¹ Kukwo nsɨ kə ndi bumi bwag yag ətyə əwo ə swan tuza cug tyog ji ni, ə mbyyo kwa əkwo ə ndyurug əlyyad duswon mbyyaŋ məlyim ni. Əsɨ nkpərag əpyo əgwam ka bu kpərag pɨpyo natad. ² Nsɨmo ndi ga ətəm ntswa ə shey bə gbəŋdaŋ əŋwwad. "Ənyan ə bəd ə may gwô nyyim kwa twaŋ ku, əwod əba byay əpyo əgwam əkyo ə kpərag ni? ³ Əsɨ yəw shyyo əyin tuza bə əbyin kwo utag əbyin wo əyəw nyyib kwa ku əwod gwô twaŋ kyaŋ əkwo nshyyo bumi ni dag. ⁴ Nsɨ gwoŋ nkun bɨ byyan tsswo dənian əka ə nshyyo əyin əwo əmay gwô nyyib kwa ku kwo ə twaŋ ni dag. ⁵ Əwod ətyə nyyun bə +ətad əyyi ba əsɨ nyo bə nuŋ, "Yog twi dag. Di la! Bə zad ŋwab Yahuda ku, wo ə yed Ənan Dauda ka ni əwa kə nkwan əsɨ san. Ngwo bə əyin gu əmay gwô nyyib kwa ku mbyyaŋ pɨpyo natad əkwo əku kpərag ni." ⁶ Nsɨ di zwon tsyyeb yoŋ bə kəucyo cug tyog ji bə nkyaŋ nwad ənay əced na mbyyaŋ bumi +ətad əyyi ba. Əku di eye əwa kə nhyad gu ni. Ə̀ byyo gugwa natad bə əyyi natad byo. Ba byo ə yed ntswa natad əbyo Əgwaza əku tə́m ndyo kəkəb bə dunio ku ni. ⁷ Ə̀ ku nad ətə kyag kwa ku bə mbwag yag ətyə əwo ə swan tuza cug tyog ji ni. ⁸ Naŋ Zwon Tsyyeb ji nkyag kwa əlyyad Əgwaza ku ni, nkyaŋ nwad unay əced na bə +ətad əyyi nswag nfyyaŋ bə ənay ba basɨ myyo duyi guka shin ŋwwag gu shi. Konyan bə mba sɨ byyo zunzwom bə kham əshoŋ ntswam wo nhyad bə nkyaŋ nswam nyinyaŋ bəd, byo yed kɨ nay Əgwaza ku byo ŋwwag cucug, ba nyyo ni. ⁹ Basɨ bwom əbwom əfay nyo: "Bə ŋwan ə əyin a may kyag əlyyad Əgwaza na dɨ nyyib əpyo əgwam əkyo ə nkpərag ni. Dənian əku hyad a, əwod əswog a ənio ə san ənied Əgwaza ba nyyo bə kozaŋ nŋwab, əlyem, ənied bə +ukaraŋ. 0 Ŋwan ə cyyo ba sɨ yed ənied nyyo tyog bə ənied fi zənaŋ əbyo nyyo Əgwaza zɨd wu ntəm ni. Əwod ba na nyyo tyog tuza dunio ka" ¹¹ Kukwo nsɨ ŋwwan nsɨ fəg ŋwuŋwwad +ətəm ntswa bədɨdɨd əkərag cug tyog ji əbwwag bə nkyaŋ sɨced ba mbyyaŋ +ətad əyyi ba. Kəkəb shi ba ku sɨ nad ci kwob swag bə nci kwob bə nci kwob. ¹² Basɨ nyo bumi gbəndaŋ əŋwwad nyo, "Sɨced a i labyyaŋ, ŋwan Zwon tsyyeb əzo əku hyad ni, ŋwan ə bə nyin a əmay san tyog , shyyo, tsutswad, ced, shi, kyenkyay shi mbyyaŋ dyeb." ¹³ Nku fəg kozaŋ nkyaŋ əkwo əku nwad bumi tuza bə nkyaŋ ənio nshyyo bə mba ni ba nyo, "Tuza ətyə əwo swan tuza cug tyog bə Zwon Tsyyeb ji, yog dyeb, shi, kyeŋkyay shi mbyyaŋ ced dɨ nyyo tyog, na yed shin a nini tɨnad jen saŋ sɨsag." Zəm. 4 Nkyaŋ nwad əced unay na sɨ nyo, "Zəm!" kukwo +ətad əyyi nswag nfyyaŋ bə ənay ba sɨ myyo əbyin duyi gu ka dɨ nyyo gu sujada, gu ətyə əwo ə nshyyo nini tɨnad jen saŋ sɨsag.