Nku cyyaŋ jen əzo Zwon Tsyyeb ji n nyyib əpyo ənyyuŋ bə pɨpyo natad byo ə kpərag ni, nsɨmo nfəg ətyə nyyuŋ bə nkyaŋ nwad əced ənay na nyo bumi əŋwwad ənyyuŋ bənaŋ əŋwwad tad nza ni sɨ nyo, "Bay!" Nsɨ cyyaŋ nsɨ di jijyyad tsay əzo . Ətyə əwo ə nswan ni əku byoŋ uta.Əsɨ joŋ gu tswad tyog. Ə̀ ku wurug naŋ ətɨ ya zwaŋ ni gwô ga ya zwaŋ ji. Naŋ Zwon Tsyyeb ji n nyyib əpyo əgwam əfyyaŋ əkyo əku kpərag ni, nsɨ fəg kyaŋ nwad əced əfyyaŋ wu ə nyo, "Bay!" Kukwo əshwoŋ tsay jyyuŋ sɨ ka ngurug bə gbəndaŋ əŋwwad uwun. Əsɨ joŋ ətyə əwo tyoŋ ji ni jen kyag kay nda dɨ wòn dunio ku. Ku na cyyo ənied ba ə ga hyay əyyaŋ ba. Ətyə əwo tyoŋ tsay ji ni əsɨ shyyo bə ga gbəndaŋ tswad. Naŋ Zwon Tsyyeb ji nnyyib əpyo əgwam ətad əka ə kpərag ni, nsɨ fəg kyaŋ nwad əced ətad wu ə nyo, "Bay!" Nsɨ di dɨndyuŋ tsay bə ətyə əwo tyoŋ ji ni, ə̀ byoŋ nkyaŋ may yag bə mbwag gu ku. Nsɨ fəg kyaŋ əkwo twərag əŋwwad ə nyyo bə nkyaŋ nwad əced ənay na nyo, "Mudu nyyuŋ yed kurum ntəm kwa nwam kwo, bə mudu sha'ir ətad əna yed dinari ənyyuŋ. Əwod yog mag â byyan əmyyo bə səhwod inabi na dag. Naŋ Zwon Tsyyeb ji nnyyib əpyo əgwam ənay əkyo ə kpərag ni, nsɨ fəg əŋwwad kyaŋ nwad əced ənay ku nyo, "Bay!" Naŋ n ndi tsay əzo byyo ubwan ntoŋ ni. Ətyə əwo ətyoŋ ji ni, əsɨ joŋ gu əyorog əhwu, hades əsɨ hwi gu bwo. Ə̀ joŋ ba ced tuza ənied dunio ba bâ tyəraŋ ku ə mbwwo cyyan unay bâ hyay bɨ tswad, zwoŋ, zwan mbyyaŋ nyam uyɨd swanta ji. Naŋ Zwon Tsyyeb ji nnyyib əpyo əgwam ətswoŋ əkyo ə kpərag ni, nsɨ di utag ə̀gan̂ fi zənaŋ wu, +sswán ənied əbyo əkə nhyay dənian əlyyad Əgwaza ku, bu twərag lyen byyaŋ əlyyad kəŋkəm ni. 0 Basɨ gwoŋ kun bə gbəndaŋ əŋwwad nyo, "Ənɨ kyag jen a, ŋwan əwo nyyo tyog tuza kozaŋ nkyaŋ, kwo yed zɨzərag bə cucug ni, sə jen əzo â fag əlyyad tuza ənied əba swan bə dunio ku ni. Sənaŋ a tan ta ənied əbyo ə weyem əswog zɨd na ni?" 1 Kukwo konyan bə mba əsɨ joŋ gu jijyad ətərog, əsɨ tag bâ ya nswan ə tswoŋ ba njen bə dəday sənaŋ shi nnwan ntəm ku mbyyaŋ, dunduŋ bə +nənyyug əsam ba ənab byo əna hyay ni bənaŋ əkən nhyay ba ni. 2 Naŋ Zwon Tsyyeb ji nnyyib əpyo əgwam utǎ əkyo ə kpərag ni, nsɨ cyyaŋ sə gbəŋdaŋ tyɨrɨm əbyin əzo. Nwam ku sɨ bwwag cyyo dyundyuŋ naŋ +ətərəg unag ni. Zwad ji bwo sɨka mbwwag cyyo naŋ əswog ni. 3 +Təŋgwad na bumi +tuza na sɨ shwwod ukwoy əbyin, bənaŋ ga ngwun ənɨ kpəyed +əsum ukwon əbwab ə shwwod əbyin byo kə byyan ni dag. 4 Ninian ba sɨ təyud bə əyyi ba bənaŋ ənɨ nkud kwa twaŋ ni. Kozaŋ əfan bə a kəraŋ səhwod sɨ təkyem na ə dərəg ndyo bu ulwo bana. 5 Kukwo +əgwam dunio ba, bə ceced ənied ba, ceced nnwan nzwaŋ, ənɨ byyo shyyo, ənied byyo ntyog bə konyan naŋ əhwo kwo swan səd. Basɨ təkub bumi ntay bə nfaŋ ənio shyyo bə fɨfan ku ni. 6 Basɨ nyo bə nfaŋ na bə fɨfan ku, "Shwwod kwoy tuza zɨd la! Niad zɨd duyi ətyə əwo ə swan bə ncug tyog ji ni bə ndyen Zwon Tsyyeb ji. 7 Gbəndaŋ nnwam ndyen wu əbay. Ənnyan ə bəd ə may gwô yoŋ?"