag bana. ¹⁰ Əwod basɨ kpaŋ kun bə gbəndaŋ əŋwwad nyo: "San ku yed shin Əgwaza zɨd wo ə nswan tuza cug tyog ji ni mbyyaŋ Zwon Tsyyeb ji!" ¹¹ Kəkəb +ətəm ntswa ba ku yoŋ əkəraŋ cug Tyog ji bə +ətad əyyi ba mbyyaŋ nkyaŋ nwad əced na unay. Basɨ myyan bə uyyi bana əbyin duyi cug tyog ji. 2 Basɨ kwog Əgwaza u ntoŋ ə́ nyo: "Zəm! Yog dyeb, kyenkyay shi, tsutswad, ŋwwad əgway, shi, tyog, bɨ ced ba yed əshin a nini tɨnad jen saŋ sɨsag! Zəm!" ¹³ Kukwo ətyə nyyuŋ bə +ətad əyyi ba əsɨ lyib n nyo, "Nyanyan byo bay ni ə hwi jijyad +ətərog? Əji ə bəd ba nnyyo? ¹⁴ Nsɨ nyo bə ngu, "Ətyə Uli, a lyen." Əsɨ nyo bə nuŋ, "Ba byo ə yed ənied əbə ə wurug ə nyyo bə ga Gbəndaŋ sswo Ubuŋ wu. Ba byo əkə nkwi +ətərog baba ə́ wod Zɨzərag dɨ cyyo bâ yed jijyad bumi əswog Zwon Tsyyeb ji. 5 Dənian əkay ni, ba shyyo duyi cug tyog Əgwaza ji. Basɨ ya uswon bɨ kwog gu ntoŋ tutug bə tənwam bumi Gbəndaŋ Uli Dyeb Əgwaza ka. ¹⁶ Ba bu na fəg zwoŋ kwo nwamshyi dag. Nwam ku buni say bəd dɨ kpeyem ba dag. ¹⁷ Danian zwon Tsyyeb əzo shyyo bə kəucyo cug tyog ji ni, ngwo ə yed ətɨcog zɨd wu. Ngwo əna coŋ bə nzɨd ənad ndyo dɨ sswo səhwod sɨced. Əwod Əgwaza u əna lyaŋ zɨd əyyi na bə lili zɨd ba."